MUNGSHIKHÜN 68:25 - AMÜSÜH HÜM CL Bible (BSI)

²⁵ Khün thsürübo mikhuh yüdo, khün-khungbe kingrü ju dunglim yande yü; arü dükeak ching züpzüppü kingrü anünürübo lakheah.

MUNGSHIKHÜN 68:25 Iomraidhean Croise

1 KIUTHSÜYUKHEAN 13:8

David tüsho Israel alalanü arü sühmüh alalanü, khündung khünyubo, bingshangbo, züpzüppü, larüpbo tüsho hulipungpungbo khungde Thrünpuh miki tsün.

MUNGSHIKHÜN 63:3

Tümütüsho nü muzhodakkhi ju rhangdung kheaknü atsübe, I münküpbonü nü shijihbah.

MUNGSHIKHÜN 77:14

Nü a amüyinsahbebo rhimorü Thrünpuh ah; nünü mihtsürü bolung nü sühmüh khipkhit.

MUNGSHIKHÜN 87:7

Khün thsürü tüsho kingzükingdorü chidonü thachoh, “I ke-bukpung alala nü kheak lah.”

ABEKHIT 15:20

Judüki Aron achi amükeambe Mariamnü akhah ching züpzüppü lu; tüsho aliberü alalanü züpzüppü shuhbah tsünde anihbe dunglim wukhiuk.

JEREMIA 31:13

Judüki anünürübonü asühde atsünbah, tüsho athrününgtsüng le azobuhrünü asüharabah. Inü arü tüzhokhi asühpü kamshihbah, inü arü shukheambah tüsho mulong rozhak thsungkheak arü ki asühpü jihbah.

JEREMIA 31:4

Kheaküshe inü nü bemusubah, tüsho nü thsülobah, O atsangkhit Israel! Kheaküshe nünü züpzüppü lubah tüsho asühde tsünde ayübah.

MAHKHAPRÜ 11:34

Küyimki Jephtha Mizpa ching anihbuh yam lim alungkhea, atsührübe ju züpzüppü shuhbah tsünde api shorupü akhiuk; tüsho api tsührü alibe ju lang alakheah. Alibe kheak kihode tsührü athrürü yungsho aliberü mülakheah.

1 SAMUEL 18:6

Davidnü Goliath laksahbah alodarüshu arübo thüyam lim arüchoki, Israel kiutobo chingnü aliberübo khün thsüde tüsho tsünde kiulongthsüpuh Saul shorupü züpzüppü shuhbah, asühkhi khünbo thsüde tüsho khün khungbebo shuhbah arü.