MUNGSHIKHÜN 60:6 - AMÜSÜH HÜM CL Bible (BSI)

⁶ Thrünpuhnü api arüngakopungnü tha, “Inü asühbah; inü Shekem chamnakbah tüsho Sukkoth jindükhün akebah.

MUNGSHIKHÜN 60:6 Iomraidhean Croise

THRÜNTAN 12:6

Abramnü Shekem ching More sangdung ato lapung khiungde lomi hode hantsah. Ju kim ching Kananrübo lomi ching lakheah.

2 SAMUEL 3:18

Kheakü ju rhimoang; tümüde Atungpuhnü David ki thiyuchihchim: I yamlarü David hode Filistiarü, tüsho arü riri alala khah chingnü I mihtsürü Israel khümkhitbah.”

MUNGSHIKHÜN 119:162

Khürünü lakhit ngükhi nangde inü nü yu ching asühchoh.

MUNGSHIKHÜN 132:11

Atungpuhnü thiyuro ching David ki thiyuchihchim thsü; apinü ju chingnü murholo: “Inü nü tsührü bolungnü khülang nü kiulongthsü-binkiu kheak binshihbah.

MUNGSHIKHÜN 56:4

Inü Thrünpuh kheak kinchoh tüsho I mütre; apinü alokhikhi dünkheak inü api shichoh. Mihtsürünü I ki tümü thsükhukpü?

MUNGSHIKHÜN 89:19

Judüki nünü nü yo amüsüh khülang ki michih ching asuk, tüsho tha: “Inü wuto kilim arung jihdo; inü mihtsürü bolungnü mokhitkhi shuhkihdo.

MUNGSHIKHÜN 89:35

Khülang ki inü I amüsühnü thiyuchihchim; inü David ki akeangyu mütha;

JEREMIA 23:9

Wukihrübo dünkheak: Atungpuh tüsho api amüsüh yu dünkheaknü I mulong trüthünaka lah, I robo alala ajanchoh; I a amüshangrü nangde, khürü yukhunü zhihokhi nangde kamdo.

AMOS 4:2

Atungpuh Thrünpuhnü api müsühkhinü thiyuchihchimdo: Nüsa mihbüm aban thüngüh wuhbe khoyangnü awuhpü kim tsükjide arüchoh.

JIHUSUA 1:6

Reangzahang tüsho mulong ato thsang, tümüde arü jipürü ki alokhikhi nangde ha lomi mükühchoki nü harü limberü thsübah.

JIHUSUA 13:27

Jordan jindükhün ching Beth Haram, Beth Nimra, Sukkoth, Zaphon, tüsho aningkhi Heshbon kiulongthsüpuh Sihon kiulongthsü aniakhiuklim Jordan keto yean chingnü düjinglim Galilee keto akheam khiunglah.

JIHUSUA 17:7

Manase lomi ju Shekem aniakhiuklim thrip Asher chingnü Mikmethath khiunglah; tüsho aredung ju düjinglim Entappua ching larü kilim yülah.

JIHUSUA 20:7

Jumonü arünü Naphtali awung lomi ching Galilee ching lakhi Kadesh mokhit; Ephraim awung lomi ching Shekem mokhit; tüsho Juda awung lomi ching Kiriath-arba (ju Hebron) mokhit.

JIHUSUA 24:1

Jihusuanü Israel trük alala Shekem ching bemukhung, tüsho apinü azothsürübo, mahkhaprübo tüsho Israel atorübo ji tüsho arübo Atungpuh miki arü.

JIHUSUA 24:32

Josep robo Israelrünü Ijip chingnü handarükhi ju, Jakobnü Shekem abuh Hamor tsührübo kheak shotoyinchi 100 jihbah athulokhi lo ching kiuyukabah; ju Josep tsührü yamrüplurüp kamabah.