MUNGSHIKHÜN 6:8 - AMÜSÜH HÜM CL Bible (BSI)

⁸ Nüsa amütsü-rhimorü alala I kheaknü chamachihang; tümüde I tripkhi düsheak Atungpuhnü sodo.

MUNGSHIKHÜN 6:8 Iomraidhean Croise

JOB HU H T ANYU 17:7

Mulong tukthsükhinü I mükji rerede kamdo, tüsho I jingkhah alala me khülang ruk ah.

MUNGSHIKHÜN 116:8

Tümüde nünü ashekhi chingnü I me, chikebo chingnü I mükbo, tüsho akeamkhi chingnü I jingbo bekhit.

MUNGSHIKHÜN 119:115

I kheaknü chamkhiang, nüsa amütsü rhimorübo, tümüde inü I Thrünpuh yukhüm zobah!

MUNGSHIKHÜN 139:19

O, nünü mihbukmuyuk laksahkhülaa, O Thrünpuh, junangde thiyih bukpü mihtsürübo I kheaknü achamachihbah.

MUNGSHIKHÜN 145:18

Atungpuh a api thiyuro ching jirü alala thüninde lah.

MUNGSHIKHÜN 3:4

Inü Atungpuh ki achangnü zhichoh, tüsho apinü api amüsüh wung kheaknü I ki alojihchoh.

MUNGSHIKHÜN 31:10

Mulong rozhakkhinü I khia lah, tüsho atripkhinü I rhangdung khihabahdo. Inü alakmihkhi hode I khia lah, tüsho I robo keahkhia lah.

MUNGSHIKHÜN 56:8

Nünü I küpkhuk mükheahlah; I chikebo nü keluh ching yukchoh; jurübo nü hüm ching müla de?

ISAIA 30:19

Atsütsü, O Zion ching mihtsürübo, Jirusalem ching larübo, nüsa kheaküa mütrip. Nüsanü azhikhi düsheak ching apinü tsükjide nüsa ki müthsümbah; küyimki apinü asoba, apinü nüsa ki alobah.

ISAIA 38:3

O Atungpuh , inü nü ki mushuchoh, künangde I mulong athrünkhinü thiyuro lade nü miki tsahkhea, tüsho nü miki atsü rhimokhi kheakü lümkhitang. Tüsho Hezekianü düsüknimde trip.

ISAIA 38:5

“ Yüang tüsho Hezekia ki thaang, Atungpuh , nüsa jipürü David Thrünpuhnü ha thachoh: Inü nü tamkhüntamnü sodo, inü nü chike ngüdo; inü nü rhangdung ching kam 15 yuklojihbah.

TÜZHOKHI 3:56

Inü mushukhi nünü sodo, “Arung thsungkheak inü azhikhi nü nükhün düyihdo!”

MATHI 25:41

“Judüki apinü huzulim larü ki thabah, ‘Nüsa arimri tüsho api yunirübo khilim thsakhamkhi akheam müla motru ching muthrumüneana bahrübo, I kinü tsoang:

MATHI 7:23

Judüki inü arü ki khipkhitbah, ‘Inü nüsa küyimkishe mükheah-a müla; I kinü tsoang, nüsa amütsü rhimorübo!’

LUKNÜ ATHRÜTKHI THIYUSHEAK-ATSÜ HUHTANYU 13:27

Tüshe apinü athabah, ‘Inü nüsa ki thachoh, nüsa küchingnüanü inü mümükheah. Nüsa amülim rhimorü alala I kinü tsoang.’

IBRI 5:7

Jisunü api rhangdung lachoki achangnü zhide tüsho chike bukde api khümkhitkhukpü labuh ki tamkhüntamnüde amushukhibo lakheah, tüsho apinü wüntre lade amushukhinü api ki sojih.