MUNGSHIKHÜN 68:5 - AMÜSÜH HÜM CL Bible (BSI)

⁵ Mürerü abuh tüsho khimoberü tsungdojihrü Thrünpuh ju api amüsüh lapung ching lah.

MUNGSHIKHÜN 68:5 Iomraidhean Croise

2 KIUTHSÜYUKHEAN 30:27

Judüki amükeamrü tüsho Levirünü wusu tüsho mihtsürübo müngühjih, tüsho arü düsheak so; arü tamkhüntamnü ju api amüsüh lapung yinmi ching arü.

2 KIUTHSÜYUKHEAN 6:2

Inü nüsa kilim wüntre-müretah yam khülang, nüsa thsungkheak lünnü alapü dangpung thsüjihdo.”

MUNGSHIKHÜN 10:14

Tüshe nünü ju ngüdo, tümüde nünü nü khahnü ajihlopü küpkhuk tüsho mulong rozhak kheahyukchoh. Müthsümülarünü anihbuh nü kilim shuhmülanga jihchoh; nü a mürerü rungrü ah.

MUNGSHIKHÜN 10:18

mürerü tüsho junoa larü ki thiyuro rhimopü, junangde alomi mihtsürünü kheaküa mujuno.

MUNGSHIKHÜN 118:19

Thiyuro-lungki chipiripitbo I kilim khimshuhjang; inü jurü hode ayübah, tüsho inü Atungpuh shijihbah.

MUNGSHIKHÜN 146:9

Atungpuhnü jaksorübo kheak kheahchoh; apinü buhrü mülarü tüsho khimoberü shukheamjihchoh; tüshe apinü mihbukmuyuk limro thsümünimjihchoh.

MUNGSHIKHÜN 150:6

Sheak lakhi lüpdükhinü Atungpuh shishang. Atungpuh shiang!

MUNGSHIKHÜN 33:14

api yakzan shuhpungnü apinü alomi ching larü alala kheak abinkhia kheahchoh.

MUNGSHIKHÜN 72:2

Apinü nü mihtsürü thiyuro-lungkirü, tüsho zhochihrübo ki alungkinü mahkhapbah.

MUNGSHIKHÜN 72:4

Apinü zhochihrü mihtsürü kilim thiyuro hande arübah; apinü müthsümülarü khümkhitbah tüsho junorü zünakbah.

ABEKHIT 3:15

Kheaküshe Thrünpuhnü Mosa ki tha, “Israelrübo ki ha thaang: Atungpuh nüsa jipürü Abraham, Isak tüsho Jakob Thrünpuhnü I nüsa kilim arüshihkheah. Ha kamruhroro thsungkheak I mung ah, tüsho arübe lün alala thsungkheak ha I mung labah.

ISAIA 1:23

Nü yo yakzanshuhrübo azhihrü tüsho ahührü müyamrübo lah. Mihbüm abannü buknim muzhochoh tüsho thsambahbo dunglim alihchoh. Arünü mürerü mutsunglo, tüsho khimoberü dünkheak arü miki marü.

ISAIA 12:4

Tüsho nünü ju nimung thabah: Atungpuh kilim makshe jihang. Api mung ching jiang; trükshih bolung api rhimobo mükheahshang; api mung shuhkihdo de zhiyukjang.

ISAIA 57:15

Tümüde Khide Achangbuhnü ha thachoh, shepü akheam mülade la, shepü mung Amüsüh la: mulong müthrirü tüsho me ching azhihayihrü lung, me ching azhihayihrü müthriloshihpü, tüsho mulong müthrirü müthriloshihpü I achang tüsho amüsüh dangpung ching lah.

ISAIA 66:1

Atungpuhnü ha thachoh: Yinmi I kiulongthsü-binkiu tüsho alomi I jing dubopung; nüsanü I thsungkheak tümü yam thsüjihba, tüsho I sühakhimpung tümü a?

JEREMIA 49:11

Nüsa yo mürerübo zojang, inü arü rhangdung kümbah tüsho nüsa yo khimoberübo I kheak kinshang.

JEREMIA 5:28

arübo wu tüsho lakhit lah. Arünü mihbukmuyuk rhimobo ching mahiung; akuk ngüshihpü thsüde arünü thiyuronü mürerü mahmükhap, tüsho müthsümülarü alim mutsungdojih.

HOSEA 14:3

Asirianü isa mükhümkhit; isanü khorabo kheak mübin; isa khahnü athsükhi ki kheaküa, ‘ Isa thrünpuhbo,’ de mütha. Nü kheak mürerünü mihmüthsüm ngüchoh.”

EFISIA 5:1

Jumonü amuzhokhi tsührübo nangde Thrünpuh kheahkhirü thsang.

YUZÜNGTHALO 10:18

apinü mürerü tüsho khimoberü thsungkheak thiyuro rhimochoh, tüsho tsotsahrü muzhode, arü kilim tsühyungpü tüsho khimmih jihchoh.

YUZÜNGTHALO 26:15

Nü lapung amüsüh yinmi chingnü abinkhia kheahang, tüsho nü mihtsürü Israel tüsho nünü isa jipürü kheak thiyuchihchimkhi nangde, nünü isa kilim jihkhi, niuhke tüsho mukhuke bukkhi lomi müngühjang.’