MUNGSHIKHÜN 65:2 - AMÜSÜH HÜM CL Bible (BSI)

² O nü shepünü tamkhüntamnü socho, nü kilim mihtsürü alala arübah.

MUNGSHIKHÜN 65:2 Iomraidhean Croise

1 KIULONG THSÜRÜ 18:29

Animuro hobah, arelim taka kingaünpü khiungde arünü mutuklode kolahkochide dapdapruru. Tüshe düsheak müla, tümü she malojih.

1 KIULONG THSÜRÜ 18:37

I ki alojang, O Atungpuh , I ki alojang, junangde ha mihtsürübonü, O Atungpuh , nü Thrünpuh ah de amükheahbah tüsho nünü arü mulong rholoshihbah.”

2 KIUTHSÜYUKHEAN 33:13

Apinü api ki tamkhüntamnü, tüsho Thrünpuhnü api tamkhüntamnü leangkhi, apinü mushukhi so, tüsho Jirusalem tüsho anihbuh kiulongthsü kilim api alode yüshih. Judüki Atungpuh ju Thrünpuh ah de Manasenü mükheah.

MUNGSHIKHÜN 102:17

Apinü abahyukkhi mihtsürübonü tamkhüntamnükhi leangkhijihbah, tüsho arü tamkhüntamnükhi mükhemükim müthsü.

MUNGSHIKHÜN 116:14

Kheakü api mihtsürü alala miki inü Atungpuh kilim thiyuchihchim jihbah.

MUNGSHIKHÜN 116:18

Kheakü api mihtsürü alala miki inü Atungpuh kilim thiyuchihchim jihbah,

MUNGSHIKHÜN 22:27

Alomiküp thrip aban chingnü Atungpuh lümkhitbah tüsho api kilim rholobah; tüsho trükshih yamkhün alalanü api kingaünbah.

MUNGSHIKHÜN 66:13

Inü nü yam ching taka kingaünkhi lude arübah; inü thiyuchihchimkhi nü kilim jihbah.

MUNGSHIKHÜN 66:19

Tüshe dükde Thrünpuhnü I sojihdo; apinü I tamkhüntamnü düsheak anijihdo.

MUNGSHIKHÜN 66:4

Alomi alalanü nü kingaünbah tüsho nü müshi khünbo thsübah; arünü nü mung shikhi khün thsübah.”

MUNGSHIKHÜN 86:9

Nünü athrünkhi trükshihbo alala arübah tüsho nü ki khukningbah, tüsho nü mung müretahbah.

ISAIA 49:6

Apinü tha, “Jakob trükbo bemusupü nü I yamlarü thsüpü tüsho Israel arhang larü belodarüpü ju khide athülih ah; inü trükshihbo ki nü ayin khülang nangde ajihbah, junangde I akhümkhitnü alomi akheam khiungbah.”

ISAIA 65:24

Arünü müjiyide inü alobah, arü asukachihde lachoki inü asobah.

ISAIA 66:23

Khinu aso tüsho amunimung aban, mihtsürü alalanü I miki kingaünpü arübah, Atungpuhnü thachoh.

NAHUM 2:1

Nü azhihde ayanrü atua lah! Chipibo aheangang; limro kheahang; nü chimbo rümang; keochihpü thsakhamang.

JOHAN 12:32

Tüsho alomi chingnü I bekihsho, mihtsürü alala I kilim bea lubah.”

YUNIRÜBO RHIMO 10:31

tüsho tha, ‘Kornelia, Thrünpuhnü nü tamkhüntamnü sodo tüsho nünü jihchungkhi lümkhitdo.

AMIKHEAKAKHIUKKHI 11:15

Judüki athünepü yunirünü api hulipungpung müt, tüsho yinmi chingnü düsheak achangnü tha, “Alomi kiulongthsü ju isa Atungpuh tüsho api yo Khrista kiulongthsü kamdo, tüsho apinü lünnü lün kiulongthsübah,”