MUNGSHIKHÜN 62:1 - AMÜSÜH HÜM CL Bible (BSI)

¹ I menü arümde Thrünpuh aleangchoh; I akhümkhit api kilimnü arüchoh.

MUNGSHIKHÜN 62:1 Iomraidhean Croise

1 KIUTHSÜYUKHEAN 25:1

David tüsho bonungrü atorübonü, bingkhung, bingshang, tüsho larüpbo shuhbah müchitmudude tankihpü thsungkheaknü Asaph, Heman tüsho Jeduthun arü tsührübo bemuwuh. Rhimorü tüsho arü rhimobo:

1 KIUTHSÜYUKHEAN 25:3

Jeduthun tsührü 6: Gedalia, Zeri, Jeshaia, Shimei, Hashabia, tüsho Mattithia, arü abuh Jeduthunnü khuhlangahuhkhi khüp la, arünü bingkhung shuhbah müchitde Atungpuh kilim makshe tüsho mungshi jih.

MUNGSHIKHÜN 121:2

I arung ju thüning tüsho alomi thrünrü Atungpuh kilimnü arüchoh.

MUNGSHIKHÜN 123:2

Kheahang, yamlarünü arü putungrü khah kheahkhi nangde, yamlaberünü nihbe putungbe khah kheahkhi nangde, api amüthsüm isa kheak mülayi khiungde Atungpuh isa Thrünpuh kheak isa mükbonü kheahchoh.

MUNGSHIKHÜN 25:5

Nü thiyuro ching I beang, tüsho I ki thsangyuang, tümüde nü a I akhümkhit Thrünpuh ah; nimung aban inü nü aleanglah.

MUNGSHIKHÜN 27:14

Atungpuh aleangang; reangzahang, tüsho nü mulong toang; inü thachoh, Atungpuh aleangang!

MUNGSHIKHÜN 33:20

Isa menü Atungpuh aleangchoh; api isa rungrü tüsho tsung.

MUNGSHIKHÜN 37:39

Tüshe thiyuro-lungkirü akhümkhit ju Atungpuh kilimnü lah; api ju küpkhuk kim ching arü sühmüh lah.

MUNGSHIKHÜN 37:7

Atungpuh miki zhikde laang tüsho arümkheamde api aleangang; mihtsürübonü arü mihbukmuyuk lümkhi asahde arü limrobo ching akuk ngüchoki mulong düsansan.

MUNGSHIKHÜN 39:1

Inü tha, “Inü arhimopü lakhi akümkangbah tüsho I mulonü neak müyihbeakshih; mihbukmuyukrü I miki lachoki inü tümü she mütha.”

MUNGSHIKHÜN 40:1

Inü arümde Atungpuh aleang; apinü I kilim anguh, tüsho inü azhikhi sojih;

MUNGSHIKHÜN 62:2

Api lang I lungto tüsho I akhümkhit; api I chipi, küyimkishe I matrüt.

MUNGSHIKHÜN 65:1

O Thrünpuh, isanü Zion ching nü mungshi jihpü lah; tüsho nü ki thiyuchihchim thsübah.

MUNGSHIKHÜN 77:1

Inü I düsheaknü Thrünpuh ki zhi; tüsho apinü I ki sojih.

ISAIA 12:2

Tsükjide Thrünpuh a I yo akhümkhit; inü akinbah, tüsho mütre, tümüde Atungpuh ju I sühmüh tüsho khün; api I akhümkhit kamdo.

ISAIA 30:18

Jumonü Atungpuhnü nüsa ki müthsümpü aleangchoh; nüsa ki amüthsüm huhpü api asürübah. Tümüde Atungpuh ju thiyuro Thrünpuh; api aleangrü alala müngühmühi.

ISAIA 40:31

tüshe sherünü Atungpuh aleangchonü arü sühmüh aso kambah, arünü müleangbo nangde ghibonü aphinbah, arünü alihbah tüsho mükeak, arünü atsahbah tüsho sühmükeakea.

JEREMIA 3:23

Tsükjide awung mujuk tüsho awungbo kheak sangthsü kingaünde asühkhi ju akeangkeang lah. Tsükjide Atungpuh isa Thrünpuh lung Israel akhümkhit lah.

TÜZHOKHI 3:25

Atungpuhnü api aleangrü, api yimrü kheak tsülah.

TÜZHOKHI 3:38

Ha Khide Achang mün chingnü atsü tüsho amütsü arüchoh yung de?

JAKOB 5:7

Jumonü keoniorübo, Atungpuh arüpü nimung khiungde arümkheamang. Kheahang, thulu-thsürünü alonü hi atsü akhiukshihpü mumükin tüsho mükheankim tsüng arümkheamde aleangchoh.