MUNGSHIKHÜN 6:2 - AMÜSÜH HÜM CL Bible (BSI)

² I ki amüthsüm laang, O Atungpuh , tümüde I sühmüh müla; O Atungpuh , I thsüngujang, tümüde I robo thsünü ching lah.

MUNGSHIKHÜN 6:2 Iomraidhean Croise

THRÜNTAN 20:17

Abrahamnü Thrünpuh ki tamkhüntamnü, tüsho Thrünpuhnü Abimelek, aniube le azhorü liberübo thsüngu, junangde arübo tsührü lalokhuk,

JOB HU H T ANYU 19:21

I ki muzhoang, I ki muzhoang, O nüsa I müyamrübo, tümüde Thrünpuh khahnü I qiudo!

JOB HU H T ANYU 5:18

Tümüde apinü yurijihchoh, tüshe apinü rümjihchoh; apinü shikchoh, tüshe api khahnü thsünguchoh.

MUNGSHIKHÜN 22:14

I a ke nangde dungkhita lah, I robo phülapa lah. I mulong ju thürip nangde niuthünaka lah;

MUNGSHIKHÜN 30:2

O Atungpuh , I Thrünpuh, arung thsungkheak inü nü ki zhi, tüsho nünü I thsüngu.

MUNGSHIKHÜN 31:10

Mulong rozhakkhinü I khia lah, tüsho atripkhinü I rhangdung khihabahdo. Inü alakmihkhi hode I khia lah, tüsho I robo keahkhia lah.

MUNGSHIKHÜN 32:3

Küyimki inü I neak müthakhitkheanü, nimung amuyung ashearakhinü I robo keahkhia lakheah.

MUNGSHIKHÜN 38:2

Tümüde nü hühzobonü I sükde chinkhitdo, tüsho nü khahnü I nimmülündo.

MUNGSHIKHÜN 38:3

Nü bukakhiukkhinü I shihphü mütsü, yungsho I neak hode I robo tsüde müla.

MUNGSHIKHÜN 38:7

I düthsün phülam takde thsülah; I shihphü atsü müla.

MUNGSHIKHÜN 51:8

I ki asühachih tüsho asühkhi soshang, junangde nünü ayihthünakkhi robo asühachihbah.

ABEKHIT 15:26

tüsho tha, “Nüsanü Atungpuh nüsa Thrünpuh yu anide api miki alungki rhimode api yukhümbo anide tüsho api yakzan alala zosho, inü Ijiprü kheak hande arükhi tukthsübo tümü she nüsa kheak müyükihshih. Tümüde I nüsa thsüngurü Atungpuh ah.”

JEREMIA 10:24

I thsülangang, O Atungpuh , tüshe thiyuro akekhi chingnü; nü bukakhiukkhi ching yung, jude yungsho nünü I akeangkeang kamshihbah.

JEREMIA 17:14

I thsüngujang, thsüngujang, O Atungpuh , tüsho I athsüngubah; I khümkhitang, tümüde nü a inü mungshipü lah.

HOSEA 6:1

Arang, isanü Atungpuh kilim rholoanü; tümüde apinü isa thonak, tüshe apinü isa thsüngubah; apinü isa yurijih, tüshe apinü isa mü rümjihbah.

WÜHKHE 12:13

Jumonü Mosanü Atungpuh ki zhide tha, “O Thrünpuh, alibe thsüngujang de inü nü ki mushuchoh.”

MATHI 4:24

Api dünkheak thiyusheak Siria alala ching soride yü, tüsho mihtsürübonü tukthsürü aphuaphu, thsünüthsüheanrü, amünean me yüzahkhi, zukleang-tukthsü tüsho thripshe-tukthsü larü api kilim bebah arü, tüsho apinü arübo thsüngujih.

YUZÜNGTHALO 32:39

Kheakü kheahang I, I lang, Thrünpuh ah, tüsho I hobah tümü thrünpuh müla; inü laksahchoh tüsho inü rhangdung lashihchoh; inü yurijihchoh tüsho inü ngushihchoh; tüsho I khah chingnü abekhitkhukpü thsüde sheshe müla.