MUNGSHIKHÜN 71:21 - AMÜSÜH HÜM CL Bible (BSI)

²¹ Nünü I tokhi rünkihshihbah, tüsho I mulong shukheamlobah.

MUNGSHIKHÜN 71:21 Iomraidhean Croise

2 SAMUEL 3:1

Judüki Saul yamkhün tüsho David yamkhün dükeak thirithsü kim ashang lakheah; David amürangbe tüsho amürangbe kam, tüshe Saul yamkhün ayiuhyiuhbe tüsho ayiuhyiuhbe kam.

MUNGSHIKHÜN 18:35

Nünü I akhümkhit tsung jih, tüsho nü khah tsülimnü I tholo, tüsho nü arung hode I ato kamshih.

MUNGSHIKHÜN 23:4

I amiting asük hode yüyü she, Atungpuh , inü mütre, tümüde nü I lung lah. Nü namfimihnu neakrü tso tüsho shitsonü I kümdochoh.

MUNGSHIKHÜN 32:10

Mihbukmuyuk kilim mulong rozhak ahihdo labah; tüshe shepü Atungpuh kheak kinchonü mihmüthsümnü api mükamdobah.

MUNGSHIKHÜN 72:11

Kiulongthsürü alalanü api miki mükhümbah; trükshih alalanü api tankihbah.

MUNGSHIKHÜN 86:17

I ki atsü thsungkheak amütsan khülang huhang, junangde sherünü I thraneanchonü ju ngübah tüsho achihbah, tümütüsho Atungpuh , nünü I rung tüsho I mulong shukheamjih.

ISAIA 12:1

Ju nimung nünü athabah: Inü nü ki makshe jihbah, O Atungpuh , tümüde nünü I kheak bukakhiukkhiuk she, nü bukakhiukkhi rholode tso tüsho nünü I mulong shukheam.

ISAIA 49:13

Asühachihpü khün thsang, O thüningbo, tüsho khide asühang, O alomi; O awungbo, khün thsüde alankhitang! Tümüde Atungpuhnü api mihtsürü shukheamdo, tüsho api mihtsürü thsünürü kheak mihmüthsüm labah.

ISAIA 49:6

Apinü tha, “Jakob trükbo bemusupü nü I yamlarü thsüpü tüsho Israel arhang larü belodarüpü ju khide athülih ah; inü trükshihbo ki nü ayin khülang nangde ajihbah, junangde I akhümkhitnü alomi akheam khiungbah.”

ISAIA 9:7

Api kiulongthsü sühmüh mutuklode azokihbah, tüsho ju ching akheam mülakhi mungtsü David tüsho api kiulongthsü-binkiu thsungkheak labah. Thiyuro tüsho thiyuro-lungkinü ha kimnü ründe tüsho kamruhroro apinü arhimobah. Wuto Atungpuh mulungkhinü ha rhimobah.

2 KORINT 2:14

Tüshe Khrista ching kamruhroro akuk ngükhi ching isa bebuh, tüsho api mükheahkhi rhümthünea isa hode lüpdükhi ching bushihbuh Thrünpuh ki makshe jihang.

2 KORINT 7:13

Jumonü isa mulong shukheam lah. Tüsho isa mulong shukheamkhi kheak khiode Tita asühkhi ching isanü alü asühachihchoh, tümütüsho nüsa alalanü api lümkhi sühakhimshih.

2 KORINT 7:6

Tüshe akheamkhibe ching larü mulong shukheamrü Thrünpuhnü Tita arüshihde isa mulong shukheam,

1 TESALONIKA 3:9

Nüsa dünkheak isanü Thrünpuh miki asühde alümkhi alala thsungkheak isanü Thrünpuh miki makshe jihkhi tümü rhimokhukba?

AMIKHEAKAKHIUKKHI 11:15

Judüki athünepü yunirünü api hulipungpung müt, tüsho yinmi chingnü düsheak achangnü tha, “Alomi kiulongthsü ju isa Atungpuh tüsho api yo Khrista kiulongthsü kamdo, tüsho apinü lünnü lün kiulongthsübah,”