MUNGSHIKHÜN 73:6 - AMÜSÜH HÜM CL Bible (BSI)

⁶ Jumonü lülüshishi ju arü lak thsülah; khimmih nangde athsümünimnü arü hingdolah.

MUNGSHIKHÜN 73:6 Iomraidhean Croise

THRÜNTAN 41:42

Pharaonü api yingkhing chingnü yingkhüm yihkhit tüsho Josep yingkhing ching yukjih; apinü khimthünakbo api kheak phukihjih tüsho suna wuhrünlak ahung mükamde yukjih.

ESTER 3:1

Ju dunglim, Zerzesnü Agag kheaknü atrükkhitkhi Hammedatha tsührü Haman ju api kiuthsü bukkhüp alala kurungkheak achangbe ching shuhkihjih.

MUNGSHIKHÜN 109:18

Apinü muthrumünean ju akhimmih nangde phuyuchoh; ha apang ching ke nangde, arobo ching müdangke nangde yüzahchoh.

MUNGSHIKHÜN 109:29

I müneahrübo achih ngükhi yihshang, tüsho khimmih nangde arü lümchihyuknü arü lüpdoshang.

MÜCHITMUDU 1:9

tümüde jurübo nü ku kheak akhamdak zülubo tüsho nü hung mükamde lakbo thsübah.

MÜCHITMUDU 3:31

Athsümünimrü mükdüthsü, tüsho api limrobo küpü she dümokhit;

MÜCHITMUDU 4:17

Tümüde arünü mihbukmuyuk yikhap tsühchoh, tüsho athsümünimbe yukhu yungchoh.

T H S AN GYU T H S AN GR ARÜ 8:11

Tümütüsho amütsü-rhimo azhihde nahde müthsümüchimonü, mihtsürü mulong ju amütsü rhimopünü milah.

KHÜNBOLUNGKHÜN 4:9

Nünü nü yo suna lak khülangnü I mulong ahühdo, I tsübe, I yamkhünbe, Nü müknü rheaka kheahkhi ching nünü I mulong ahühdo.

ISAIA 3:19

thümühro-lak, bingkhüm, yüri;

JEREMIA 48:11

Moab a api athunuchokinü zuzu lakheah, yukhu nangde azhihzhih kingmukhungdo; api a phüh khülang chingnü khülang mudungakeang, yungsho api a ramtso ching müyü; jumonü api kekhi judü lang lah tüsho api rhümthüneakhi mümüthri.

JEREMIA 48:29

Isanü Moab kükheangkhi–api khide kükheanglah–changde alümkhi, lülüshishikhi tüsho api bukakhiukkhi tüsho api mulong ching juno-lümlung lakhi sodo.

EZEKIEL 16:11

Inü nü kheak mürezhingzhingnü züt thsüjih: Inü khubo nü bin ching yukjih tüsho lak nü hung mükamde yukjih,

DANIEL 4:30

tüsho kiulongthsüpuhnü tha, “ Kheahang Babilon küdükhüh ato a! Ha inü I wu tüsho sühmüh, I müretah tüsho mungthu huhpü I yo kiuying thsükheah.”

MIKA 3:5

Atungpuhnü I mihtsürü bephülaprü wukihrübo dünkheak ha thachoh, sherünü tümükhüh atsühpü lachoki “Mungtsü” zhicho, tüshe sherünü arü mün ching tümü muyukjihnü arü azhihde thirithsü thakhitjihchoh.

YUZÜNGTHALO 32:15

Tüshe Jeshurun shihkihde zokhit, tüsho azhihde kam; bukthsüde tsühbah api mülangrüpdo tüsho lütlütde kam. Apinü api thrünrü Thrünpuh bahyuk, tüsho api khümkhitpü lung bahyuk.

1 PETER 5:5

Junangde nüsa athunurübonü azorü bukkhüp laang. Nüsa khülangnü khülang miki azhihayihde laang, tümüde “Thrünpuhnü akükheangrü zhipdochoh, tüshe azhihayihrü kilim amüthsüm jihchoh.”

MAHKHAPRÜ 8:26

Gideonnü aleangkhikhi suna nüpübo ju khahngak 20 bande alakheah, tüsho ha ching zülubo, lakbo, Midia kiulongthsürübonü ayihkhi mürümmuchu khimbo, tüsho arü kemelbo hung kheak mükamkhi lakbo mübe.