MUNGSHIKHÜN 66:18 - AMÜSÜH HÜM CL Bible (BSI)

¹⁸ Inü I mulong ching alakmihkhibo zokhülaa, Atungpuhnü I ki manijih-a labah.

MUNGSHIKHÜN 66:18 Iomraidhean Croise

JOB HU H T ANYU 35:13

Tsükjide Thrünpuhnü akeangkeang zhikhi manichoh, yungsho Wutobuhnü ju mükheahjih.

JOB HU H T ANYU 36:21

Amütsü lim murholopü kümkangang; tümütüsho ju dünkheaknü nü thsünükheah.

MÜCHITMUDU 15:29

Atungpuh ju mihbukmuyuk kheaknü limshude lah, tüshe thiyuro-lungkirü tamkhüntamnükhi apinü sochoh.

MÜCHITMUDU 15:8

Mihbukmuyuknü laksah-a kingaünkhi ju Atungpuh kilim athraneanbe lah, tüshe alungkirü tamkhüntamnü ju api asühpü lah.

MÜCHITMUDU 21:13

Shepünü zhochihrünü azhikhi lim nükhün yihdochonü, anihbuhnü she azhibah tüsho musojihde alabah.

MÜCHITMUDU 28:9

Shepünü yakzan anipü chingnü anükhün anguhde tsochonü, api tamkhüntamnü athraneanbe labah.

ISAIA 1:15

Küyimki nüsanü nüsa khah chungkhitbanü, nüsa kheaknü I mükbo jikabahbah; nüsanü khide tamkhüntamnünü she, inü mani; nüsa khahbo thiyihnü milah.

JOHAN 9:31

Thrünpuhnü a aneakrü ki manijihchoh de kheakü isanü mükheahlah; tüshe khürünü ju Thrünpuh kingaünrü thsüde api lümkhi rhimosho, apinü anihbuh ki anijihchoh.

JAKOB 4:3

Nüsanü kheangchoh tüshe müngü, tümütüsho nüsanü nüsa shihkünkhi ching bahpü amülimnü kheangchoh.