MUNGSHIKHÜN 73:24 - AMÜSÜH HÜM CL Bible (BSI)

²⁴ Nü lümthiyannü I bebah, tüsho ju dunglim müretahkhi lim I leangkhia lubah.

MUNGSHIKHÜN 73:24 Iomraidhean Croise

MUNGSHIKHÜN 16:7

Inü Atungpuh shichoh, tümütüsho apinü I bechoh, tüsho azhing ching I lümkhinü I ki thachoh.

MUNGSHIKHÜN 25:9

Apinü azhihayih ju alungki ching bechoh, tüsho api limro thsangyuchoh.

MUNGSHIKHÜN 32:8

Nü yüpü limro inü nü ki thsangdanbah tüsho thsangyubah; I müknü inü nü kheahbah.

MUNGSHIKHÜN 48:14

“Ha Thrünpuh, lünnü lün isa Thrünpuh ah; apinü akheam khiungde isa bebah.”

MUNGSHIKHÜN 49:15

Tüshe Thrünpuhnü ashepü wu chingnü I khümkhitbah, tümüde apinü I leangkhibah.

MUNGSHIKHÜN 84:11

Tümüde Atungpuh Thrünpuh ju ani tüsho tsung ah; Atungpuhnü amüthsüm tüsho müretah jihbah; lungkide atsahrü kheaknü apinü atsü tümü she mutholo.

MÜCHITMUDU 8:20

Inü thiyuro tsahpungbo yande thiyuro-lungki limro ching tsahchoh,

ISAIA 30:21

Tüsho küyimki nüsanü tsülim yungsho huzulim rholoba, nüsa nükhünnü nüsa dunglim thakhi yu sobah, “Ha limro ah; ju ching tsahang.”

ISAIA 48:17

I Atungpuhnü ha thachoh, nü Rhokhitrü, Amüsüh Israel Thrünpuh: shepünü nü tsüpü thsungkheak thsangyucho, shepünü nü yüpü lakhi limro ching nü becho, I Atungpuh nü Thrünpuh.

ISAIA 58:11

Atungpuhnü mutuklode nü bebah, tüsho atak dangpungbo ching nü yihnübebo reangkeamshihbah, tüsho nü robo düküngshihbah; tüsho nü a keduhkhi ayündo nangde, küyimkishe mubukde mülakhi kenü nangde alabah.

ISAIA 58:8

Judüki nü yo ayin yapsu nangde atahbah, tüsho nahde nü thsüngubah; nü thiyuro-lungki nü müngüh yübah, Atungpuh müretahkhinü nü dunglim aheangbah.

WÜHKHE 9:22

Hoju nimung mahne, yungsho khinu khülang, yungsho kam khülang thsüthsü, amo ju arüngyam kumung la khiungde Israelrübonü binkheampung ching la tüsho mütsahmusu; tüshe küyimki akhinabahkheanü arünü tsahmusu.

LUKNÜ ATHRÜTKHI THIYUSHEAK-ATSÜ HUHTANYU 11:13

Junangde nüsa amütsü thsüa lalashe, nüsa tsührübo kilim atsü jihpü mükheahsho, nüsa Abuhnü api ki kheangrü kilim Amüsüh Me küdükhüh she ajihba!”

LUKNÜ ATHRÜTKHI THIYUSHEAK-ATSÜ HUHTANYU 23:46

Jisunü düsheak achangnü zhide tha, “Abuh, nü khah ching I me zojihchoh.” Tüsho ha thabah api sheak kheamabah.

JOHAN 14:3

Tüsho nüsa thsungkheak lapung thsakhampü I yüsho, I alode arübah tüsho I kilim nüsa bea lubah; junangde I küching labanü, nüsa she ju ching labah.

JOHAN 16:13

Judüalalashe, küyimki thiyuro Me arübanü apinü nüsa thiyuro alala ching bebah; tümüde apinü nihbuh thiyukhümsühmühnü mütha, tüshe tümüpürü apinü asobanü athabah; tüsho adünjipü lakhi apinü nüsa ki thabah.

JOHAN 17:24

Abuh, nünü I kilim jihrü she I lapung I lung lashihnelah, junangde nünü I kilim jihkhi I müretah ngübah; tümüde alomi khimtan müngühnü nünü I muzho.

JOHAN 17:5

Tüsho kheakü, O Abuh, alomi mülayichoki nü lang I müretah lakhi nangde I müretahshang.

YUNIRÜBO RHIMO 7:59

Arünü Stephen rude alachoki, apinü tamkhüntamnü, “Atungpuh Jisu, I me leangkhiang.”

2 KORINT 5:1

Kheakü isa lakhi alomi khimyam thsümünimsho, mihtsürü khahnü müthsükhi yinmi ching lün yam Thrünpuh kilimnü lah de isanü mükheahlah.

YUZÜNGTHALO 18:2

Jumonü keoniorü lung arü yamrüplurüp müla; apinü arü ki thakhi nangde Atungpuh ju arü yamrüplurüp thsübah.

JAKOB 1:5

Tüsho nüsa khürü lümlung mülasho, müsüngde alala kilim salade ajihbuh Thrünpuh ki kheangang, tüsho ju nü kilim jihbah.