MUNGSHIKHÜN 71:24 - AMÜSÜH HÜM CL Bible (BSI)

²⁴ I mulonü nimung amuyung nü thiyuro-lungki dünkheak thabah; tümüde I yuripü yimrü yingyinga lah, arü achih ngüdo.

MUNGSHIKHÜN 71:24 Iomraidhean Croise

MUNGSHIKHÜN 35:28

Judüki inü nü thiyuro-lungki zhiyukbah, tüsho nimung amuyung nü shijihbah.

MUNGSHIKHÜN 37:30

Thiyuro-lungkirü münnü lümlung asukchoh, tüsho api mulonü thiyuro thachoh.

MUNGSHIKHÜN 70:3

Arü achihkhi hode rholode tsoshang, sherünü tha, “Aha, aha!”

MUNGSHIKHÜN 71:13

I mulomülaprü achih ngüshang tüsho dükheakshang; I yuripü yimrü achih tüsho mungchih ngüshang.

MUNGSHIKHÜN 71:15

I münnü nü thiyuro-lungki tüsho nü akhümkhit nimung amuyung thabah, tümüde inü arü akhü thsükhi mümükheah.

MUNGSHIKHÜN 71:8

Nimung amuyung nü shikhi tüsho nü müretahnü I mün mishang.

MUNGSHIKHÜN 92:11

I müknü inü I riribo kheak künkhi ngüdo; I nükhünbonü inü I azhihrü mihbukmuyuk kheak künkhi sodo.

MATHI 12:35

Mihtsürü atsünü api kheak lakhi atsü chingnü atsü akhiukshihchoh, tüsho mihtsürü amütsünü api kheak lakhi amütsü chingnü amütsü akhiukshihchoh.

1 KORINT 15:25

Tümüde apinü anihbuh riribo alala ajing khüp müyüzahshihyi khiungde yakzan shuhbah.

EFISIA 4:29

Asorü kilim amüthsüm ngüde alü thsüpü yihnüpü atsü kheak hode nüsa mün chingnü amütsü dakhiukshih.

YUZÜNGTHALO 11:19

Nüsa yam ching binchoki, nüsa limro ching tsahchoki, nüsa ayapchoki tüsho asürüchoki nüsanü harü nüsa tsührübo ki thsangyubah.