MUNGSHIKHÜN 71:20 - AMÜSÜH HÜM CL Bible (BSI)

²⁰ Nü, shepünü I ki küpkhukbo ato tüsho achimudo huhkheanü I sühmüh laloshihbah, tüsho alo asükbo chingnü I belode atubah.

MUNGSHIKHÜN 71:20 Iomraidhean Croise

2 SAMUEL 12:11

Atungpuhnü ha thachoh: Nü yam chingnü inü nü azhihde thsümütsü akhiukshihbah; tüsho inü nü niube nü mük kinü lubah nü yamhingrü kilim jihbah, tüsho apinü ha anidüchi chingnü nü niube lung yapbah.

MUNGSHIKHÜN 119:25

I asungthulung ching keama yaplah; nü yu yande I thsüphulojang.

MUNGSHIKHÜN 138:7

I küpkhuk bolung tsahtsah she, nünü I thsüphulojihbah; nünü I riribo bukakhiukkhi azhihde nü khah chungkihbah, tüsho nü khah tsülimnü I khümkhitbah.

MUNGSHIKHÜN 16:10

Tümüde nünü I Ashe-lomi ching jihamübah, yungsho nü yo amüsühbuhnü ashekhi müngüshih.

MUNGSHIKHÜN 60:3

Nünü nü mihtsürü ki achak kukrukbo huh; nünü isa yukhu yunga yingyingshih.

MUNGSHIKHÜN 60:5

Junangde nünü muzhorü bekhitbah, nü khah tsülimnü khümkhitbah, tüsho I ki anijihbah.

MUNGSHIKHÜN 80:18

Judüki isanü nü kheaknü rholode mutso; isa thsüphulojang, tüsho isanü nü mung jianü.

MUNGSHIKHÜN 85:6

Nü mihtsürünü nü lung asühachihpü thsüde, nünü isa müthsüphuloba de?

MUNGSHIKHÜN 86:13

Tümüde I kilim nü amüthsüm ju ato ah, tüsho Ashe-lomi asük chingnü nünü I me bekhit.

MUNGSHIKHÜN 95:4

Api khahbo ching alo asük dangpungbo lah; awung achangbo she api yo ah.

ISAIA 26:19

Isa mihtsürü shea larü arhang kamlobah, arü mibo asürübah. O asungthulung ching larübo, asürang tüsho asühachihkhi khün thsang! Tümüde nü yo ayinke ju yapsu ayinke nangde lah, tüsho alominü shea larü yankhitbah.

ISAIA 38:17

Tsükjide ha I sühakhimpü thsungkheaknü I tode akhühkhi lado; tüshe athsümünimrü shingkung chingnü nünü I me bekhit, tümüde nünü I neak alala nü dunglim bahjih.

JONA 2:6

I a müzüng yingbo ching, lünnü chipi rihkhi lomi ching yüzah; tütüshe nünü alokhün chingnü I rhangdung bekhit, O Atungpuh I Thrünpuh.

MARK 15:34

Tüsho 3 king ching Jisunü düsheak achangnü zhide tha, “Eloi, Eloi, lama sabakthani?” ju amütsan, “I Thrünpuh, I Thrünpuh, tümüde nünü I bahyukkhea?”

YUNIRÜBO RHIMO 2:24

Tüshe Thrünpuhnü ashe thsünü dükheakshihde api arhang kamshih, tümütüsho ashenü api tholopü mukukde alakheah.

EFISIA 4:9

(Api wutukhi amütsan tümü a? Ha amütsan akhuhde api alomi abobe ching aki.

AMIKHEAKAKHIUKKHI 7:14

Inü api ki alo, “Atobuh, nünü mükheahlah.” Tüsho apinü I ki tha, “Arübo thsümütsü ato chingnü akhiukkheah; arünü arü shulünkhimbo Namfimihnunu thiyih chingnü müsühbah müyedo kamshih.

1 SAMUEL 2:6

Atungpuhnü laksahchoh tüsho rhangdung lashihchoh; apinü Ashe-lomi ching beyukchoh tüsho asürüloshihchoh.