MUNGSHIKHÜN 72:15 - AMÜSÜH HÜM CL Bible (BSI)

¹⁵ Tüsho api alabah; Sheba suna api kilim jihbah; api kilim tamkhüntamnü she mutukzhakde athsübah, tüsho nimung aban api shijihbah.

MUNGSHIKHÜN 72:15 Iomraidhean Croise

1 KIULONG THSÜRÜ 10:10

Judüki alibenü kiulongthsüpuh kilim suna khahngak 4000 akumung mungji aphuaphu ahihdo tüsho amo-achak lungbo jih; Sheba kiulongthsübenü kiulongthsüpuh Solomon kilim jihkhi mungji aphuaphu hadükhüh küyimkishe hande marüde alakheah.

1 KIULONG THSÜRÜ 10:14

Kam khülang ching Solomon kilim arükhi suna ju khahngak 23,000 bande lakheah,

2 KIUTHSÜYUKHEAN 9:1

Küyimki Sheba kiulongthsübenü Solomon mungthukhi sokhea, alibenü api rük tsühpü akeokhikhi amüküpbo, boto ato tüsho arhümthünea hankhi kemelbo, suna ahihdo tüsho shotolungbo lubah Jirusalem ching arü. Küyimki alibe Solomon ki arükhea, anihbe lümkhi ching lakhi alala api ki asukachih.

MUNGSHIKHÜN 21:4

Apinü nü kilimnü rhangdung kheang, tüsho nünü api kilim rhangdung kutsüpde alapü jih.

MUNGSHIKHÜN 45:4

Thiyuro tüsho alungki tsunglopü thsungkheak akukkhi lim beang; nü sühmühnü akuk ato ngübah!

MUNGSHIKHÜN 72:19

Api müretahkhi mung lünnü shiang, tüsho alomi athrünkhi api müretahnü mishang. Amen tüsho Amen.

ISAIA 60:6

Mükhebinkhi kemelbonü nü lomi zündobah, Midia tüsho Epha kemel nunubo; Sheba ching yo alala arübah. Arünü suna tüsho jinjinlak handarübah, tüsho Atungpuh mung shikhi zhiyukjihbah.

MATHI 2:11

Tüsho küyimki arü thüyam ching yüzahkhea, arünü azürü ju abe Mari lung ngü, tüsho mükhümbah api kingaün. Tüsho arünü thsambah düm trünbah api kilim suna, jinjinlak, tüsho rhümthüneabe thsambahbo jih.

MATHI 21:9

Judüki müngühlim yükhi tüsho dunglim yankhi botonü zhide tha: “Hosanna, David tsührü! Shepü Atungpuh mung chingnü arüchonü müngühmühi thsang! Achangbe chingnü shiang!”

MATHI 6:10

Nü kiulongthsü arang, yinmi ching künangde la, alomi ching junangde nü lümkhi thsang.

JOHAN 11:25

Jisunü alibe ki tha, “I arhang kamlokhi tüsho rhangdung. Shepünü I kheak kinchonü, api shea lalashe arhang labah.

JOHAN 14:19

Anükhüh labah alominü I müngüde akambah, tüshe nüsanü I ngübah, Tümütüsho I lale, nüsa she alabah.

JOHAN 5:23

junangde arünü Abuh wüntre jihkhi nangde alalanü atsührü wüntre jihbah. Shepünü atsührü wüntre müjihbanü api thiyibuh Abuh wüntre müjihchoh.

2 KORINT 13:14

Atungpuh Jisu Khrista amüthsüm, Thrünpuh amuzho tüsho Amüsüh Me arihako nüsa alala lung laang.

FILIPI 2:11

tüsho Abuh Thrünpuh müretahpü Jisu Khrista ju Atungpuh de thiyutha alalanü alokhibah.

1 TESALONIKA 3:11

Kheakü isa Abuh Thrünpuh, tüsho isa Atungpuh Jisu küdah thsüde, nüsa kilim isa limro huhshang;

2 TIMOTHI 4:22

Atungpuh nü me lung lashang. Nü lung amüthsüm laang.

2 PETER 3:18

Tüshe isa Atungpuh tüsho akhümkhitbuh Jisu Khrista amüthsüm tüsho mükheahmudu ching zokihang. Kheakü tüsho lünnü api müretah lashang! Amen.

1 JOHAN 1:2

rhangdung ju amikheak akhiukshih tüsho isanü ju ngü, ju thiyumütsan thsü, tüsho Abuh lung lakhi lün rhangdung tüsho isa ki amikheak akhiukkhi nüsa ki zhiyuk–

JUDNÜ ATHRÜTKHI KIHÜM HUHTANYU 1:25

Thrünpuh, isa Atungpuh Jisu Khrista hode isa khümkhitbuh kilim müretah, wüntre-müretah, yakzan shuhkhi, tüsho wu, kim alala müngüh, kheakü tüsho lünnü laang. Amen.

AMIKHEAKAKHIUKKHI 1:18

tüsho arhang labuh ah; I ashekheah, tüsho kheahang, lün thsungkheak lah, tüsho Ashe tüsho athsümüchi mükhipbebo inü zhimlah.