MUNGSHIKHÜN 64:6 - AMÜSÜH HÜM CL Bible (BSI)

⁶ Isanü amütsü rhimokhi shenü ayimkhitkhukpü? Isanü rük thsüde lümkhi thsükhitdo.” Tümüde mihtsürü lüm tüsho mulong alunglim ju süklah.

MUNGSHIKHÜN 64:6 Iomraidhean Croise

THRÜNTAN 39:15

Tüsho küyimki I düsheak achangnü azhikhi apinü asokheanü api khimmih I ki zobah alihde wungdo wukhiuk.”

MUNGSHIKHÜN 10:11

Apinü amulong ching thachoh, “Thrünpuhnü mihabahdo; api miro jiklah, apinü küyimkishe I müngü.”

MUNGSHIKHÜN 35:11

Mihmukhiuh thiyumütsanbo I azhihde arüchoh; inü mümükheahkhi arünü I ki keokhichoh.

MUNGSHIKHÜN 49:11

Arü lümkhi alunglim ju arü yambo lünnü alabah, tüsho arü lapungbo lün alala ching labah de lah; arünü arü lomi arü mung tamde jichoh.

MUNGSHIKHÜN 5:9

Tümüde arü mün ching thiyuro müla; arü mulong athsümünimnü milah; arü thrukeang ju khimshuh-a lakhi kiuyuk ah; arü mulonü mülapmüjichoh.

MÜCHITMUDU 20:5

Mihtsürü mulong ching lümkhi ju ke asükbo nangde lah, tüshe anikhitkhi mihtsürünü khipkhita luchoh.

ISAIA 29:15

Are! Nüsa sherünü Atungpuh kheaknü limshude lümkhi khide sükde ramcho, shepü rhimobo amiting ching la, tüsho shepünü thacho, “Shenü isa ngüla? Shenü isa mükheahla?”

MATHI 26:59

Kheakü amükeam putungrübo, azothsürübo, tüsho kiuthsü-binkiu alalanü api sheshihpü Jisu azhihde arükchih thiyumütsan yim,

JOHAN 19:7

Jihudarünü api ki alo, “Isa yakzan khülang lah, tüsho isa yakzan yande api ashepü tsütsü, tümütüsho api aküdah thsüde Thrünpuh tsührü kamshihdo.”

1 KORINT 4:5

Jumonü kim mukhiungyide tümü thiyudükhap; Atungpuh arükhi khiungde aleangang. Amiting ching rama lakhi apinü ayin ching hande arübah tüsho mihtsürü mulongbo lahkhitbah. Ju kim ching mihbüm aban nihbuh mungshi Thrünpuh kilimnü aleangkhibah.

1 SAMUEL 22:9

Edomrü Doeg, Saul yamlarü atobuhnü alo, “Inü Jesse tsührü ju Ahitub tsührü Ahimelek kilim Nob ching arükhi ngüdo;

1 SAMUEL 24:9

Davidnü Saul ki tha, “ Tümü thsükhi Davidnü nü thsümünimpü yimchoh de atharü yu anicho?

1 SAMUEL 25:10

Tüshe Nabalnü David yamlarübo ki alo, “David ju shepü a? Jesse tsührü ju she a? Khihni nihbuh putungrü kheaknü chamkhide atsokhi yamlarübo ahihdo lah.