MUNGSHIKHÜN 62:8 - AMÜSÜH HÜM CL Bible (BSI)

⁸ Kim alala ching api kheak kinang, nüsa mihtsürübo; nüsa küpkhuk alala api ki thaang; Thrünpuh ju isa thsungkheak tsoyukpung.

MUNGSHIKHÜN 62:8 Iomraidhean Croise

JOB HU H T ANYU 13:15

Apinü I laksahsah she inü api kheak kinbah; junangde api miki I dünkheak inü athabah.

MUNGSHIKHÜN 102:1

I tamkhüntamnü sojang, O Atungpuh , tüsho inü azhikhi nü ki arüshang.

MUNGSHIKHÜN 142:2

Inü I atsangkhi api ki lude arüchoh; inü I küpkhuk api miki thachoh.

MUNGSHIKHÜN 18:2

Atungpuh ju I lungto, I chipi tüsho I bekhitrü, I Thrünpuh, I sühmüh, shepü kheak I tsoyukcho, I tsung, tüsho I akhümkhit juh, I chipi.

MUNGSHIKHÜN 3:4

Inü Atungpuh ki achangnü zhichoh, tüsho apinü api amüsüh wung kheaknü I ki alojihchoh.

MUNGSHIKHÜN 37:3

Atungpuh kheak kinang, tüsho atsü rhimoang; lomi ching khümkhita laang.

MUNGSHIKHÜN 42:4

Küyimki inü harü lümkhitbanü, I me thurukhitchoh. Tümüde inü asühkhi düsheak thsüde, tüsho makshe jihde boto lung Thrünpuh yam lim yü.

MUNGSHIKHÜN 46:11

Wuto Atungpuh isa lung lah; Jakob Thrünpuh ju isa tsoyukpung.

MUNGSHIKHÜN 46:2

Jumonü alomi lahkhitkhit she, tüsho awungbo ju keto ching hande yüyü she isanü mütre;

MUNGSHIKHÜN 71:7

I a ahihdo ki amütsan khülang kam, tüshe nü I tsoyukpung amüküp ah.

MUNGSHIKHÜN 91:2

Inü Atungpuh dünkheak thabah, “Api I tsoyukpung tüsho I chipi; I Thrünpuh, api kheak inü akinbah.”

MUNGSHIKHÜN 94:22

Tüshe Atungpuh ju I chipi, tüsho Thrünpuh ju I tsoyukpung lungto lakheah.

MÜCHITMUDU 14:26

Atungpuh trekhi ching mulongram adüküng lah, tüsho api tsührübo tsoyukpung dangpung labah.

ISAIA 26:16

O Atungpuh , lümthsünü ching arünü nü yim, nünü arü thsümüchichoki arünü nü ki tamkhüntamnü.

ISAIA 26:4

Lünnü Atungpuh kheak kinang, tümüde Atungpuh T H RÜ NPU H ju akheam mülakhi Lung ah.

ISAIA 50:10

Nüsa bolung shepünü Atungpuh trecho tüsho api yamlarü düsheak anicho, shepünü amiting ching tsahcho tüsho ayin müla, tütüshe Atungpuh mung ching kincho tüsho api Thrünpuh kheak düthsün angücho?

TÜZHOKHI 2:19

Aheangpü tankihchoki azhing ching asürang, zhiang! Atungpuh miki ke nangde nü mulong bukkhitang! Nü tsührübo rhangdung lapü thsungkheaknü api ki nü khah shuhkihang, sherübo akhümkhinü kiudunglimro mungyean aban lungcho.

FILIPI 4:6

Tümü thsungkheak she mulong düsansan, tüshe lüpdükhi ching tamkhüntamnüde tüsho makshe jihde amushukhibo Thrünpuh ki mükheahshang.

IBRI 6:18

junangde Thrünpuhnü akeangyu müthakhukbe, mümüthrikhukpü mungji mahne hode isa kilim jihkhi mulonglam kheak ramrihpü isa shande ayürü khide mulong toshihbah.

1 JOHAN 2:28

Tüsho kheakü azürübo, api kheak laang, junangde api amikheak akhiukchoki isa mulongram labah tüsho api arüchoki api miki achih müngü.

1 SAMUEL 1:15

Tüshe Hannanü alo, “Yung, I tungpuh, I sükde küpkhukkhi liberü ah; inü yukhu yungsho müshangmurube tümü muyung, tüshe Atungpuh miki I küpkhuk thade tamkhüntamnüde alakheah.