MUNGSHIKHÜN 71:19 - AMÜSÜH HÜM CL Bible (BSI)

¹⁹ O Thrünpuh, nü thiyuro-lungki khide changlah, nünü rhimo atobo thsü; O Thrünpuh, nü nangde she la?

MUNGSHIKHÜN 71:19 Iomraidhean Croise

JOB HU H T ANYU 5:9

Apinü ato kukrukbo tüsho müyimkhukbe, mihmüyinsahbe kukrukbo mükhebinbe thsüchoh.

MUNGSHIKHÜN 139:6

Hadürü mükheahmudu ju I thsungkheaknü khide amüyinsahbe lah; ha changlah, inü ha manikhitkhuk.

MUNGSHIKHÜN 35:10

I mulong athrünkhinü athabah, “O Atungpuh , nü nangde she la? Nünü sühmüh larü kheaknü ayiuhyiuhrü, tüsho junorü kheaknü zhochihrü bekhitchoh.”

MUNGSHIKHÜN 36:7

O Thrünpuh, nü muzhodakkhi küdükhüh shoto a! Mihtsürü tsührübonü nü ghidükeangbo me khüp tsoyukchoh.

MUNGSHIKHÜN 57:10

Nü muzhodakkhinü yinmibo khiunglah, nü thiyuro lakhinü thüning qiulah.

MUNGSHIKHÜN 72:18

Amüyinsahbe rhimobuh, Israel Thrünpuh, Atungpuh shiang!

MUNGSHIKHÜN 86:8

Thrünpuhbo lung nü nangde she müla, O Atungpuh ; tümüde rhimonü she nü rhimo kheak makekhuk.

ABEKHIT 15:11

“O Atungpuh , thrünpuhbo lung nü ruk she la? Amüsüh ching wüntre-müretah, mungshi ching atrebe, khinthiyinbe rhimokhi ching nü ruk she la?

MÜCHITMUDU 15:24

Lümlung larü mihtsürünü ashepü limro lim yungde rhangdung limro lim bede awutukhi ching tsahchoh.

MÜCHITMUDU 24:7

Makharü thsungkheaknü lümlung ju khide changlah; chipiripit ching apinü amün mükhimshuh.

ISAIA 40:18

Nünü Thrünpuh ju shepü kheak akeba? Tümü sangthsünü api akeba?

ISAIA 40:25

Dale nünü I she kheak akeakheahba, yungsho I thülünkhi she a? Amüsühbuh Khülangnü thachoh.

ISAIA 5:16

Tüshe Wuto Atungpuh a thiyuro hode shuhkih tüsho thiyuro lakhi hode Amüsüh Thrünpuh anihbuh langzünü amüsühkhi huhchoh.

ISAIA 55:9

Tümüde yinmibo ju alomi kheaknü achangbe, junangde I limrobo ju nü limrobo kheaknü achangbe tüsho I lümkhibo ju nü lümkhi kheaknü achangbe.

JEREMIA 10:7

Shenü nü mütrepü, O trükshihbo kiulongthsüpuh? Tümüde hoju nü khuh lah; trükshihbo lümlung larü alala bolung tüsho arü kiulongthsübo alala ching sheshe nü nangde müla.

LUKNÜ ATHRÜTKHI THIYUSHEAK-ATSÜ HUHTANYU 1:49

Tümütüsho shepü wutoanü apinü I thsungkheak ato rhimodo tüsho api mung amüsüh lah.

YUZÜNGTHALO 3:24

O Atungpuh Thrünpuh, nünü nü yamlarü ki nü tokhi tüsho wu-sühmüh khah huhpü tankih, tümüde thüning yungsho alo ching lakhi tümü thrünpuhnü amüyinsahbe nü rhimo nangde arhimokhukpü?