MUNGSHIKHÜN 72:1 - AMÜSÜH HÜM CL Bible (BSI)

¹ O Thrünpuh, kiulongthsüpuh kilim nü mahkhapbo, tüsho kiulongthsüpuh tsührü kilim nü thiyuro-lungki jihang.

MUNGSHIKHÜN 72:1 Iomraidhean Croise

2 SAMUEL 23:3

Israel Thrünpuhnü asukdo, Israel Lungtonü I ki thado: Shepünü mihtsürü kurungkheak thiyuronü yakzan shuhchonü, Thrünpuh wüntrekhi chingnü yakzan shuhchonü,

1 KIULONG THSÜRÜ 1:39

Ju ching amükeambuh Zadoknü müdangke pung khimyam chingnü lu tüsho Solomon mujude-mokhit. Jushu arünü hulipungpung müt tüsho mihtsürü alalanü tha, “Kiulongthsüpuh Solomon kutsüpde laang!”

1 KIULONG THSÜRÜ 3:9

Jumonü nü yamlarü kilim nü mihtsürü yakzan shuhpü, atsü tüsho amütsü dükeak mütsankhitkhukpü anikhitkhi lümlung jihang; tümüde shenü ha nü mihtsürü ato kurungkheak yakzan shuhkhukba?”

1 KIUTHSÜYUKHEAN 18:14

Jumonü Davidnü Israel kurungkheak kiulongthsü; tüsho apinü anihbuh mihtsürü alala ki thiyuro tüsho alungki rhimo.

1 KIUTHSÜYUKHEAN 22:9

Kheahang, tsührü khülang nü kilim zübejihbah; api mungtsü mihtsürü labah. Inü thrip abande api riribo kheaknü api kilim mungtsü jihbah; tümüde api mung Solomon labah, tüsho inü api nimungbo ching Israel kilim mungtsü tüsho keamram jihbah.

1 KIUTHSÜYUKHEAN 29:19

I tsührü Solomon kilim nü yukhümbo, nü kiuthsü yukhüm, nü yakzan thsükhibo alala yande, inü tsanglunga lakhi arüngyam thsüpü thiyuro lümkhi jihang.”

2 KIUTHSÜYUKHEAN 1:10

Kheakü ha mihtsürübo limbepü I kilim lümlung tüsho mükheahmudu jihang, tümüde ha nü mihtsürü ato shenü yakzan shuhkhukpü?”

MUNGSHIKHÜN 127:1

Atungpuhnü thüyam müthsüsho, ha thsürübo ju akeangkeang ching rhimochoh; Atungpuhnü kiuto maheangsho, aheangrü ju akeangkeang ching zhipchoh.

ISAIA 11:2

Atungpuh me api kheak labah, lümlung tüsho anikhitkhi me, lümthiyan tüsho Wuto me, mükheahmudu tüsho Atungpuh wüntrekhi me.

JOHAN 3:34

Tümüde shepü Thrünpuhnü athiyikheanü Thrünpuh yubo asukchoh, tümütüsho Thrünpuhnü me ju adünbah müjihchoh.