MUNGSHIKHÜN 55:19 - AMÜSÜH HÜM CL Bible (BSI)

¹⁹ Thrünpuhnü asobah, tüsho arü thsümüchibah, api adüsonü lah. Tümütüsho arünü mümüthri, jumonü arünü Thrünpuh mütre.

MUNGSHIKHÜN 55:19 Iomraidhean Croise

MUNGSHIKHÜN 143:12

Nü amüthsüm ching I riribo dükheakshang, tüsho I azhihrü alala thsümünimshang; tümüde I nü yamlarü ah.

MUNGSHIKHÜN 65:5

Thiyuro-lungki ching atrebe rhimokhinü nünü isa ki alobah, O isa akhümkhit Thrünpuh, alomi alala tüsho ketobo akheamnü nü kheak mulonglamchoh;

MUNGSHIKHÜN 78:59

Küyimki Thrünpuhnü ha sokhea, api mulong zhipzhipde kam, tüsho Israel khide thraneanabah,

MÜCHITMUDU 1:32

Arükari mümükheahrü mihtsürü ju arünü lümlung bahyukkhi hode shechoh, tüsho makharü reangkeamkhinü arü dükheakbah;

T H S AN GYU T H S AN GR ARÜ 8:11

Tümütüsho amütsü-rhimo azhihde nahde müthsümüchimonü, mihtsürü mulong ju amütsü rhimopünü milah.

ISAIA 36:20

Atungpuhnü I khah chingnü Jirusalem bekhitpü thsüde, harü lomi thrünpuhbo alala bolung ching shenü arü lomi I khah chingnü khümkhit de?’ ”

JEREMIA 48:11

Moab a api athunuchokinü zuzu lakheah, yukhu nangde azhihzhih kingmukhungdo; api a phüh khülang chingnü khülang mudungakeang, yungsho api a ramtso ching müyü; jumonü api kekhi judü lang lah tüsho api rhümthüneakhi mümüthri.

MIKA 5:2

Tüshe nü, O Bethlehem Ephratha shepü Juda gukbo ching aninibe la, nü kheaknü I thsungkheak Israel ching yakzan shuhpü arübah, shepü ying awün chingnü, jipü nimungbo chingnü la.

ZEPHANIA 1:12

Ju kim ching inü tsünpungbo shuhbah Jirusalem yimbah, tüsho nihbuh kheak reangkeamrü tüsho mulongramrü mihtsürü thsümüchibah, sherünü arü mulong ching thacho, “Atungpuhnü atsü yungsho amütsü she mürhimo.”

YUZÜNGTHALO 33:27

Akheam mülakhi Thrünpuh ju nü lapung lah, tüsho abukkhüp lakhi ju akheam mülakhi khahbo ah. Tüsho apinü thiriri nüsa müngühnü yana tsoshihchoh, tüsho tha, ‘Dükheang.’

KOLOSI 1:17

Alala müngühnü api lah, tüsho alala api kheak zamrulah.