MUNGSHIKHÜN 71:5 - AMÜSÜH HÜM CL Bible (BSI)

⁵ Tümüde nü I mulonglam ah, O Atungpuh T HRÜNPU H ; I athunuchokinü nü a inü akinkhi lah.

MUNGSHIKHÜN 71:5 Iomraidhean Croise

1 KIULONG THSÜRÜ 18:12

I kheakü tsoakede Atungpuh menü inü mümükheahkhi lim nü bede ayübah; jumonü, küyimki inü yübah Ahab ki thaba tüsho apinü nü müngükhuksho, I nü yamlarü I athunuchokinü Atungpuh wüntrede lalashe apinü I laksahbah.

2 KIUTHSÜYUKHEAN 34:3

Tümüde kam tizheahpü ching api kiulongthsüchoki, api azürü nunu lachoki, apinü anihbuh jipürü David Thrünpuh yimpü tankih, tüsho kam thürükheak mahnepü ching apinü Juda tüsho Jirusalem achang dangpungbo Ashera sangthsübo, tüsho asümkhi le azünkhi sangthsübo thsümünimpü tankih.

MUNGSHIKHÜN 119:166

Atungpuh , inü nü akhümkhit thsungkheak mulonglamchoh, tüsho inü nü yukhümbo rhimochoh.

MUNGSHIKHÜN 119:81

Nü akhümkhit thsungkheak I me keaksahchoh, tüshe inü nü yu ching kinchoh.

MUNGSHIKHÜN 13:5

Tüshe inü nü amüthsüm ching kinchoh; I mulongnü nü akhümkhit ching asühchoh.

MUNGSHIKHÜN 39:7

Tüsho kheakü, Atungpuh , I tümü thsungkheak aleangba? I mulonglam nü kheak lah.

MUNGSHIKHÜN 42:11

Tümüde I khide mulong tukthsüla? Tümüde I khide küpkhukla? Inü Thrünpuh kheak I mulonglambah, tüsho mutuklode I khümkhitbuh tüsho I Thrünpuh shibah.

MUNGSHIKHÜN 71:17

O Thrünpuh, nünü I athunuchokinü thsangyu; tüsho ha nimung inü nü amüyinsahbe rhimobo khipkhitchoh.

T H S AN GYU T H S AN GR ARÜ 12:1

Nü athunu nimungbo ching nü Thrünrü lümkhitang, küpkhuk nimungbo marüyide, tüsho nünü hade athapü kambo müthüninyide, “ Inü jurü ching shih asühpü müla”;

JEREMIA 14:8

O nü Israel mulonglam, küpkhuk kim ching khümkhitbuh, tümüde nü a isa lomi ching hanrü ruk, hantsahrü tsüngrekhüh thsungkheak lakhi ruk a le?

JEREMIA 17:13

O Israel mulonglam! O Atungpuh ! Nü bahyukrü alala achih ngübah; sherü nü kheaknü rholode tsochonü alo ching thrütyukbah, tümüde arünü rhangdung ke-bukpung, Atungpuh bahyukdo.

JEREMIA 17:17

I ki atrebe düla; nü a thsümütsü nimung ching I tsoyukpung ah;

JEREMIA 17:7

Shepünü Atungpuh kheak kinchonü müngühmühi, shepü akin Atungpuh la.

JEREMIA 50:7

Arü ngürü alalanü arü tsühabahdo, tüsho arü riribonü tha, “ Isa amülim müla, tümütüsho arünü thiyuro rimlopung, Atungpuh , arü jipürü mulonglam Atungpuh azhihde neak yihbeakdo.”

LUKNÜ ATHRÜTKHI THIYUSHEAK-ATSÜ HUHTANYU 2:40

Tüsho khungarü ju zode sühmüh lade, lümlungnü mide kam; tüsho Thrünpuh mihmüthsüm api kheak lakheah.

ROMRÜ KILIM PAULNÜ ATHRÜTKHI KIHÜM HUHTANYU 15:13

Mulonglam Thrünpuhnü api kinkhi chingnü nüsa asühachih tüsho mungtsünü mishang, junangde Amüsüh wu hode nüsa mulonglam suhdahde alabah.

2 TIMOTHI 3:15

tüsho nü azüchokinü Jisu Khrista kheak kinkhi hode akhümkhit lim bepü lümlung jihkhukpü amüsühyubo nünü mükheahlah de nünü lümkhitang.

1 SAMUEL 16:13

Judüki Samuelnü oliv müdangke pung lu, tüsho akhiungmungrü mikinü api mujude-mokhit; tüsho ju nimungnü Atungpuh me ju wu chingnü David kheak arü. Jushu Samuelnü tsahmusu tüsho Rama lim yü.