MUNGSHIKHÜN 71:22 - AMÜSÜH HÜM CL Bible (BSI)

²² Nü thiyuro lakhi thsungkheak bingshang bede nü shijihbah, O I Thrünpuh; inü bingkhung bede nü shijihbah, O Israel Amüsühbuh Khülang.

MUNGSHIKHÜN 71:22 Iomraidhean Croise

2 KIULONG THSÜRÜ 19:22

Shepü nünü keangrükhea tüsho mükhemürangkhea? Shepü azhihde nünü azhikhea tüsho nü mük zhipzhipde azüngkihkhea? Israel Amüsühbuh azhih!

MUNGSHIKHÜN 138:2

Inü nü amüsüh arüngyam lim kingaünbah, tüsho nü muzho tüsho nü thiyuro dünkheak nü mung shibah; tümüde nünü nü mung alala kurungkheak nü yu thushihdo.

MUNGSHIKHÜN 144:9

Inü nü ki khün aso khülang thsübah, O Thrünpuh; aliu thürü kihkhi bingshangnü nü ki inü müshikhibo thsübah,

MUNGSHIKHÜN 25:10

Api tangzüng tüsho yukhümbo anirü alala apinü thiyuro tüsho amüthsümnü bechoh.

MUNGSHIKHÜN 33:2

Bingshang bede Atungpuh shiang; aliu-thürü kihkhi bingkhungnü api ki khün khungang.

MUNGSHIKHÜN 43:4

Judüki inü I khide asühkhi Thrünpuh kingaün sadam lim yübah. Tüsho bingshang khungde inü nü shibah, O Thrünpuh, I Thrünpuh.

MUNGSHIKHÜN 56:4

Inü Thrünpuh kheak kinchoh tüsho I mütre; apinü alokhikhi dünkheak inü api shichoh. Mihtsürünü I ki tümü thsükhukpü?

MUNGSHIKHÜN 78:41

Arünü alochode api rükaki, tüsho Israel Amüsüh Khülang bukakhiukshih.

MUNGSHIKHÜN 89:1

Inü lünnü Atungpuh mihmüthsümbo khün thsübah; nü thiyuro lakhi I münnü lünbo alala ki mükheahshihbah.

MUNGSHIKHÜN 89:18

Tümüde isa tsung ju Atungpuh yo ah, tüsho isa kiulongthsüpuh Israel Amüsüh Khülang kilim lah.

MUNGSHIKHÜN 98:3

Apinü Israel yamkhün kheak api amüthsüm tüsho thiyuro lakhi lümkhitdo; alomi akheambo alalanü isa Thrünpuh akhümkhit ngüdo.

MUNGSHIKHÜN 98:4

Alomi alalanü asühde Atungpuh ki ahoang; khün thsüde zhiang, asühachihang, tüsho müshi khünbo thsang.

MUNGSHIKHÜN 98:5

Bingshang tüsho mungshikhün düsheaknü Atungpuh ki khün thsang,

ISAIA 12:6

Achangnü zhiang tüsho asühpü khün thsang, O Zion ching larübo, tümüde nüsa bolung ato ju Israel yo Amüsühbuh Khülang lah.

ISAIA 43:3

Tümüde I Atungpuh nü Thrünpuh, Amüsüh Israel Thrünpuh, nü Khümkhitbuh. Inü nü rhokhitpü Ijip, nü müthri Ethiopia tüsho Seba jihchoh.

ISAIA 5:16

Tüshe Wuto Atungpuh a thiyuro hode shuhkih tüsho thiyuro lakhi hode Amüsüh Thrünpuh anihbuh langzünü amüsühkhi huhchoh.

ISAIA 5:19

shepünü tha, “Api niokheamshang, api rhimo nahnahshang, junangde isanü ju ngübah; Israel Amüsühbuh Khülang lümkhi thüninde arüshang, junangde isanü ju mükheahbah!”

ISAIA 5:24

Jumonü mo mulonü müneang muliukhi nangde, tüsho sangrung akung motru ching keamyukkhi nangde, arü ying shuhabahbah tüsho apungkhi asungthulung nangde keamkhia bahbah; tümüde arünü Wuto Atungpuhnü thsangdankhi bahyukdo, tüsho Israel Amüsühbuh Khülang yu mükhemükimdo.

ISAIA 57:15

Tümüde Khide Achangbuhnü ha thachoh, shepü akheam mülade la, shepü mung Amüsüh la: mulong müthrirü tüsho me ching azhihayihrü lung, me ching azhihayihrü müthriloshihpü, tüsho mulong müthrirü müthriloshihpü I achang tüsho amüsüh dangpung ching lah.

ISAIA 60:9

Tümüde keyean lomibonü I aleangbah, Tarshish sangkungbo akhuhlah, nü tsührübo limshu chingnü bedarüpü, arü lung shotoyinchi tüsho suna, Atungpuh nü Thrünpuh tüsho Israel Amüsüh Thrünpuh mung thsungkheak, tümütüsho apinü nü müretahshihdo.

MIKA 7:20

Nünü awün nimungbo ching isa jipürü ki thiyuchihchimkhi nangde Jakob ki thiyuro tüsho Abraham ki mihmüthsüm huhbah.

ROMRÜ KILIM PAULNÜ ATHRÜTKHI KIHÜM HUHTANYU 15:8

Tümüde jipürü ki alokhikhi adüngakhipü Thrünpuh thiyuro thsung thsüde Khrista ju Jihudarü yamlarü kamkheah de inü nüsa ki thachoh,