MUNGSHIKHÜN 55:20 - AMÜSÜH HÜM CL Bible (BSI)

²⁰ Api ki mungtsü larü azhihde api khah chungkih; apinü nihbuh tangzüng thsümünim.

MUNGSHIKHÜN 55:20 Iomraidhean Croise

2 SAMUEL 18:12

Tüshe mihtsürü junü Joab ki tha, “I khah ching shotoyinchi khahngak 1000 jihjih she, kiulongthsüpuh tsührü kheak inü I khah muchung; tümüde isanü sode Abishai tüsho Ittai ki kiulongthsüpuhnü thiyukhüm jihde tha: I thsülimnü athrününgtsüngbuh Absalom khümkhitang!

2 SAMUEL 2:4

Judüki Juda mihtsürübo arü tüsho arünü Juda kurungkheak kiulongthsürü thsüshihpü David mujude-mokhit. Tüsho arünü David ki tha, “Jabesh-gilead mihtsürünü Saul kiuyuka bahkheah.”

2 SAMUEL 5:3

Jumonü Israel azothsürü alala Hebron ching kiulongthsüpuh ki arü; tüsho kiulongthsüpuh Davidnü Hebron ching Atungpuh miki arü kheak tangzüng khülang thsü, tüsho arünü Israel kurungkheak kiulongthsüshihpü David mujude-mokhit.

2 KIULONG THSÜRÜ 17:34

Khihni khiungde arünü adüso jipü-yaklibo rhimochoh. Arünü Atungpuh mükingaün tüsho Atungpuhnü Israel de ajikhi Jakob tsührübo kilim thiyukhüm jihkhi yukhüm yungsho yuzüng yungsho yakzan yungsho thiyukhümbo müyan.

MUNGSHIKHÜN 109:5

Hanangde arünü I kilim atsü müthri amütsü, tüsho amuzho müthri athranean jihlodo.

MUNGSHIKHÜN 6:10

I riri alala achih ngübah tüsho tode küpkhukbah; arü zukleangnü achih ngüa rholode atsobah.

MUNGSHIKHÜN 7:4

inü I müyambuh kheak amütsü rhimoa lasho yungsho amütsan mülade I riri yankhia lua lasho,

MUNGSHIKHÜN 89:28

Inü I mihmüthsüm lünnü api thsungkheak zojihbah, tüsho I tangzüng api kheak düküngde alabah.

MUNGSHIKHÜN 89:34

Inü I tangzüng müthsümünim, yungsho I mün chingnü wukhiukkhi yu mümüthri.

MUNGSHIKHÜN 89:38

Tüshe nünü bahyukdo tüsho thraneando, nünü mujude-mokhitkhi kheak nü bukakhiukdo.

MUNGSHIKHÜN 93:2

Nü kiulongthsü-binkiu adüsonü thsüa lah; nü a akheam mülade lah.

T H S AN GYU T H S AN GR ARÜ 8:2

Thrünpuh ki thiyuchihchimkhi hode kiulongthsüpuh yukhüm rhimoang.

JEREMIA 5:3

O Atungpuh , nü müknü thiyuro mükheahcho de? Nünü arü shik, tüshe arünü thsünükhi mümütsan; nünü arü muyuabah, tüshe arünü thsülangkhi lupü reanglo. Arünü arü miro lung kheaknü amürangbe kamshih; arünü arholopü thsunglo.

YUNIRÜBO RHIMO 12:1

Ju kim ching Herod kiulongthsüpuhnü borü ching kheyukrü khürü thsümüchipü tankih.

1 SAMUEL 22:17

Kiulongthsüpuhnü api mükamde azhiprü aheangrü ki tha, “Rholoang tüsho Atungpuh amükeamrübo laksahang, tümütüsho arübo she David kilim tsanglah; arünü api tsokhi mükheahlah, tüsho I ki thaa muhuh.” Tüshe kiulongthsüpuh yamlarübonü Atungpuh amükeamrübo laksahpü arü khah mushuhkih.

1 SAMUEL 24:10

Künangde Atungpuhnü lungkhün ching nü I khah ching jihkheanü ha nimungnü nü müknü ngüdo; tüsho khürünü nü laksahpü I ki athsung, tüshe inü nü khümkhit. Inü tha, ‘I tungpuh azhihde I khah mushuhkih; tümüde api Atungpuhnü mujude-mokhitkhi lah.’