MUNGSHIKHÜN 62:10 - AMÜSÜH HÜM CL Bible (BSI)

¹⁰ Junokhi ching akin düla, yungsho jangkhijangra ching akeangkeang mulong dülam; alarübo rünkihsho arü kheak nü mulong düzo.

MUNGSHIKHÜN 62:10 Iomraidhean Croise

JOB HU H T ANYU 20:19

Tümüde apinü zhochihrü juno tüsho bahyuk, apinü müthsükhi yam khülang yankhia lu.

JOB HU H T ANYU 20:29

Ha mihbukmuyuk shihcham Thrünpuh kilimnü lah, Thrünpuhnü api thsungkheak yamrüplurüp thsakhamkhi lah.

MUNGSHIKHÜN 39:6

Tsükjide mihtsürü aban alamme khülang nangde tsahchoh; tsükjide arü akeangkeang ching zuknukde lah; apinü lakhit wumujungchoh, tüsho shenü jurü lubanü mümükheah.

MUNGSHIKHÜN 4:3

Tüshe amüsührü a Atungpuhnü api thsungkheak shuhmuwuh-a zolah de mükheahang; inü api jichoki Atungpuhnü sochoh.

MUNGSHIKHÜN 49:6

mihtsürü sherünü arü lakhit ching kincho tüsho arü lakhit müthangmüsünkhi dünkheak kükheangcho?

MUNGSHIKHÜN 52:7

“Thrünpuh ju nihbuh sühmüh müthsükhi mihtsürü ha ching lah, tüshe api lakhit suhdahkhi ching kin, tüsho api mihbukmuyuk ching düküngde kam.”

MUNGSHIKHÜN 91:14

Tümütüsho apinü nihbuh amuzho I kheak zo, jumonü inü api bekhitbah; inü api achang kheak lashihbah, tümütüsho apinü I mung mükheahdo.

MÜCHITMUDU 23:5

Tümüde atsütsünü lakhitbonü arü ghi thsüchoh; arünü müleang nangde thüning lim phinde tsochoh.

ISAIA 28:15

Tümütüsho nüsanü tha, “ Isanü ashekhi kheak tangzüng khülang thsüdo, tüsho Ashe-lomi kheak thiyuchihchim khülang lah; küyimki thsümütsü arübanü, ju isa kheak marü; tümüde isa jikpung isanü akeangyu thsakhamdo, tüsho akeangyu ching isa jika lah”;

ISAIA 30:12

Jumonü Israel yo Amüsühbuh Khülangnü ha thachoh: Tümütüsho nüsanü ha yu bahyukchoh, tüsho nüsa kinkhi ju junokhi tüsho arükchih ching lah, tüsho arü kheak angükihchoh;

ISAIA 40:15

Trükshihbo she kesopung ching atsamkhi khülang ruk lang ah, tüsho akesang kheak asungthulung nangde khejihchoh; kheahang, apinü kekung-lobo asungthulung dübün nangde düpütkihchoh.

ISAIA 40:17

Trükshihbo alala api miki tümü she müla; arübo ju apinü tümü mülakhi tüsho akeangkeang kheaknü anükbe khejihlah.

ISAIA 47:10

Tümüde mihbukmuyuk ching nünü kindo; nünü tha, “Shenü I müngü.” Nü lümlung tüsho nü mükheahnü nü bephülapdo, tüsho nünü mulong ching tha, “ I ah tüsho I hobah she müla.”

ISAIA 59:4

Shenü she thiyuro thsungkheak müji, yungsho thiyuro thsungkheak mumushu; arünü akeangkeang atsangachihkhi kheak düthsün angüchoh, arünü akeangyu thachoh, küpkhuk mihlashihchoh tüsho amülim zübechoh.

ISAIA 61:8

Tümüde I Atungpuhnü thiyuro muzholah, inü ahühara tüsho amülim rhimo thraneanlah; inü thiyuronü arü kilim thsambah jihbah, tüsho inü arü ki akheam mülakhi tangzüng khülang thsübah.

JEREMIA 13:25

Ha nü shihcham, inü nü kilim akhukhitkhi shihcham, Atungpuhnü thachoh, “Tümütüsho nünü I mihabah tüsho akeangkeang ching kin.

JEREMIA 17:11

Patridge wuhnunü mühüpkhitde püpürü jipjipbo bemukhungkhi nangde thiyuro mülakhi lakhit hanmukhungrü ju ruk ah; api rhangdung murochoki anihbuh lakhitbo dükheakbah, tüsho akheam ching api makhakhi mütsanbah.

MARK 10:23

Judüki Jisunü mükamde kheahbah jingyanrübo ki tha, “Alarünü Thrünpuh kiulongthsü ching yüzahpü küdükhüh she achak a!”

1 TIMOTHI 6:10

Tümüde sho muzhokhi ju amütsü alala yo aying ah; ha künkhi hode khürü akin chingnü bephülapde tsodo tüsho hihde dukmüsüpkhinü arü mulongbo chinkhitdo.

1 TIMOTHI 6:17

Ha lomi ching mükükheangpü tüsho mümütsankhi lakhit ching yungde, isa asühshihpü lüpdükhi muzhomopungde ajihbuh Thrünpuh kheak arü mulonglam zopü alarü ki thiyukhüm jihang.