MUNGSHIKHÜN 73:1 - AMÜSÜH HÜM CL Bible (BSI)

¹ Tsükjide Thrünpuh a Israel, mulong müsührü ki tsülah.

MUNGSHIKHÜN 73:1 Iomraidhean Croise

1 KIUTHSÜYUKHEAN 15:17

Jumonü Levirünü Joel tsührü Heman yüzahshih; tüsho api buhtsührü Berekia tsührü Asaph; tüsho Merari tsührübo, arü buhtsührü, Kushaia tsührü Ethan;

1 KIUTHSÜYUKHEAN 16:37

Davidnü Asaph tüsho api buhtsührübo Atungpuh tangzüng sangdan miki nimung aban sangdan miki yihnüpü lakhi mutukzhakde tankihpü zojih,

1 KIUTHSÜYUKHEAN 16:7

Ju nimung Davidnü akhuhde Atungpuh kilim mungshi khün thsüshihpü Asaph tüsho api buhtsührü kilim hahmülang jih.

1 KIUTHSÜYUKHEAN 6:39

tüsho Heman keoniorü anihbuh tsülimpeang zhipbuh Asaph: Berekia tsührü Asaph, Shemea tsührü,

2 KIUTHSÜYUKHEAN 29:30

Kiulongthsüpuh Hezekia tüsho atorübonü, David tüsho angürü Asaph yubo bede Atungpuh kilim mungshi khün thsüshihpü Levirübo kilim thiyukhüm jih. Arünü asühde mungshi khün thsü, tüsho arünü khukning tüsho kingaün.

MUNGSHIKHÜN 2:6

“I amüsüh wung, Zion kheak inü I kiulongthsüpuh zolah.”

MUNGSHIKHÜN 24:4

Shepü khahbo tüsho mulong amüsüh la, shepünü sangthsübo mükingaüncho tüsho akeangyu thiyuchihchim müthsücho.

MUNGSHIKHÜN 42:11

Tümüde I khide mulong tukthsüla? Tümüde I khide küpkhukla? Inü Thrünpuh kheak I mulonglambah, tüsho mutuklode I khümkhitbuh tüsho I Thrünpuh shibah.

MUNGSHIKHÜN 50:1

Wuto Atungpuh , Thrünpuhnü asukchoh; apinü alomi athrünkhi aniakhiuklimnü aniyüzahlim khiungde jichoh.

MUNGSHIKHÜN 51:10

O Thrünpuh, I kheak mulong amüsüh khülang thrünjang, tüsho I kheak thiyuro me aso kamshang.

MUNGSHIKHÜN 73:18

Tsükjide nünü arübo ashahshahpung ching zojih; nünü arübo athsümünim ching bahjih.

MUNGSHIKHÜN 83:1

Malande düla, O Thrünpuh; nü mungtsü dütholo, tüsho zhikde düla, O Thrünpuh!

MUNGSHIKHÜN 84:11

Tümüde Atungpuh Thrünpuh ju ani tüsho tsung ah; Atungpuhnü amüthsüm tüsho müretah jihbah; lungkide atsahrü kheaknü apinü atsü tümü she mutholo.

JEREMIA 4:14

O Jirusalem, mihbukmuyuk chingnü mulong müsühang, junangde nü khümkhitbah. Nü lümkhi amütsü külokhüh nü kheak laba?

MATHI 5:8

Mulong müsühde alarübo asühpü, tümüde arünü Thrünpuh ngübah.

LUKNÜ ATHRÜTKHI THIYUSHEAK-ATSÜ HUHTANYU 12:32

“Dütre, aninibe boto, tümüde nüsa Abuhnü nüsa kilim kiulongthsü jihpü mulonglah.

JOHAN 1:47

Jisunü Nathanael api kilim arüde ngü, tüsho api dünkheak tha, “Kheahang, amülim mülakhi thiyuro Israelrü!”

ROMRÜ KILIM PAULNÜ ATHRÜTKHI KIHÜM HUHTANYU 4:16

Jumonü alokhikhi ju akin hode arüchoh, junangde alokhikhi ju mihmüthsüm kheak labah tüsho yakzan yande alarü kilim lang yung tüshe Abraham akin ching larü api tsühsoniuso alala ki alokhibah tümüde api isa alala abuh ah.

TITA 3:5

isanü thiyuro-lungki rhimokhi dünkheaknü yung tüshe api amüthsüm hode, zübelode müsühkhitde tüsho Amüsüh Me ching aso kamlode apinü isa khümkhit,

JAKOB 4:8

Thrünpuh thüninang tüsho apinü nü thüninbah. Aneakrübo, nüsa khahbo tüsho mulongbo müsühang, nüsa lümtrüp mihtsürübo.