MUNGSHIKHÜN 73:25 - AMÜSÜH HÜM CL Bible (BSI)

²⁵ Yinmi ching I she la tüshe nü ah, tüsho nü hode inü amürheangkhi alomi kheak she müla.

MUNGSHIKHÜN 73:25 Iomraidhean Croise

MUNGSHIKHÜN 104:34

I tamkhüntamnü-lüm api ki niungde kamshang; inü Atungpuh lung asühbah.

MUNGSHIKHÜN 16:11

Nünü I ki rhangdung limro huhbah; nü lakhi ching khiukde asühachih lah; nü khah tsülimpeang lünnü reangkeampü lah.

MUNGSHIKHÜN 16:2

Inü Atungpuh ki tha, “Nü I TUN GPU H ah; nü hobah I atsü tümü müla.”

MUNGSHIKHÜN 16:5

Atungpuh ju inü amokhitkhi shihcham tüsho I pung; I kuhi nü khah ching lah.

MUNGSHIKHÜN 17:15

I thsungkheak a, inü nü miro thiyuro-lungki ching ngübah; küyimki I asürübanü nü jak ngükhi hode I reangkeambah.

MUNGSHIKHÜN 37:4

Atungpuh lung asühang, tüsho nü mulongnü akünkhi apinü nü kilim jihbah.

MUNGSHIKHÜN 43:4

Judüki inü I khide asühkhi Thrünpuh kingaün sadam lim yübah. Tüsho bingshang khungde inü nü shibah, O Thrünpuh, I Thrünpuh.

MUNGSHIKHÜN 63:3

Tümütüsho nü muzhodakkhi ju rhangdung kheaknü atsübe, I münküpbonü nü shijihbah.

MUNGSHIKHÜN 89:6

Tümüde yinmibo ching shepünü Atungpuh kheak akekhukba? Wuto tsührübo lung shepü Atungpuh nangde la?

MATHI 10:37

Shepünü I kheaknü abuh yungsho abe alü muzhochonü I jingyanrü thsüpü müthülün. Tüsho shepünü I kheaknü tsührü yungsho tsührübe alü muzhochonü I jingyanrü thsüpü müthülün.

MATHI 5:8

Mulong müsühde alarübo asühpü, tümüde arünü Thrünpuh ngübah.

FILIPI 3:8

Jisu Khrista I Tungpuh de amükheahkhi ching khide athülün lakhinü inü lüpdükhi kukshahkhi khechoh. Tümüde api dünkheaknü alala kukshahkhi inü thsünü, tüsho jurü sünit khejihchoh, junangde inü Khrista alü thsübah

1 JOHAN 3:2

Amuzho müyamrübo, isa Thrünpuh tsührübo ah; isa künangde alabeanü amikheak makhiukyi, tüshe küyimki api amikheak akhiukbanü, isa ju api nangde alabah de isanü mükheahlah, tümüde api küjuanü isanü api ngübah.

AMIKHEAKAKHIUKKHI 21:3

tüsho kiulongthsü-binkiu chingnü düsheak achangnü thade inü so, “Kheahang, Thrünpuh lapung mihtsürübo lung lah. Api arü lung labah, tüsho arübo api mihtsürü thsübah, tüsho Thrünpuhnü aküdah thsüde arü lung labah tüsho arü Thrünpuh thsübah;