MUNGSHIKHÜN 65:13 - AMÜSÜH HÜM CL Bible (BSI)

¹³ Rimlopungbo mihnu botonü lüpchim; jindükhünbo hibonü mithülam; arünü asühachihde zhichoh tüsho khün thsüchoh.

MUNGSHIKHÜN 65:13 Iomraidhean Croise

JOB HU H T ANYU 36:31

Tümüde harünü apinü mihtsürübo mahkhapchoh; apinü tsühyungpü suhdahde jihchoh.

MUNGSHIKHÜN 144:13

junangde isa jakambo ju mungjithürü akhiukkhi ahiuhakhippü thsüde mikhiukde alabah; junangde isa yo namfimihnunubonü isa mükeakbo ching chithürübo tüsho chithürü thürübo bushihbah;

MUNGSHIKHÜN 72:16

Lomi ching, müzüngbo mujuk kheak hi muzhomopungde alabah; Lebanon nangde zhinshakde asobah; tüsho alo rim nangde kiuto mikhiukde alabah.

ISAIA 30:23

Nüsanü alo ching yangkhi müjih thsungkheak apinü tsüng arüshihbah, tüsho alo chingnü akhiukkhi hi lakhitde tüsho muzhomopungde alabah. Ju nimung nü yo shiwühbo yimtsühpung tode alabah;

ISAIA 35:10

Tüsho Atungpuh zuzu alodarübah tüsho khün thsüde Zion lim arübah; akheam mülakhi asühachihkhi arü ku kheak labah; arünü asühpü tüsho asühara ngübah, tüsho mulong rozhak tüsho sheak-dükip tsoabahbah.

ISAIA 44:23

Khün thsang O thüningbo, tümüde Atungpuhnü ha thsükheah; zhiang, O alomi asükbo; khün thsüde ahoang, O awungbo, O murung, tüsho ju ching sangdungbo! Tümüde Atungpuhnü Jakob rhokhitdo tüsho Israel ching müretahbah.

ISAIA 49:13

Asühachihpü khün thsang, O thüningbo, tüsho khide asühang, O alomi; O awungbo, khün thsüde alankhitang! Tümüde Atungpuhnü api mihtsürü shukheamdo, tüsho api mihtsürü thsünürü kheak mihmüthsüm labah.

ISAIA 52:9

Rukhühnü khün thsüde zhiang, nü athsümünimkhi Jirusalem; tümüde Atungpuhnü api mihtsürü shukheamdo, apinü Jirusalem rhokhitdo.

ISAIA 55:12

Tümüde nü asühachihkhi ching wukhiukbah, tüsho mungtsü ching belodarübah; nü müngüh lakhi awungbo tüsho amujukbonü khün thsüde alanbah, tüsho thulu ching sangbo alalanü khah dambah.

JEREMIA 48:33

Asühara tüsho asühachihkhi Moab amüdang lomi chingnü lude tsodo; inü yukhu nitpung chingnü yukhu tuklodo; shenü jurübo asühachihde münit; azhikhi ju asühachihde azhikhi yung.

JOEL 2:22

Dütre, nüsa mütüm shiwühbo, tümüde sunglo rimbo phüyaklah; sangdungbonü aso asochoh, khubaso tüsho kurungaso suhdahde lah.

ZEKARIA 9:17

Tümüde api tsakamkhi tüsho akhamkhi küdükhüh la! Hinü athrününgtsüng tüsho yukhunü anünürü shih kihde akambah.

YUNIRÜBO RHIMO 14:17

tüshe apinü anihbuh thiyumütsan mülade müthsü, tümüde apinü atsü rhimo tüsho thüning chingnü tsüng le akheahmünchi ching sangsolungsobonü nüsa mulong reangkeamde asühshihchoh.”