MUNGSHIKHÜN 68:18 - AMÜSÜH HÜM CL Bible (BSI)

¹⁸ Aramrübo api lung bebah achangbo kheak yükihchoh; azhihrü mihtsürübo kheaknü she apinü thsambahbo leangkhichoh, Atungpuh Thrünpuh ju ching labah.

MUNGSHIKHÜN 68:18 Iomraidhean Croise

2 KIUTHSÜYUKHEAN 6:18

“Tüshe atsütsü Thrünpuhnü mihtsürübo lung alomi kheak lapü? Yinmibo, achangbe yinmibonü she nü mazüh, inü athsükhi thüyam ha küdükhüh she ninila!

MUNGSHIKHÜN 110:1

Atungpuhnü I tungpuh ki tha, “Inü nü riribo nü jing-dubopung müthsüshihyi khiungde, I khah tsülim binang.”

MUNGSHIKHÜN 24:3

Shepünü Atungpuh wung kheak wutuba? Tüsho shepünü api amüsüh dangpung ching zhipba?

MUNGSHIKHÜN 47:5

Thrünpuh a ahode, Atungpuh a hulipungpung khungde yükihdo.

MUNGSHIKHÜN 7:7

Mukhunga lakhi mihtsürübo nü mükamde arüshang; tüsho achang chingnü arü kurungkheak yakzan zhimang.

MUNGSHIKHÜN 78:60

junangde apinü Shilo ching arüngkhimyam, arü bolung zokhi khimyam bahyuk,

ISAIA 55:7

mihbukmuyuknü arü limro tüsho thiyuro mülarünü arü lümkhi bahyukshang; arünü Atungpuh kilim rholoshang, junangde apinü arü kheak mihmüthsüm labah, tüsho isa Thrünpuh kilim rholoshang, tümüde apinü suhdahde neak bahjihbah.

ISAIA 57:15

Tümüde Khide Achangbuhnü ha thachoh, shepü akheam mülade la, shepü mung Amüsüh la: mulong müthrirü tüsho me ching azhihayihrü lung, me ching azhihayihrü müthriloshihpü, tüsho mulong müthrirü müthriloshihpü I achang tüsho amüsüh dangpung ching lah.

EZEKIEL 48:35

Kiuto mükamkhi ju khahnap 18,000 labah. Tüsho ju kimnü ründe kiuto mung ju, “Atungpuh Ju Ching Lah” de alabah.

JOEL 2:11

Atungpuhnü api bonungrü kumung adüsheak thsüchoh; api bonungrü küdükhüh she hihla! api yukhüm anirü mükhebinkhi lah. Tsükjide Atungpuh nimung ato ah; atsütsü atrebe–shenü ju arümkhukba?

MATHI 9:13

Yüang tüsho ha amütsan anikhitang: Inü mihmüthsüm lunelah, tüsho laksah-a kingaünkhi yung. Tümütüsho amüsührü yungde amüneanrü jipü I arükheah.”

MARK 16:9

Küyimki api amu-khip akhuhbe nimung mükikde asürükhea, apinü amünean me thüne yankhitkhi Mari Magdalen ki akhiuka huh.

LUKNÜ ATHRÜTKHI THIYUSHEAK-ATSÜ HUHTANYU 24:47

junangde mulong müthripü tüsho neak bahpü api mung chingnü Jirusalem chingnü tankihbah trükshih alala ki thsangyuthsangrabah.

LUKNÜ ATHRÜTKHI THIYUSHEAK-ATSÜ HUHTANYU 24:49

Kheahang, inü I Buhnü alokhikhi nüsa kheak yüshihchoh; tüshe akulimnü nüsa kheak wu marüyi khiungde nüsanü Jirusalem kiuto ching aleangang.”

LUKNÜ ATHRÜTKHI THIYUSHEAK-ATSÜ HUHTANYU 24:51

Küyimki apinü arü müngühjihkhea, arü kinü api chamachih tüsho yinmi lim bede yükih.

JOHAN 14:23

Jisunü api ki alo, “Khürünü I muzhosho, apinü I yu zobah; I Buhnü api muzhobah, tüsho ike api kilim arübah tüsho api lung ike yam thsübah.

