MUNGSHIKHÜN 72:17 - AMÜSÜH HÜM CL Bible (BSI)

¹⁷ Api mung lünnü alabah; ani la khiungde api mung mutuklode alabah. Tüsho mihtsürübo api lung müngühmühibah; trükshih alalanü api ki müngühmühi de ajibah.

MUNGSHIKHÜN 72:17 Iomraidhean Croise

THRÜNTAN 12:3

Shepünü nü müngühjihchonü inü müngühjihbah, tüsho shepünü nü athruchonü inü muthrumüneanbah; tüsho nü lung alomi yamkhün alala müngühjihbah.”

THRÜNTAN 22:18

Nü müjih ching alomi trükshih alala müngühmühibah, tümütüsho nünü I ki mihyuanido.”

2 SAMUEL 7:13

Apinü I mung thsungkheaknü thüyam khülang thsübah, tüsho inü api kiulongthsü-binkiu lün thsungkheak thsakhamjihbah.

2 SAMUEL 7:16

Nü yam tüsho nü kiulongthsü I miki lünnü alashihbah; nü kiulongthsü-binkiu lünnü alabah.

1 KIUTHSÜYUKHEAN 17:12

Apinü I thsungkheak thüyam khülang thsübah, tüsho inü api kiulongthsü-binkiu lünnü alashihbah.

MUNGSHIKHÜN 21:7

Tümüde kiulongthsüpuhnü Atungpuh kheak kinchoh, tüsho Khide Achangbuh mihmüthsüm hode api matrüt.

MUNGSHIKHÜN 45:17

Inü lün alala ching nü mung lümkhitshihbah; jumonü mihtsürübonü lünnü lün nü shibah.

MUNGSHIKHÜN 89:36

api müjih lünnü rünkhiungbah, tüsho api kiulongthsü-binkiu ani nangde I miki labah;

ABEKHIT 3:15

Kheaküshe Thrünpuhnü Mosa ki tha, “Israelrübo ki ha thaang: Atungpuh nüsa jipürü Abraham, Isak tüsho Jakob Thrünpuhnü I nüsa kilim arüshihkheah. Ha kamruhroro thsungkheak I mung ah, tüsho arübe lün alala thsungkheak ha I mung labah.

ISAIA 7:14

Jumonü Atungpuhnü nü kilim amütsan khülang jihbah. Kheahang, anünürü khülang mübünkeangde akambah tüsho tsührü khülang zübebah, tüsho api mung Immanuel de ajibah.

JEREMIA 4:2

tüsho nüsanü, “Atungpuh lale!” de thiyuro ching, jakmükheahkhi ching, alungki chingnü thiyuchihchimsho, apinü trükshihbo müngühjihbah, tüsho api lung arü müretahbah.

MATHI 1:21

Alibenü tsührü khülang zübebah, tüsho nünü api mung Jisu de ajibah, tümüde apinü anihbuh mihtsürü arü neakbo chingnü khümkhitbah.”

MATHI 1:23

Kheahang, atsangkhitkhi khülang mübünkeangde akambah tüsho tsührü khülang zübebah, tüsho arünü api mung Immanuel de ajibah, ju amütsan, “Thrünpuh isa lung lah.”

LUKNÜ ATHRÜTKHI THIYUSHEAK-ATSÜ HUHTANYU 1:48

tümüde apinü ayamlaberü kuhi lümkhitjih; kheahang, kheakünü ründe lün alalanü I ki müngühmühi de ajibah.

YUNIRÜBO RHIMO 3:16

Tüsho api mung ching akin hode nüsanü ngüde mükheahde alakhi ha mihtsürü düküngshih; tüsho Jisu hode apinü ha mihtsürü nüsa alala mikinü phü tsüde kamshih.

GALATIA 3:14

Abraham kilim jihkhi müngühmühi Jisu Khrista hode khiungkerü kheak arüpü thsüde apinü isa rhokhit, junangde akin hode isanü Menü alokhikhi leangkhibah.

EFISIA 1:3

Yinmi kiulongthsü ching me müngühmühibo Khrista ching isa müngühjihbuh, isa Atungpuh Jisu Khrista Abuh Thrünpuh shiang.

EFISIA 3:14

Hamonü inü Abuh miki khukningchoh,

FILIPI 2:10

junangde yinmi ching, alomi kheak tüsho lüpdükhi mukhuknü Jisu mung ki khukningbah,

KOLOSI 1:3

Küyimki isanü nüsa thsungkheak tamkhüntamnübanü kamruhroro isa Atungpuh Jisu Khrista ki makshe jihchoh,

1 PETER 1:3

Atungpuh Jisu Khrista Abuh tüsho Thrünpuh shiang! Api mihmüthsüm ato hode Jisu Khrista ashe chingnü arhang kamlokhinü alapü mulonglam ching isa aso zübeshihdo,

AMIKHEAKAKHIUKKHI 15:4

O Atungpuh, shepünü nü mütrepü tüsho nü mung müremütahpü? Tümüde nü lang amüsüh ah. Trükshih alalanü arübah tüsho nü kingaünbah, tümüde nü mahkhapkhibo amikheak akhiukdo.”