MUNGSHIKHÜN 75:1 - AMÜSÜH HÜM CL Bible (BSI)

¹ Isanü nü ki makshe jihchoh, O Thrünpuh, isanü makshe jihchoh! Isanü nü tokhi zhiyukchoh tüsho nünü amüyinsahbe rhimokhi dünkheak thachoh.

MUNGSHIKHÜN 75:1 Iomraidhean Croise

MUNGSHIKHÜN 138:2

Inü nü amüsüh arüngyam lim kingaünbah, tüsho nü muzho tüsho nü thiyuro dünkheak nü mung shibah; tümüde nünü nü mung alala kurungkheak nü yu thushihdo.

MUNGSHIKHÜN 145:18

Atungpuh a api thiyuro ching jirü alala thüninde lah.

MUNGSHIKHÜN 44:1

Isa nükhünnü sodo, O Thrünpuh; adüsonü arü nimungbo ching nünü tümü rhimokheanü isa jipürünü isa ki thado.

MUNGSHIKHÜN 50:1

Wuto Atungpuh , Thrünpuhnü asukchoh; apinü alomi athrünkhi aniakhiuklimnü aniyüzahlim khiungde jichoh.

MUNGSHIKHÜN 57:1

I ki müthsümang, O Thrünpuh, I ki müthsümang! tümüde I menü nü kheak kinchoh; tüsho harü thsümütsü muhoyikia nü ghidükeang alamme küp I tsoyukbah.

MUNGSHIKHÜN 58:1

Yakzanshuhrübo, nüsanü thiyuro-lungki asukcho shi? Nüsanü lungkide mihtsürübo mahkhapcho shi?

MUNGSHIKHÜN 76:1

Juda ching Thrünpuh mükheahlah; Israel ching api mung ato lah.

ABEKHIT 23:21

Api ki kurhangang tüsho api düsheak aniang; api dazhih, tümütüsho nüsanü alakmihkhi apinü mübahjih, tümüde api kheak I mung lah.

JEREMIA 10:6

Nü nangde she müla, O Atungpuh ; nü ato ah, tüsho wu-sühmüh ching nü mung tolah.

YUZÜNGTHALO 4:7

“Tümüde isanü Atungpuh isa Thrünpuh ki jikhi nangde, thrünpuhnü athüninkhi püpürü trükshih ato küju la?