JOHAN 16:7

Tütüshe inü nüsa ki thiyuro thachoh. I yükhi ju nüsa yihnüpü lah; tümüde I müyüsho, arungrü nüsa kilim marü; tüsho I chamachihsho, inü nüsa kilim api arüshihbah.

YUNIRÜBO RHIMO 2:23

Thrünpuhnü ha mihtsürü ju lümkhi lade tüsho mükheahjungde nüsa kilim jih; tüsho nüsanü mihbukmuyuk arung hode api sangkim kheak yümkihde sheshih.

YUNIRÜBO RHIMO 2:4

Tüsho arü alala Amüsüh Menü mide kam tüsho Menü athakhukshihkhinü püpürü yutha chingnü athapü tankih.

YUNIRÜBO RHIMO 9:17

Jumonü Ananianü tsahmusu tüsho thüyam ching ju yüzah. Tüsho akhahbo api kheak nimde tha, “Keoniorü Saul, nü mük bitshihpü tüsho Amüsüh Menü mide akamshihpü, limro ching nü ki akhiukbuh Atungpuh Jisunü I nü kilim thiyikheah.”

ROMRÜ KILIM PAULNÜ ATHRÜTKHI KIHÜM HUHTANYU 5:8

Tüshe isa aneakrü lachoki isa thsungkheak Khrista shekhinü Thrünpuhnü isa thsungkheak api muzho huh.

2 KORINT 6:16

Thrünpuh arüngyamnü sangthsübo kheak arihkhi tümü la? Tümüde isa ju arhang Thrünpuh arüngyam; Thrünpuhnü tha, “I arü kheak labah tüsho arü bolung tsahbah, I arü Thrünpuh thsübah tüsho arü I mihtsürü thsübah.

YUZÜNGTHALO 33:2

Apinü tha, “Atungpuh Sinai chingnü arü tüsho Seir chingnü isa kheak yinkhi; apinü Paran müzüng chingnü tahkih, api amüsührü chithürü thürü lungnü arü, akhah tsülim peang amüküp yakzan lakheah.

KOLOSI 2:3

Api kheak lümlung tüsho mükheahmudu rahpung alala rama lah.

KOLOSI 2:9

Tümüde api kheak abanathsangkhi Thrünpuh pangnü lachoh,

IBRI 1:3

Atsührü ju Thrünpuh müretah tahkihlokhi tüsho wulakhi api yu hode lüpdükhi lashihde, dükde api mihtsürüpang huhkhi lah. Apinü neak tsangkhitpü jih dunglim yinmi ching wüntremüretah khah tsülim bin.

IBRI 4:14

Jumonü yinmibo hode ayükhi Thrünpuh tsührü Jisu isa achangbe amükeamrü ato lale, isanü akinkhi kheak düküngde ramrihanü.

IBRI 6:20

Isa thsung thsüde Jisunü isa müngühnü ju ching yüzah. Melkizedek kiphahde lün thsungkheaknü api achangbe amükeamrü kam.

IBRI 8:1

Isanü athakhi yu ju ha ah: Yinmi ching wüntre-müretah kiulongthsü-binkiu tsülim binkhi isa hadürü amükeamrü lah.

1 PETER 3:22

shepü yinmi ching yü tüsho Thrünpuh khah tsülim la–yunirübo lungnü, thiyukhüm-sühmüh tüsho wubonü api ki anide lah.

AMIKHEAKAKHIUKKHI 1:20

I khah tsülim nünü angükhi chining thüne tüsho suna tsünpung dubopung thüne lümsük: chining thüne ju borü thüne yo yunirübo tüsho tsünpung dubopung thüne ju borü thüne ah.

AMIKHEAKAKHIUKKHI 21:3

tüsho kiulongthsü-binkiu chingnü düsheak achangnü thade inü so, “Kheahang, Thrünpuh lapung mihtsürübo lung lah. Api arü lung labah, tüsho arübo api mihtsürü thsübah, tüsho Thrünpuhnü aküdah thsüde arü lung labah tüsho arü Thrünpuh thsübah;

MAHKHAPRÜ 5:12

Wusuang, wusuang, Debora! Wusuang, wusuang, khün thsang! Asürang Barak, nü yo aramrübo bede tsoang, O Abinoam tsührü.