MUNGSHIKHÜN 59:16 - AMÜSÜH HÜM CL Bible (BSI)

¹⁶ Tüshe inü nü sühmüh dünkheak khün thsübah; nü muzhodakkhi dünkheak inü yapsu achangnü khün thsübah. Tümüde nü I thsungkheak chipi tüsho I lümthsünü nimung ching I tsoyukpung ah.

MUNGSHIKHÜN 59:16 Iomraidhean Croise

2 SAMUEL 22:3

I Thrünpuh, I lungto, shepü kheak inü jikcho, I tsung tüsho I akhümkhit juh, I tsungdorü tüsho I tsoyukpung, I khümkhitbuh; nünü I thiyih bukpü chingnü khümkhit.

JOB HU H T ANYU 15:23

Apinü yikhap thsungkheak khiungke lim rümde thachoh, “Ju küching la”? Amiting nimung khah ki lah de apinü mükheahlah.

JOB HU H T ANYU 37:23

Wutobuh–isanü api müngükhuk; api a wu ching, mahkhapkhi ching khiukchimkhi thiyuro ching rünkhitlah. Apinü mujuno.

MUNGSHIKHÜN 101:1

Inü mihmüthsüm tüsho thiyuro khün thsübah; O Atungpuh , inü nü ki mungshi khünbo thsübah.

MUNGSHIKHÜN 106:8

Judüalalashe api mung chingnü apinü arü khümkhit, junangde apinü api wu ato mükheahshihpü lakheah.

MUNGSHIKHÜN 138:7

I küpkhuk bolung tsahtsah she, nünü I thsüphulojihbah; nünü I riribo bukakhiukkhi azhihde nü khah chungkihbah, tüsho nü khah tsülimnü I khümkhitbah.

MUNGSHIKHÜN 143:8

Yapsu nü muzho inü soshang, tümüde inü nü kheak kinchoh; I tsahpü limro I ki mükheahshang, tümüde inü nü ki I me shuhkihchoh.

MUNGSHIKHÜN 145:11

Arünü nü kiulongthsü müretah dünkheak asukbah; tüsho nü wu dünkheak thabah,

MUNGSHIKHÜN 21:13

O Atungpuh , nü sühmüh ching shuhkihang; isanü khün thsübah tüsho nü wu shijihbah.

MUNGSHIKHÜN 30:5

Tümüde api bukakhiukkhi anükhüh kheak lang lachoh, tüshe api tsüyihkhi rhangdung amuyung lachoh; atripkhi ju tsüngre khülang thsungkheak lapü kuklah, tüshe yapsu asühachihkhi arüchoh.

MUNGSHIKHÜN 31:7

Nü muzhodakkhi thsungkheak inü asühachihbah tüsho asühbah, tümütüsho nünü I thsünü ngü, nünü I me thsünükhi mükheah,

MUNGSHIKHÜN 36:5

O Atungpuh , nü muzhodakkhi yinmibo, nü thiyuro-lakhinü thüningbo khiunglah.

MUNGSHIKHÜN 4:1

Küyimki inü ajibanü I ki alojang, O I alim Thrünpuh! I lümthsünü ching lachoki nünü I shukheamjih; I ki amüthsüm laang, tüsho I tamkhüntamnü sojang.

MUNGSHIKHÜN 46:1

Thrünpuh ju isa tsoyukpung tüsho sühmüh, küpkhuk kim ching rungpü thsüde lah.

MUNGSHIKHÜN 5:3

O Atungpuh , yapsu nünü I düsheak sochoh; ani akhiukchoki inü tamkhüntamnüchoh tüsho nünü alojihpü aleangchoh.

MUNGSHIKHÜN 77:2

I küpkhuk nimung inü Atungpuh yim; azhing ching müdüchingde I khah chungkih; I menü mulong shukheampü thsunglo.

MUNGSHIKHÜN 86:13

Tümüde I kilim nü amüthsüm ju ato ah, tüsho Ashe-lomi asük chingnü nünü I me bekhit.

MUNGSHIKHÜN 88:13

Tüshe inü nü ki zhido, O Atungpuh , tüsho yapsu I tamkhüntamnü nü miki arüchoh.

MUNGSHIKHÜN 89:1

Inü lünnü Atungpuh mihmüthsümbo khün thsübah; nü thiyuro lakhi I münnü lünbo alala ki mükheahshihbah.

ABEKHIT 15:6

O Atungpuh , wu ching müretahkhi nü khah tsülimnü, O Atungpuh , nü khah tsülimnü thiriri adütre kamde yihthünak.

JEREMIA 30:7

Aha! ju nimung küde atrebe, ju ruk püpü müla; ha Jakob thsungkheak lümthsünü kim lah; tütüshe api ju chingnü abekhitbah.

ROMRÜ KILIM PAULNÜ ATHRÜTKHI KIHÜM HUHTANYU 15:9

tüsho junangde khiungkerünü api amüthsüm thsungkheak Thrünpuh müretahpü lakheah. Ha thrüta lah, “Jumonü inü khiungkerü bolung nü shijihbah, tüsho nü shide khün thsübah”;

2 KORINT 1:10

apinü ashepü akhito chingnü bekhit, tüsho isa bekhitchoh; isanü api kheak kinchoh junangde kheaküshe apinü isa bekhitchoh.

EFISIA 3:20

Kheakü shepü wunü isa pang ching rhimode isanü akeokhipü tüsho alümpü alala kheaknü alü thsüde arhimokhukpü lanü api kilim,

IBRI 5:7

Jisunü api rhangdung lachoki achangnü zhide tüsho chike bukde api khümkhitkhukpü labuh ki tamkhüntamnüde amushukhibo lakheah, tüsho apinü wüntre lade amushukhinü api ki sojih.

1 SAMUEL 17:37

Davidnü tha, “Atungpuh , shepünü kekhüzü tüsho kuto münjak chingnü I khümkhitkheanü apinü ha Filistiabuh khah chingnü I khümkhitbah.” Jumonü Saulnü David ki tha, “Yüang, tüsho Atungpuh nü lung lashang!”