MUNGSHIKHÜN 57:4 - AMÜSÜH HÜM CL Bible (BSI)

⁴ I a mihtsürü tsühbe kekhüzübo nangde alakhi thiriribonü sündobah lah; arü hübo thsüh tüsho hühzobo ah tüsho arü mulo ju azüpzüp nukshang ah.

MUNGSHIKHÜN 57:4 Iomraidhean Croise

JOB HU H T ANYU 41:14

Shenü amünjak khimshuhkhukba? Mükamde ahü atrebe kihlah.

MUNGSHIKHÜN 10:9

Kekhüzü ayam ching nangde apinü zhochihrü tholopü jika aleangde binchoh; apinü arü keang ching wuka lubah tsochoh.

MUNGSHIKHÜN 35:17

O Atungpuh , külokhüh nünü akheahba? Arünü ayankhi chingnü I khümkhitang; kekhüzübo chingnü I rhangdung khümkhitang.

MUNGSHIKHÜN 43:3

Nü yo ayin tüsho thiyuro arübah I beshang; arünü I nü amüsüh wung tüsho arüngyam lim bede yüshang.

MUNGSHIKHÜN 52:2

Nü mulonü athsümünim asahchoh, kuyüliuh ayuk nangde mülapyukde rhimochoh.

MUNGSHIKHÜN 55:21

Api mün ching thiyubo ju shihkingkung kheaknü athünakbe, tüshe api mulong ching thirithsü lakheah; api yubo ju müdangke kheaknü athünakbe tütüshe jurübo ayuk nukshangbo lakheah.

MUNGSHIKHÜN 58:6

O Thrünpuh, arü mün ching hübo yihshakjang; kekhüzü nunu hülangpübo thokhitjang, O Atungpuh !

MUNGSHIKHÜN 59:7

Atsütsü, arü mün chingnü amapkhitchoh; arü münküp ching nukshangbo lah; tümüde arünü thachoh, “Shenü sola?”

MUNGSHIKHÜN 64:3

sherünü nukshang nangde arü mulo zücho, tüsho hühzobo nangde arü akhüh yubo amucho,

MÜCHITMUDU 12:18

Khürünü nukshang chinkhitkhibo nangde asukchoh, tüshe lümlung larü mulonü shihphü tsüshihchoh.

MÜCHITMUDU 25:18

Mihtsürü shepünü nihbuh yamhingrü azhihde thiyumütsan thsüchonü shitso, nukshang, tüsho hühzo nangde lah.

MÜCHITMUDU 28:15

Mihbukmuyuknü zhochihrü kurungkheak yakzan shuhkhi ju arungkhi kekhüzü yungsho kuto amürük nangde lah.

MÜCHITMUDU 30:14

Mihtsürü khürü arü hü nukshangbo nangde, arü shihtsüh hü mükjibo nangde, alomi chingnü zhochihrü tüsho mihtsürü bolungnü mükheakmürakrü muyuabahpü lah.

JAKOB 3:6

Tüsho mulo ju mo ah. Ha isa pang shihcham bolung amütsü lomi, pang athrünkhi thsümünimjihde, thsümüchi chingnü arükhi mo kheak rhangdung athrünkhi yihkih-a takchoh.

AMIKHEAKAKHIUKKHI 19:15

Amün chingnü trükshihbo kiumülünpü nukshang ayuk khülang akhiukshihchoh, tüsho yinchi tsonü apinü arü yakzan shuhbah; apinü Wuto Thrünpuh bukakhiukkhi kurungaso nitpung ching nitchoh.

MAHKHAPRÜ 9:20

tüshe jude yungsho, Abimelek kheaknü mo akhiukshang tüsho Shekem le Bethmillo mihtsürübo aniuabahshang; tüsho Shekem le Beth-millo mihtsürü kheaknü mo akhiukshang tüsho Abimelek aniuabahshang.”