MUNGSHIKHÜN 51:4 - AMÜSÜH HÜM CL Bible (BSI)

⁴ Nü azhihdü lang inü neak yihbeakdo, tüsho nü miki tümü amütsüanü rhimodo. Junangde nünü asukchoki nü alim ngübah; tüsho nünü mahkhapchoki amudopü müla.

MUNGSHIKHÜN 51:4 Iomraidhean Croise

THRÜNTAN 20:6

Thrünpuhnü milim ching api ki tha, “Am, nü lümkhi müsühde arhimokheah de inü amükheahmonü, I azhihde inü nü neak müyihbeakshih. Jumonü inü nünü alibe müqiushih.

THRÜNTAN 38:7

Tüshe Juda tsührü adüjibuh Er ju Atungpuh miki mihbukmuyuk lakheah, tüsho Atungpuhnü api sheshih.

THRÜNTAN 39:9

Ha yam ching I hobah sheshe ato müla; yungsho I kheaknü tümü she tukloa muzo tüshe nü lang ah, tümütüsho nü api niube ah. Dale küde thsah inü ha amütsü ato rhimopü, tüsho Thrünpuh azhihde neak yihbeakpü?”

THRÜNTAN 9:6

Shepünü mihtsürü thiyih bukbanü, mihtsürünü api thiyih bukshihbah; tümüde Thrünpuh kiphahkhi ching mihtsürü ju thrün.

2 KIULONG THSÜRÜ 17:17

Arünü arü tsührü athrürü tüsho aliberübo monü taka kingaün; arünü akhasherü tüsho kuhikheahrü keode la; tüsho arünü Atungpuh miki amütsü rhimode nihbuh zangrü yinde api bukakhiukshih.

2 KIULONG THSÜRÜ 21:6

Apinü atsührü monü taka kingaün, apinü müchityu tha tüsho lümrük thsü, tüsho akhasherü le thümürü ki keokhi. Apinü Atungpuh miki amütsü khide rhimode api bukakhiukshih.

MUNGSHIKHÜN 50:4

Apinü api mihtsürü mahkhappü thsüde akulim yinmibo tüsho alomi jichoh:

MUNGSHIKHÜN 50:6

Yinmibonü api thiyuro-lungki khipkhitchoh, tümüde Thrünpuh ju mahkhaprü ah.

ISAIA 43:25

I, I api shepünü I mung chingnü nünü alakmihkhibo nankhita bahjih, tüsho inü nü neakbo mülümkhit.

LEVI 5:19

Ha Atungpuh azhihde apinü neak yihbeakkhi dünkheak ashaklo kingaün ah.

LUKNÜ ATHRÜTKHI THIYUSHEAK-ATSÜ HUHTANYU 15:21

Tüsho atsührünü api ki tha, ‘Abuh, inü yinmi azhihde tüsho nü miki neak yihbeakdo, tüsho I kheaküa nü tsührü de ajipü müthülün.’

LUKNÜ ATHRÜTKHI THIYUSHEAK-ATSÜ HUHTANYU 7:29

Küyimki arünü ha sokhea, mihtsürü alala tüsho ruk-threrübonü Thrünpuh alim mütsana lu, tümütüsho arübo ju Johannü baptijihkheah;

YUNIRÜBO RHIMO 17:31

tümütüsho apinü amokhitkhi mihtsürünü thiyuro-lungkinü alomiküp mahkhappü nimung khülang akhukhitdo, tüsho ha apinü ashe chingnü arhang kamloshihkhi hode mihtsürü alala kilim adüngakhi jihdo.”

ROMRÜ KILIM PAULNÜ ATHRÜTKHI KIHÜM HUHTANYU 2:5

Tüshe nü nihnihkhi tüsho nü mulong müküpkhinü Thrünpuh bukakhiukkhi, api thiyuro-lungki mahkhap amikheak akhiuk nimung thsungkheak nü azhihde bukakhiukkhi zomukhungchoh.

ROMRÜ KILIM PAULNÜ ATHRÜTKHI KIHÜM HUHTANYU 3:4

Jude yung! Ha thrüta lakhi nangde mihtsürü aban arükchih lalashe Thrünpuh a thiyuro lashang, “Nünü athachoki nü alim huhbah tüsho nü mahkhapchoki akuk ngübah.”

JAKOB 2:11

Tümütüsho khürünü, “Müzammüram düyihbeak,” kheaküshe, “Dülaksah,” de tha. Nünü müzammüram müyihbeak tüshe laksahsho, nü ju yakzan thsümünimrü kamdo.

JAKOB 2:9

Tüshe nüsanü jakkheahkhi huhsho, nüsanü neak yihbeakchoh, tüsho athsümünimrü ah de yakzannü mütsanchoh.

AMIKHEAKAKHIUKKHI 16:5

Tüsho ke yunirünü thade inü so, nü a harü mahkhapkhibo ching thiyuro lah, nü shepü la tüsho shepü alakhea, Amüsühbuh Khülang;

AMIKHEAKAKHIUKKHI 19:11

Judüki inü yinmi khimshuh-a ngü, tüsho khora amüye khülang lakheah! Shepü ju kheak binkheanü Akin-larü tüsho Thiyuro de ji, tüsho thiyuro-lungki ching apinü mahkhapchoh tüsho thirithsüchoh.