MUNGSHIKHÜN 7:16 - AMÜSÜH HÜM CL Bible (BSI)

¹⁶ Api rhimo-amütsü anihbuh kheak arülochoh, tüsho apinü athsümünimkhi aku kheak akihchoh.

MUNGSHIKHÜN 7:16 Iomraidhean Croise

1 KIULONG THSÜRÜ 2:32

Apinü thiyih bukshihkhi Atungpuhnü anihbuh ku kheak hanlodarübah, tümütüsho I buh Davidnü mümükheahde, apinü anihbuh kheaknü atsübe thiyuro mihtsürü mahne, Ner tsührü Abner, Israel bonungrü limthobuh, tüsho Jether tsührü Amasa, Juda bonungrü limthobuh yande nukshangnü laksah.

1 KIULONG THSÜRÜ 21:19

Nünü api ki thaang, “Atungpuhnü ha thachoh: Nünü mihtsürü laksahdü de, tüsho yamalo she ludü de?” Nünü api ki thaang, “Atungpuhnü ha thachoh: khihnubonü Naboth thiyih müleakpung ching, khihnubonü nü thiyih she amüleakbah.”

ESTER 7:10

Junangde Haman ju anihbuhnü Mordekai sheshihpü süksahdung thsükhi kheak zhinde sheshih. Jushu kiulongthsüpuh bukakhiukkhi keamlo.

ESTER 9:25

Tüshe Esternü kiulongthsüpuh miki yü, tüsho Hamannü lümkhi akhüh Jihudarü sheshihpü thsükhi ju anihbuh sheloshihpü kiulongthsüpuhnü thiyukhüm thrüta ahiuh–api tüsho atsührübo süksahdung kheak zhinde sheshih.

JOB HU H T ANYU 4:8

Inü ngüdo, shepünü amütsü phüncho tüsho küpkhuk yangchonü ju ruk yimluchoh.

MUNGSHIKHÜN 141:10

I tsokhitchoki, mihbukmuyuk a arü keang ching keamshang.

MUNGSHIKHÜN 35:8

Tüshe arünü mümükheahyide athsümünimnü arü tholobah; arü nihbuh zheang ching phuhbah tüsho athsümünim ching keamyukbah.

MUNGSHIKHÜN 36:12

Amütsü mihtsürü lunga yapkhi kheahang; arübo masürükhukde yaplah.

MUNGSHIKHÜN 36:4

Api yapkiu ching yapde alachoki amütsü lümkhi asahchoh; tüsho apinü arhimokhi tümü she atsü müla, tüsho apinü küyimkishe amütsü mübahyuk.

MUNGSHIKHÜN 57:7

I mulong düküngde lah, O Thrünpuh, I mulong düküngde lah; inü khün thsübah tüsho mungshi jihbah.

MUNGSHIKHÜN 9:16

Atungpuhnü aküdah thsüde mükheahshih, apinü mahkhapdo; mihbukmuyukbo arü khahnü athsükhi qimürip ching phuh-a lah.

MÜCHITMUDU 1:19

Junangde alü thsüpü yihnelunerü limrobo lah; hanü atungrü rhangdung lude tsochoh.

MÜCHITMUDU 26:27

Shepünü alokhün kiuchonü ju ching keamyukbah, tüsho shepünü lung phülahchonü junü api kheak lungkihlobah.

T H S AN GYU T H S AN GR ARÜ 10:8

Sherünü alokhün kiuchonü ju ching keamyukbah; tüsho sherünü rhü chakashungchonü phurutonü anguhbah.

1 SAMUEL 23:9

Küyimki Saulnü api azhihde rük amütsü rhimokhi Davidnü amükheahkhea, apinü amükeambuh Abiathar ki tha, “ Ha ching amükeamrü khim lubah arang.”

1 SAMUEL 26:10

Davidnü tha, “Atungpuh lale, Atungpuhnü api kheana lungshihbah; yungsho api nimung ashepü arübah; yungsho api thirithsü ching yükibah tüsho adükheakbah.

1 SAMUEL 28:19

Kheaküshe Atungpuhnü Israel nü lung Filistiarü khah ching jihbah; tüsho shido nü le nü tsührübo I lung labah; kheaküshe Atungpuhnü Israel bonungrü Filistiarü khah ching jihbah.”