MUNGSHIKHÜN 57:5 - AMÜSÜH HÜM CL Bible (BSI)

⁵ O Thrünpuh, yinmibo kumung shuhkihang; nü müretahkhi alomi alala kumung lashang.

MUNGSHIKHÜN 57:5 Iomraidhean Croise

1 KIUTHSÜYUKHEAN 29:1

Kiulongthsüpuh Davidnü amukhungrü alala ki tha, “Thrünpuhnü amokhitkhi I tsührü Solomon athunu tüsho müyeanlamyi, tüshe rhimo tolah; tümüde arüngyam ha mihtsürü thsungkheak yung tüshe Atungpuh Thrünpuh thsungkheak ah.

MUNGSHIKHÜN 148:13

Arünü Atungpuh mung shishang, api müretah ju alomi tüsho thüning kumung lah.

MUNGSHIKHÜN 21:13

O Atungpuh , nü sühmüh ching shuhkihang; isanü khün thsübah tüsho nü wu shijihbah.

MUNGSHIKHÜN 57:11

O Thrünpuh, yinmibo kumung shuhkihang. Nü müretahkhi alomi alala kurungkheak lashang.

MUNGSHIKHÜN 59:8

Tüshe O Atungpuh , nünü arü ki münejihchoh; nünü trükshih alala luhmünechoh.

MUNGSHIKHÜN 64:4

amülim mülarü kheak thüram chingnü kipchoh, zukleangnü tüsho mütrede api kheak kipchoh.

MUNGSHIKHÜN 72:19

Api müretahkhi mung lünnü shiang, tüsho alomi athrünkhi api müretahnü mishang. Amen tüsho Amen.

MUNGSHIKHÜN 8:1

O Atungpuh , isa Tungpuh, alomi alala ching küdükhüh nü mung thudakkhi la! Yinmibo kumung nünü nü müretah zo!

MÜCHITMUDU 12:18

Khürünü nukshang chinkhitkhibo nangde asukchoh, tüshe lümlung larü mulonü shihphü tsüshihchoh.

MÜCHITMUDU 30:14

Mihtsürü khürü arü hü nukshangbo nangde, arü shihtsüh hü mükjibo nangde, alomi chingnü zhochihrü tüsho mihtsürü bolungnü mükheakmürakrü muyuabahpü lah.

ISAIA 12:4

Tüsho nünü ju nimung thabah: Atungpuh kilim makshe jihang. Api mung ching jiang; trükshih bolung api rhimobo mükheahshang; api mung shuhkihdo de zhiyukjang.

ISAIA 2:11

Mük müzhingrü mihtsürü thokheambah, tüsho kükheangküyangrü aban aninibe kamshihbah; tüsho ju nimung ching Atungpuh lang ashuhkihbah.

ISAIA 2:17

Changdealümrü mihtsürü aninibe kamshihbah, tüsho mihbüm aban kükheangkhi thokheambah; tüsho ju nimung Atungpuh lang ashuhkihbah.

ISAIA 37:20

Jumonü kheakü, O Atungpuh isa Thrünpuh, api khah chingnü isa khümkhitang, junangde alomi kiulongthsübo alalanü nü lang Thrünpuh ah de amükheahbah.”

ISAIA 6:3

Tüsho khülangnü püpürü ki ji tüsho tha: “Amüsüh, amüsüh, amüsüh ju Wuto Atungpuh ; alomi lüpdükhi api müretahkhinü milah.”

HABAKKUK 2:14

Tüshe kebonü keto zhidokhi nangde, Atungpuh müretahkhi mükheahmudunü alomi mibah.

HABAKKUK 3:3

Teman chingnü Thrünpuh, Amüsühbuh Khülang Paran müzüng chingnü arü. Api müretahkhinü thüningbo muhiudo tüsho api shikhinü alomi mide lakheah.

WÜHKHE 14:21

tüshe tsükjide I lale, alomi athrünkhi I müretahkhinü amibah–