MUNGSHIKHÜN 65:5 - AMÜSÜH HÜM CL Bible (BSI)

⁵ Thiyuro-lungki ching atrebe rhimokhinü nünü isa ki alobah, O isa akhümkhit Thrünpuh, alomi alala tüsho ketobo akheamnü nü kheak mulonglamchoh;

MUNGSHIKHÜN 65:5 Iomraidhean Croise

MUNGSHIKHÜN 107:23

Sherü sangkung chingnü keto ching yüzahcho, sherü ke atobo kheak shothsümolocho,

MUNGSHIKHÜN 145:17

Atungpuh ju api limrobo alala ching thiyuro-lungki ah, api rhimobo alala ching amüthsüm lah.

MUNGSHIKHÜN 22:27

Alomiküp thrip aban chingnü Atungpuh lümkhitbah tüsho api kilim rholobah; tüsho trükshih yamkhün alalanü api kingaünbah.

MUNGSHIKHÜN 36:9

Tümüde nü kheak rhangdung ke bukpung lah; nü ayinatrüm ching isanü ayin ngüchoh.

MUNGSHIKHÜN 45:4

Thiyuro tüsho alungki tsunglopü thsungkheak akukkhi lim beang; nü sühmühnü akuk ato ngübah!

MUNGSHIKHÜN 66:3

Thrünpuh ki thaang, “Nü rhimobo küdükhüh atrebe la! Nü wu tokhi hode nü riribonü nü ki mükhümbah.

MUNGSHIKHÜN 84:5

Mihtsürü shepü sühmüh nü kheak la, shepü mulong amüsüh-hantsahpü lanü müngühmühi.

MUNGSHIKHÜN 85:4

Isa laloshang, O isa akhümkhit Thrünpuh, tüsho isa kilim nü bukakhiukkhi kheamshang.

ISAIA 37:36

Judüki Atungpuh yunirü tsahmusu tüsho Asiriarü binkheampung ching 185,000 laksah; küyimki ayinkhikhea, arübo alala ashemibo lakheah.

ISAIA 45:22

I kilim rholoang tüsho khümkhitang, alomi alala akheambo! Tümüde I Thrünpuh ah, tüsho püpü müla.

ISAIA 51:5

I yo thiyuro-lungki phünide lah, I yo akhümkhit wukhiukdo tüsho I khahbonü mihtsürübo yakzan shuhbah; keyean lomibonü I aleangchoh tüsho I khah kheak arünü mulonglamchoh.

ISAIA 60:5

Judüki nünü akheahbah, tüsho zhingzhingde alabah; nü mulong ajanbah tüsho asühachihbah, tümütüsho müthangmüsünkhi keto nü kheak handarübah, trükshihbo lakhit nü kilim arübah.

ISAIA 66:19

tüsho inü arü bolung amütsan khülang zobah. Arü bolungnü inü trükshihbo ching arhang larü yüshihbah, Tarshish lim, Put, tüsho Lud–sanglüh kiprü– Tubal tüsho Javan lim, I mungthu tüsho I müretah müngükhi limshu keyean lomibo ching; tüsho arünü trükshih bolung I müretahkhi khipkhitbah.

ZEPHANIA 2:11

Atungpuh mihtrebe thsüde arü azhihbah; apinü lomi thrünpuhbo alala thsümünimbah, tüsho keyeanlobo tüsho kekung-lo trükshihbo alalanü nihbuh dangpung chingnü api ki kingaünbah.

HAGGAI 2:23

Wuto Atungpuhnü thachoh, ju nimung, inü nü bea lubah, O I yamlarü Zerubbabel, Shealtiel tsührü, Atungpuhnü thachoh, tüsho nü ju mütsanyüm yingkhüm nangde akamshihbah; tümüde inü nü mokhitdo, Wuto Atungpuhnü thachoh.

ZEKARIA 9:10

Apinü Ephraim chingnü khora-lolungbe tüsho Jirusalem chingnü thirithsü khora dükheakshihbah; tüsho keochihbe sanglühbo thsümünimbah, tüsho apinü trükshihbo ki mungtsü yukhüm jihbah; api yakzan shuhkhi ketonü keto khiungde alabah, tüsho Euphra Ayung chingnü alomi akheambo khiungde alabah.

ROMRÜ KILIM PAULNÜ ATHRÜTKHI KIHÜM HUHTANYU 2:5

Tüshe nü nihnihkhi tüsho nü mulong müküpkhinü Thrünpuh bukakhiukkhi, api thiyuro-lungki mahkhap amikheak akhiuk nimung thsungkheak nü azhihde bukakhiukkhi zomukhungchoh.

YUZÜNGTHALO 10:21

Api ju nünü mungshi jihpü lah, tüsho api ju harü ato tüsho atrebe rhimobo nü müknü ngüde arhimokhi nü Thrünpuh ah.

YUZÜNGTHALO 4:34

Yungsho A TUN GPU H nüsa Thrünpuhnü nüsa ki Ijip ching rhimokhi nangde, thrünpuh khürünü trükshih khürü püpü trükshih chingnü api yo thsüpü rükakide, amükheahmihbe huhde, khinthiyinbe rhimode, keochihde, wu-sühmüh khah chunghuhde, tüsho tode müzünkhi la shi?

AMIKHEAKAKHIUKKHI 16:5

Tüsho ke yunirünü thade inü so, nü a harü mahkhapkhibo ching thiyuro lah, nü shepü la tüsho shepü alakhea, Amüsühbuh Khülang;