MUNGSHIKHÜN 73:23 - AMÜSÜH HÜM CL Bible (BSI)

²³ Judüalalashe I nü lung mutuklode lah; nü khah tsülimnü I tholoang.

MUNGSHIKHÜN 73:23 Iomraidhean Croise

THRÜNTAN 17:1

Küyimki Abram kam 99 azorü lakheanü, Atungpuh api ki akhiuk tüsho tha, “I Wuto Thrünpuh ah; I miki tsahang tüsho lungkide laang.

MUNGSHIKHÜN 139:18

Inü jurü khekhülaa, loyi kheaknü ahihbe labah; küyimki I asürübanü, judü lang I nü lung lah.

MUNGSHIKHÜN 16:8

Inü kamruhroro Atungpuh I miki lashihlah; tümütüsho api I khah tsülimpeang lah tüsho I matrüt.

MUNGSHIKHÜN 23:4

I amiting asük hode yüyü she, Atungpuh , inü mütre, tümüde nü I lung lah. Nü namfimihnu neakrü tso tüsho shitsonü I kümdochoh.

MUNGSHIKHÜN 37:17

tümüde mihbukmuyuk binbo zhakbah, tüshe Atungpuhnü thiyuro-lungkirü tholochoh.

MUNGSHIKHÜN 37:24

Api lunga lalashe phapde müyap; tümüde Atungpuh khahnü api tholochoh.

MUNGSHIKHÜN 63:8

I menü nü kheak kapkihchoh; nü khah tsülimnü I thololah.

ISAIA 41:10

dütre, tümüde I nü lung lah, dütre, tümüde I nü Thrünpuh ah; inü nü reangzahshihbah, inü nü rungbah, inü nü I thiyuro khah tsülimnü tholobah.

ISAIA 41:13

Tümüde, I, Atungpuh nü Thrünpuh, nü khah tsülim ramlolah; inü nü ki thachoh, “Dütre, inü nü rungbah.”

ISAIA 42:1

Ha kheak inü ramloa lakhi I yamlarü lah, shepü inü mokhitkhi, shepü kheak I menü asühcho; inü I me api kheak yukjihdo; apinü trükshihbo kilim thiyuro handarübah.

MATHI 1:23

Kheahang, atsangkhitkhi khülang mübünkeangde akambah tüsho tsührü khülang zübebah, tüsho arünü api mung Immanuel de ajibah, ju amütsan, “Thrünpuh isa lung lah.”

MATHI 28:20

inü nüsa ki thiyukhüm jihkhi alala anipü arü ki thsangyuang; tüsho kheahang, I nüsa lung kamruhroro, lün akheam khiungde alabah.”

IBRI 13:5

Sho muzhokhi chingnü nü rhangdung zuzu laang, tüsho nü tümü lanü ju kheak reangkeamang; tümüde apinü tha, “Inü küyimkishe nü müdükhe yungsho nü mübahyuk.”