MUNGSHIKHÜN 64:9 - AMÜSÜH HÜM CL Bible (BSI)

⁹ Mihtsürü alalanü atrebah, tüsho Thrünpuh rhimo khipkhitbah; tümüde arünü api rhimo lümlung lade lümakheahbah.

MUNGSHIKHÜN 64:9 Iomraidhean Croise

MUNGSHIKHÜN 119:20

Kim alala ching nü yakzan mürheangkhinü I me thsünülah.

MUNGSHIKHÜN 140:10

Mokhih takkhi arü kheak keamshang; arübo masürülopü thsüde mo ching, asük ching jipyukshang.

MUNGSHIKHÜN 40:3

Apinü isa Thrünpuh shipü I mün ching khün aso khülang yukjih; ahihdonü ju ngübah atrebah tüsho Atungpuh kheak kinbah.

MUNGSHIKHÜN 53:5

Arübo atrepü mülade alapung ching trede lah, tümüde Thrünpuhnü nü azhihde ayanrü robo hiumüzütshihdo; nünü arü achih ngüshihdo, tümütüsho Thrünpuhnü arü bahyuk.

MUNGSHIKHÜN 58:11

Mihtsürübonü athabah, “Tsükjide thiyuro-lungkirü thsungkheak thsambah khülang lah; tsükjide alomi ching mahkhaprü Thrünpuh khülang lah.”

MUNGSHIKHÜN 59:13

nü bukakhiukkhi ching arü muyuang; shahde arü muyuang, junangde Israel ching Thrünpuhnü yakzan shuhchoh, tüsho api yakzan alomi alala khiungde lah de mihbüm abannü amükheahbah.

ISAIA 5:12

Shepü aniojikhi ching bingkhung tüsho bingshang, züpzüppü tüsho khungpi tüsho yukhu ahoricho, tüshe shepünü Atungpuh rhimobo akin müla yungsho api khah rhimo müngü!

JEREMIA 50:28

Aniang! Babilon lomi chingnü tsotsahrümtsahrübo Atungpuh isa Thrünpuh royimkhi, api arüngyam royimkhi Zion ching zhiyukpü arüchoh.

JEREMIA 51:10

Atungpuhnü isa thiyuro handarüdo; arang, isanü Atungpuh isa Thrünpuh rhimo Zion ching thaanü.

EZEKIEL 14:23

Nünü arü limrobo tüsho arü rhimobo ngüchoki nü mulong shukheambah, tümüde amütsan mülade ju ching inü tümü mürhimokhi nünü mükheahbah. Wuto Atungpuhnü thachoh.

HOSEA 14:9

Sherü lümlung lanü harü anikhitchoh; sherünü kheahkhitlanü jurü mükheahlah. Tümüde Atungpuh limrobo ju alungki, tüsho thiyurolungkirünü jurü ching tsahchoh, tüshe alakmihrünü jurü ching jing mükhechoh.

AMIKHEAKAKHIUKKHI 11:13

Ju kim ching muliuyuk ato züng, tüsho kiuto shihcham thürü ching khülang thsümünim; muliuyuk ching mihtsürü 7000 laksah, tüsho aninga larünü müyinnim tüsho yinmi ching Thrünpuh kilim müretah jih.