MUNGSHIKHÜN 58:11 - AMÜSÜH HÜM CL Bible (BSI)

¹¹ Mihtsürübonü athabah, “Tsükjide thiyuro-lungkirü thsungkheak thsambah khülang lah; tsükjide alomi ching mahkhaprü Thrünpuh khülang lah.”

MUNGSHIKHÜN 58:11 Iomraidhean Croise

MUNGSHIKHÜN 107:42

Thiyuro-lungkirünü ju ngübah asühachihchoh, tüshe mihbukmuyuk alala arü münbo yihdochoh.

MUNGSHIKHÜN 18:20

I thiyuro-lungki yande Atungpuhnü I kilim thsambah jih; I khahbo müsühkhi yande apinü I müngühjih.

MUNGSHIKHÜN 33:18

Kheahang, Atungpuh mük ju api trerü, api muzhodakkhi ching mulonglamrü kheak lah,

MUNGSHIKHÜN 52:8

Tüshe I a Thrünpuh yam ching oliv sangdung phüyak nangde lah; inü Thrünpuh mihmüthsüm ching lünnü lün kinchoh.

MUNGSHIKHÜN 64:9

Mihtsürü alalanü atrebah, tüsho Thrünpuh rhimo khipkhitbah; tümüde arünü api rhimo lümlung lade lümakheahbah.

MUNGSHIKHÜN 67:4

Trükshihbo asühshang tüsho asühachihde khün thsüshang, tümüde nünü thiyuro-lungkinü mihtsürü mahkhapchoh tüsho alomi trükshihbo bechoh.

MUNGSHIKHÜN 68:24

I Thrünpuh, I kiulongthsüpuh arüngakopung ching dungde ayüzahkhi arünü ngüdo, O Thrünpuh.

MUNGSHIKHÜN 9:16

Atungpuhnü aküdah thsüde mükheahshih, apinü mahkhapdo; mihbukmuyukbo arü khahnü athsükhi qimürip ching phuh-a lah.

MUNGSHIKHÜN 9:8

Apinü thiyuro-lungki ching alomiküp mahkhapbah; apinü thiyuronü mihtsürübo yakzan shuhbah.

MUNGSHIKHÜN 92:15

Atungpuh ju alungki de akhipkhitpü labah; api I lungto, tüsho api kheak thiyuro-mülungkikhi tümü müla.

MUNGSHIKHÜN 94:2

Asürang, O alomi mahkhapang; kükheangküyangrü thsümüchiang.

MUNGSHIKHÜN 96:13

Tümüde api arüchoh, tümüde api alomi mahkhappü arüchoh. Apinü alomiküp thiyuro-lungkinü, tüsho mihtsürü api thiyuronü mahkhapbah.

MUNGSHIKHÜN 98:9

tümüde api alomi mahkhappü arüchoh. Hiyuro-lungkinü apinü alomiküp, tüsho alungkinü mihtsürübo mahkhapbah.

ISAIA 3:10

Thiyuro larü ki arü kuhi lakhi thaang, tümüde arünü arü rhimokhi sangaso tsühbah.

MALAKI 2:17

Nüsanü nüsa yubonü A TU N GPU H khishihdo. Tütüshe nüsanü, “ Küde thsah isanü api khishihkhi? Isanü amütsü rhimokhi alala Atungpuh miki atsü lah, tüsho apinü jurü ching asühchoh. Yungsho thiyuro Thrünpuh küching la?” de thachoh.

MALAKI 3:14

Nüsanü thado, “Thrünpuh tankihpü akeangkeang ah. Api yukhüm zokhinü yungsho Wuto Atungpuh müngüh mitriprü nangde ayükhinü isa tümü alü thsücho?

ROMRÜ KILIM PAULNÜ ATHRÜTKHI KIHÜM HUHTANYU 2:5

Tüshe nü nihnihkhi tüsho nü mulong müküpkhinü Thrünpuh bukakhiukkhi, api thiyuro-lungki mahkhap amikheak akhiuk nimung thsungkheak nü azhihde bukakhiukkhi zomukhungchoh.