MUNGSHIKHÜN 51:6 - AMÜSÜH HÜM CL Bible (BSI)

⁶ Kheahang, nünü alunglim thiyuro lunechoh, tüsho jika lakhi ching nünü I ki lümlung mükheahshihbah.

MUNGSHIKHÜN 51:6 Iomraidhean Croise

2 SAMUEL 12:13

Davidnü Nathan ki tha, “Inü Atungpuh azhihde neak yihbeakdo.” Nathannü David ki tha, “Kheakü Atungpuhnü nü neak bahjihdo; nü müshe.

2 KIULONG THSÜRÜ 20:3

“O Atungpuh , inü nü ki zhoshechoh, inü thiyuronü nü miki mulong shuhmülanga jihde atsahkhi tüsho alungki rhimokhi kheakü lümkhitjang.” Hezekianü düsüknimde trip.

1 KIUTHSÜYUKHEAN 29:17

I Thrünpuh, nünü mulong yimchoh tüsho thiyuro lungki ching reangkeamchoh de inü mükheahlah; I mulong alungki chingnü inü ha kukrukbo alala akeangnü jihdo, tüsho kheakü nü mihtsürübonü ha ching nü kilim akeangnü tüsho asühde ajihkhi inü ngüdo.

JOB HU H T ANYU 32:8

Tüshe mihtsürü kheak me khülang lah, tüsho Wutobuh sheaknü anikhitpü api kilim jihchoh.

JOB HU H T ANYU 38:36

Shepünü alunglim lümlung yukjihkhea, yungsho lüm ching anikhitkhi jihkhea?

MUNGSHIKHÜN 125:4

O Atungpuh , sherübo tsüla tüsho mulongbo alungki lanü arü ki atsü rhimoang.

MUNGSHIKHÜN 15:2

Shepü lungkide tsahcho, tüsho thiyuro-lungki rhimocho, tüsho api mulong chingnü thiyuro asukcho;

MUNGSHIKHÜN 26:2

O Atungpuh , I mütsanmükhiang tüsho mahkhapang; I mulong tüsho I lümkhi rükakheahang.

MUNGSHIKHÜN 32:5

Judüki inü nü ki I neak kheang; inü amülim rhimokhibo müram. Inü jurü nü ki thakhitpü pungkhi, tüsho nünü I neak alala bahjih.

MUNGSHIKHÜN 41:5

I riribonü I yuripü lümde thachoh, “Api küyimki sheba, tüsho amung dükheakba?”

MUNGSHIKHÜN 5:9

Tümüde arü mün ching thiyuro müla; arü mulong athsümünimnü milah; arü thrukeang ju khimshuh-a lakhi kiuyuk ah; arü mulonü mülapmüjichoh.

MÜCHITMUDU 2:21

Tümüde alungkirü ju lomi ching labah, tüsho thiyuro larü ju ching aninga labah;

MÜCHITMUDU 2:6

Tümüde Atungpuhnü lümlung jihchoh; api mün chingnü mükheahmudu tüsho anikhitkhi arüchoh;

JEREMIA 12:1

O Atungpuh küyimki inü nü azhihde athabanü nü alim labah; tüshe thiyuro dünkheak inü nü ki keokhianü: Tümüde amütsürü limro müngühmühicho? Tümüde mihyu manirübo tsüshihcho?

JEREMIA 31:33

Tüshe ju nimungbo dunglim inü Israel yamkhün ki tangzüngpü ju ha, Atungpuhnü thachoh: Inü arü kheak I yakzan yukbah, tüsho inü ju arü mulong kheak thrütbah; tüsho I arü Thrünpuh thsübah, tüsho arübo I mihtsürü thsübah.

JEREMIA 32:40

Inü arü ki küyimkishe atsü rhimokhi mutuklopü akheam müla tangzüng khülang thsübah; tüsho arü mulong ching I trepü inü ayukjihbah, junangde arübo I kheaknü müchamachih.

JEREMIA 5:3

O Atungpuh , nü müknü thiyuro mükheahcho de? Nünü arü shik, tüshe arünü thsünükhi mümütsan; nünü arü muyuabah, tüshe arünü thsülangkhi lupü reanglo. Arünü arü miro lung kheaknü amürangbe kamshih; arünü arholopü thsunglo.

LUKNÜ ATHRÜTKHI THIYUSHEAK-ATSÜ HUHTANYU 11:39

Tüsho Atungpuhnü api ki tha, “Kheakü nüsa Pharisirünü pung tüsho phuru aleanglim müsühchoh, tüshe nüsa alunglim a yihnelune tüsho mihbukmuyuknü milah.

ROMRÜ KILIM PAULNÜ ATHRÜTKHI KIHÜM HUHTANYU 7:22

Tümüde I pang alung chingnü Thrünpuh yakzan kheak inü asühchoh,

2 KORINT 1:12

Tümüde isa kükheangkhi ju ha: isanü alomi ching tüsho nüsa miki, amüsühkhinü tüsho kinde kurhangkhinü, alomi lümlungnü yung tüshe Thrünpuh amüthsüm hode yakli huhdo de isa lümkhinü thiyumütsan lah.

JAKOB 4:8

Thrünpuh thüninang tüsho apinü nü thüninbah. Aneakrübo, nüsa khahbo tüsho mulongbo müsühang, nüsa lümtrüp mihtsürübo.

1 PETER 3:4

tüshe müdükheakbe mürelung azhihayih bede rama lakhi mihtsürü mulong tüsho Thrünpuh miki shoto, zhikde alakhi me lashang.

1 SAMUEL 16:7

Tüshe Atungpuhnü Samuel ki tha, “ Api jak-ku yungsho trungdung dükheah, tümütüsho inü api bahyukdo, tümüde mihtsürünü akheahkhi nangde Atungpuhnü mükheah; mihtsürünü aleanglim kheahchoh, tüshe Atungpuhnü mulong kheahchoh.”