MUNGSHIKHÜN 68:13 - AMÜSÜH HÜM CL Bible (BSI)

¹³ Nüsa namfimihnu boto bolung lalashe, nüsa shotoyinchinü alüpdokhi müthrithrümpü ghidükeangbo, tüsho anihbe moghidung suna kelülü nangde alabah.”

MUNGSHIKHÜN 68:13 Iomraidhean Croise

THRÜNTAN 49:14

Issakar a sühmüh lakhi donki ah, hah mahne dükeak yaplah;

2 KIULONG THSÜRÜ 7:16

Judüki mihtsürübonü wukhiuk, tüsho Siriarü binkheampung yankhia lu. Junangde Atungpuh yu yande wheat hi atsüdak khahngak 3 yungsho barli khahngak 6 shotoyinchi 1 mo yin.

MUNGSHIKHÜN 105:37

Apinü arübo shotoyinchi tüsho suna bede bebah akhiuk, tüsho api trükbo lung sheshe sühmüh mülarü mülakheah.

MUNGSHIKHÜN 149:4

Tümüde Atungpuhnü api mihtsürü kheak asühlah; apinü azhihayihrü ju akuk ngükhinü akhamshihbah.

MUNGSHIKHÜN 74:19

O, nü yo guduru rhangdung mütüm shiwüh kilim düjih; nü yo zhochihrü rhangdung lünnü dümih.

MUNGSHIKHÜN 81:6

Apinü tha, inü nü ngam kheaknü hahmülang shuhkhijih; inü lotaklung hahbo shuhkhijih.

ABEKHIT 1:14

Arünü dujunglo le lotaklung tüsho thulu ching rhimo mungji alala müküpde rhimoshihkhinü arü rhangdung thsünüshih. Arünü rhimo alala ching arü thsümüchide rhimoshih.

ISAIA 33:23

Nüsa shungliubo niukniuklah; arhükkhi kukruk düngdüng mutholo, yungsho abekhi mütsah. Judüki suhdahde ayankhikhi kukrukbo chama lubah tüsho jingkikrünü she kukruk hana lubah.

WÜHKHE 31:27

tüsho ayankhikhi ju shihcham mahne thsüde, keochih ching berü tüsho aningkhi boto chamjang.

LUKNÜ ATHRÜTKHI THIYUSHEAK-ATSÜ HUHTANYU 15:16

Apinü kheaknunü tsühde alakhi bineangbo tsühnede lüm, tüshe shenü she api kilim tümü müjih.

LUKNÜ ATHRÜTKHI THIYUSHEAK-ATSÜ HUHTANYU 15:22

Tüshe abuhnü yamlarübo ki tha, ‘Nahnah shulünkhim atsübe lude akhiukbah api kheak phuyujang, akhah ching khahrih yukjang tüsho ajing ching jingkhümpü yukjang.

1 KORINT 12:2

Küyimki nüsa amükinrü lakheanü limro alala ching aduh sangthsübo kilim bephülapkheah de nüsanü mükheahlah.

TITA 3:3

Tümüde isa she khülangki makhade mihyumanide, tsophülapde, shihkünkhi tüsho asühara aphuaphu azhorü thsüde, isa nimungbo alungchihpü, mükthsüpü, mihtsürü khülangnü khülang thraneanachihde hoshih;

JIHUSUA 10:16

Judüki Amorrü kiulongthsürü phüngü ju tsokhitde yünü Makkeda lungkhün ching jik.

MAHKHAPRÜ 5:16

Nü tümü thsükhi mihnu jikhi anide mihnu bolung binkhea? Reuben chamnakkhi bolung tode mulong ajamachihkhi lakheah.

MAHKHAPRÜ 5:19

Kiulongthsürübo arübah keochih; Kanan kiulongthsürübonü Megiddo keyean Taanak ching keochih tüshe arünü ayankhikhi kukruk, shotoyinchi tümü mulu.