MUNGSHIKHÜN 53:6 - AMÜSÜH HÜM CL Bible (BSI)

⁶ O, Zion chingnü Israel akhümkhit akhiukkhülaa! Küyimki Thrünpuhnü api mihtsürü aramrübo belode arübanü, Jakob asühachihshang tüsho Israel asühshang.

MUNGSHIKHÜN 53:6 Iomraidhean Croise

EZRA 3:11

Arünü aloachihde Atungpuh mung shikhi khün thsü: “Atungpuh tsülah, tüsho api mihmüthsüm Israel thsungkheaknü akheamarün müla.” Mihbüm abannü nihbe düsheak achangnü zhide Atungpuh mung shi, tümüde arüngyam khimtan ju tankih.

NEHEMIA 12:43

Ju nimung kingaün ahihkhüh jihde, tüsho mihtsürübo asühkhinü mi tümüde Thrünpuhnü arübo khide asühpü jih. Aliberü tüsho azürübo müsükhitkhi münchi ching be, tüsho arü alalanü alankhi ju limshu chingnü she so.

JOB HU H T ANYU 42:10

Tüsho Jobnü api müyamrübo thsungkheak tamkhüntamnüchoki Atungpuhnü Job müngühmühi jihlo; tüsho Atungpuhnü Job kilim püpüki lakhi mahne dün jih.

MUNGSHIKHÜN 14:7

O, Israel akhümkhit Zion chingnü arükhülaa! Küyimki Atungpuhnü api mihtsürü aramrü belode arübanü, Jakob asühachihbah tüsho Israel asühbah.

MUNGSHIKHÜN 50:2

Thülünde akhamkhi Zion chingnü, Thrünpuhnü tah-a arüshihchoh.

MUNGSHIKHÜN 85:1

Atungpuh , nünü nü lomi muzhode lado; nünü Jakob aramrü belode arüdo.

MÜCHITMUDU 28:1

Mihbukmuyuk a shenü mümüshamde tsochoh, tüshe thiyuro-lungkirü a kekhüzü nangde mulong tolah.

ISAIA 12:6

Achangnü zhiang tüsho asühpü khün thsang, O Zion ching larübo, tümüde nüsa bolung ato ju Israel yo Amüsühbuh Khülang lah.

ISAIA 14:32

Trükshih yunithsürü ki shenü tümü aloba? Atungpuhnü Zion thsükhitdo, tüsho api mihtsürü bolung küpkhukrü ju ching tsoyukbah.

JEREMIA 30:18

Atungpuhnü ha thachoh: Inü Jakob khimyam kuhibo jihlopü thsüchoh, tüsho api lapung kheak mihmuzho labah; kiuto ju amujuk kheak thsülobah, tüsho alungki dangpung kheak kiulongthsürü-yam thsübah.

JEREMIA 31:23

Wuto Atungpuh , Israel Thrünpuhnü ha thachoh: Khülang ki arünü inü arü kilim kuhi jihlokhi, Juda lomi tüsho kiutobo ching harü yubo ahoribah: “Atungpuhnü nü müngühjang, O thiyuro lapung, O amüsüh wung!”

JOEL 3:1

Tümüde, ju nimungbo tüsho ju kim ching, küyimki inü Juda tüsho Jirusalem kuhi jihlobanü,

LEVI 26:17

Inü I miro nüsa azhihde akheahbah, tüsho nüsa riribonü nüsa laksahbah, nüsa thraneanrünü nüsa kumung yakzan shuhbah, tüsho nüsa müshamrü mülalashe nüsa alihde atsobah.

LEVI 26:36

Nüsa sherübo rhangdung lanü nüsa riri lo ching inü nüsa mulong ching trede akamshihbah; sangyü keamkhikhi düsheaknü nüsa tsoshihbah, tüsho nüsabo nukshang müngüh tsokhi nangde atsoshihbah, tüsho nüsabo shenü müyande angaka yapbah.

AMOS 9:14

Inü I mihtsürü Israel kuhi jihlobah, tüsho arünü athsümünim kiutobo thsülobah tüsho jurü ching labah; arünü kurungasobo yangbah tüsho jurü yukhu yungbah, tüsho arünü awündobo thsübah tüsho sangaso tsühbah.