MUNGSHIKHÜN 67:7 - AMÜSÜH HÜM CL Bible (BSI)

⁷ Thrünpuhnü isa müngühjihbah, tüsho alomi akheambo alalanü api trebah.

MUNGSHIKHÜN 67:7 Iomraidhean Croise

MUNGSHIKHÜN 22:27

Alomiküp thrip aban chingnü Atungpuh lümkhitbah tüsho api kilim rholobah; tüsho trükshih yamkhün alalanü api kingaünbah.

MUNGSHIKHÜN 29:11

Atungpuhnü api mihtsürü kilim sühmüh jihchoh; Atungpuhnü api mihtsürü mungtsü müngühmühi jihchoh.

MUNGSHIKHÜN 33:8

Alomi alalanü Atungpuh kingaünang! Alomiküp mihtsürü alalanü api wüntreang!

MUNGSHIKHÜN 65:5

Thiyuro-lungki ching atrebe rhimokhinü nünü isa ki alobah, O isa akhümkhit Thrünpuh, alomi alala tüsho ketobo akheamnü nü kheak mulonglamchoh;

MUNGSHIKHÜN 72:17

Api mung lünnü alabah; ani la khiungde api mung mutuklode alabah. Tüsho mihtsürübo api lung müngühmühibah; trükshih alalanü api ki müngühmühi de ajibah.

MUNGSHIKHÜN 98:3

Apinü Israel yamkhün kheak api amüthsüm tüsho thiyuro lakhi lümkhitdo; alomi akheambo alalanü isa Thrünpuh akhümkhit ngüdo.

ISAIA 30:23

Nüsanü alo ching yangkhi müjih thsungkheak apinü tsüng arüshihbah, tüsho alo chingnü akhiukkhi hi lakhitde tüsho muzhomopungde alabah. Ju nimung nü yo shiwühbo yimtsühpung tode alabah;

ISAIA 43:6

Inü dukulim thabah, “Tsoshang,” tüsho düjinglim, “Dütholo; I tsührübo limshu chingnü tüsho I tsührübebo alomi akheam chingnü bedarang–

ISAIA 45:22

I kilim rholoang tüsho khümkhitang, alomi alala akheambo! Tümüde I Thrünpuh ah, tüsho püpü müla.

ISAIA 52:10

Atungpuh amüsüh khah trükshih alala miki akhiuka lah; tüsho alomi alalanü isa Thrünpuh akhümkhit ngübah.

LEVI 26:4

inü nüsa kilim akheahmünchi ching tsüng arüshihbah, tüsho alonü hi mukhuhshihbah tüsho mütüm sangdungbonü aso asobah.

MIKA 5:4

Api azhipbah tüsho A TU N GPU H sühmüh ching, api Thrünpuh Atungpuh wüntre-müretah mung ching api namfimihnubo yimkipbah. Tüsho arü tsokhita labah, tümüde kheakü alomi akheambo khiungde api ato labah;

ZEKARIA 8:12

Tümütüsho judüki mungtsü yangkhi labah; kurungasonü aso asobah, alonü amukhuhshihbah, tüsho thüningbonü ayinke jihbah; tüsho inü ha mihtsürü aningkhi ki harü alala yamrüplurüp lushihbah.

ZEKARIA 9:10

Apinü Ephraim chingnü khora-lolungbe tüsho Jirusalem chingnü thirithsü khora dükheakshihbah; tüsho keochihbe sanglühbo thsümünimbah, tüsho apinü trükshihbo ki mungtsü yukhüm jihbah; api yakzan shuhkhi ketonü keto khiungde alabah, tüsho Euphra Ayung chingnü alomi akheambo khiungde alabah.

MALAKI 1:11

Tümüde ani akhiuknü ayüzah khiungde trükshih bolung I mung ato lah, tüsho dangpung aban ching I mung chingnü rhümthüneabe tüsho atsangkhit kingaün jihchoh; tümüde I mung ju trükshih bolung ato lah, Wuto Atungpuhnü thachoh.

MALAKI 4:2

Tüshe nüsa I mung wüntrerü thsungkheaknü thiyuro-lungki ani ju aghidükeangbo kheak athsüngu kihde akhiukbah. Nüsa moshi nunu ayam chingnü jukde ayükhi nangde jukde ayübah.

YUNIRÜBO RHIMO 13:26

“Keoniorübo, Abraham yamkhün tsührübo, tüsho nüsa bolung Thrünpuh trerübo, ha akhümkhit yu isa kilim arüshihdo.

YUNIRÜBO RHIMO 13:47

Tümüde Atungpuhnü thiyukhüm jihde isa ki tha, ‘Inü nüsa ju khiungkerü khilim tsün kamshih, junangde nüsanü alomi alala ching akhümkhit hande arübah.’ ”

YUNIRÜBO RHIMO 2:28

Nünü I kilim rhangdung limro mükheahshih; nünü nü bede asühkhinü I mide akamshihbah.’

GALATIA 3:14

Abraham kilim jihkhi müngühmühi Jisu Khrista hode khiungkerü kheak arüpü thsüde apinü isa rhokhit, junangde akin hode isanü Menü alokhikhi leangkhibah.

GALATIA 3:9

Jumonü sherü akin lanü, akin mihtsürü Abraham lungnü müngühmühia lah.

AMIKHEAKAKHIUKKHI 15:4

O Atungpuh, shepünü nü mütrepü tüsho nü mung müremütahpü? Tümüde nü lang amüsüh ah. Trükshih alalanü arübah tüsho nü kingaünbah, tümüde nü mahkhapkhibo amikheak akhiukdo.”