MUNGSHIKHÜN 74:2 - AMÜSÜH HÜM CL Bible (BSI)

² Nünü adüsonü amokhitkhi nü borü, nü yamrüplurüp thsüpü rhokhitkhi lümkhitang! Nü lakhi Zion Müzüng lümkhitang.

MUNGSHIKHÜN 74:2 Iomraidhean Croise

MUNGSHIKHÜN 106:40

Jumonü api mihtsürü azhihde Atungpuh bukakhiukde kam, junangde apinü nihbuh yamrüplurüp thranean.

MUNGSHIKHÜN 135:4

Tümüde Atungpuhnü anihbuh thsungkheak Jakob, büthsükhi api rahpung thsüpü Israel mokhitdo.

MUNGSHIKHÜN 33:12

Apinü ayamrüplurüp thsüde mokhitkhi trükshih, shepü Thrünpuh ju Atungpuh lanü müngühmühi.

MUNGSHIKHÜN 68:16

Amujukbo ahihdo lakhi müzüng, tümüde nünü mükthsüde kheahcho? Ha Thrünpuhnü alapü künkhi müzüng ah; am, ju ching Atungpuh lünnü alabah.

MUNGSHIKHÜN 77:15

Nünü nü binnü nü mihtsürü, Jakob tüsho Josep tsührübo rhokhit.

MUNGSHIKHÜN 9:11

Zion ching lakhi Atungpuh mung shikhi khün thsang! Mihtsürü bolung api rhimobo thaang!

MUNGSHIKHÜN 9:12

Thsünüde alarü Thrünpuhnü lümkhitchoh; arünü azhikhi apinü mümih, tüsho arü ki amülim rhimorü apinü thsümüchichoh.

MUNGSHIKHÜN 94:14

Tümüde Atungpuhnü api mihtsürü yana mübah, yungsho api yamrüplurüp mübahyuk.

ABEKHIT 15:13

“Nünü amuzhodakkhi ching nünü arhokhitkhi mihtsürü nünü be, nünü nü sühmühnü nü lapung amüsüh lim arü limbe.

ABEKHIT 15:16

Mihtrebe tüsho atrebe arü kheak keamkih; nü khah tokhi hode arübo lung nangde mülüplüp, O Atungpuh , nünü athulokhi nü mihtsürü muhoyi khiungde.

ISAIA 51:11

Jumonü Atungpuhnü rhokhitrü rholobah tüsho khün thsüde Zion lim arübah; akheam müla asühachihkhi arü ku kheak labah; arünü asühachih tüsho asühakokhi labah, tüsho mulong rozhak le masühkhi tsoabahbah.

ISAIA 62:12

Arübo ki “Amüsüh Mihtsürü, Atungpuhnü Rhokhitkhi” de ajibah; tüsho nü ki “Ayimkhitkhi, Mübahyukkhi Kiuto” de ajibah.

ISAIA 62:6

Nü rhübo kheak, O Jirusalem, inü aheangrü zojihlah; nimungroro tüsho tsüngreroro arünü zhikde müla. Nüsa sherü Atungpuh ki lümkhitloshihbanü zhikde düla,

ISAIA 63:17

Tümüde, O Atungpuh , nünü isa nü limro chingnü tsoshihcho tüsho isanü nü mütrepü thsüde isa mulong müküpshihcho? Nü yamlarübo mung chingnü, nü yamrüplurüp trükbo mung chingnü rholoang.

ISAIA 63:9

Arü lümthsünü alala ching api she lümthsünüde kam, yunirü khülangnü yung tüshe Atungpuhnü arü khümkhit; api muzho ching tüsho api khah-ching müyüzahkhinü arü bemusu tüsho awün nimungbo alala ching buh.

JEREMIA 10:16

Jakob Thrünpuh a harü ruk yung, tümüde nü kukruk alala thrünkhi ju api lah, tüsho Israel ju api yamrüplurüp trük ah; Wuto Atungpuh ju api mung lah.

JEREMIA 51:19

Jakob Thrünpuh a harü ruk yung, tümüde kukruk alala kamkhitshihkhi ju api ah, tüsho Israel ju api yamrüplurüp trük lah; Wuto Atungpuh ju api mung.

YUNIRÜBO RHIMO 20:28

Nüsa le Amüsüh Menü nüsa aheangrü kamshihkhi namfimihnu boto tüsho api tsührü thiyih hode nihbuh yo kamkhi Thrünpuh borü kümpü kurhangang.

YUZÜNGTHALO 32:9

Tümüde Atungpuh lupü shihcham ju api mihtsürübo, Jakob ju apinü achamkhitkhi yamrüplurüp. @SP ACE=

YUZÜNGTHALO 4:20

Tüshe Atungpuhnü nüsa yinchi trukhi, Ijip chingnü nüsa khihni lakhi ruk api mihtsürü thsüpü tüsho api yamrüplurüp thsüpü bekhit.

YUZÜNGTHALO 9:26

Tüsho inü Atungpuh ki tamkhüntamnü, O Wuto Atungpuh , nü tokhinü rhokhitkhi, nü khah sühmüh atonü Ijip chingnü abekhitkhi, nü mihtsürü tüsho nü yamrüplurüp düdükheakshih.

YUZÜNGTHALO 9:29

Judüalalashe arübo, nü wu-sühmüh tüsho nü khah chunghuhde abekhitkhi, nü mihtsürü tüsho nü yamrüplurüp ah.

TITA 2:14

Apinü isa mülimkhibo alala chingnü rhokhitbah atsü rhimopü mulongrü api mihtsürü thsüpü thsungkheak tsangkhitpü isa thsungkheak anihbuh jihabah.

AMIKHEAKAKHIUKKHI 5:9

tüsho arünü khün aso thsüde tha, “Küpqiu lupü tüsho ju yümdokhibo khimshuhpü nü athülün ah, tümüde nü laksahdo tüsho nü thiyih hode trük, thiyutha, mihtsürü tüsho trükshih aban chingnü Thrünpuh thsungkheak nünü mihtsürübo rhokhit,