MUNGSHIKHÜN 51:11 - AMÜSÜH HÜM CL Bible (BSI)

¹¹ Nü mikinü I yana dütsoshih, tüsho I kheaknü me amüsüh lude dütsojih.

MUNGSHIKHÜN 51:11 Iomraidhean Croise

THRÜNTAN 4:14

Atsütsü khihni nünü alomi chingnü I yana bahdo; I nü kheaknü jikde alabah; I a alomi ching lapung mülade tsotsahrümtsahrü khülang thsübah, tüsho shepünü I ngübanü I laksahbah.”

THRÜNTAN 6:3

Tüsho Atungpuhnü tha, “Inü mihtsürü lünnü alapü mümülüjih, tümüde api shih ah; api kam 120 labah.”

2 SAMUEL 7:15

Tüshe nü mikinü luakhinkhi Saul kheaknü chamachihkhi nangde I amuzho api kheaknü müchamachih.

2 KIULONG THSÜRÜ 13:23

Tüshe Atungpuhnü arü ki müthsüm tüsho muzho; Abraham, Isak tüsho Jakob thsülimnü apinü arü kilim rholo, tüsho arü müdükheakshih; yungsho api mikinü khihni khiungde arü yana mübah.

2 KIULONG THSÜRÜ 23:27

Atungpuhnü tha, “Inü Israel yihkhita bahkhi nangde, I mikinü Juda she yihkhita bahbah; tüsho inü amokhitkhi ha Jirusalem kiuto tüsho I mung ju ching labah de inü athakhi yam inü abahyukbah.”

2 KIULONG THSÜRÜ 24:20

Dükde, Jirusalem tüsho Juda kheak Atungpuhnü khide bukakhiuk, junangde apinü arübo amikinü yana tsoshih. Jushu Zedekianü Babilon kiulongthsüpuh kheak azhihde wusu.

MUNGSHIKHÜN 43:2

Tümüde nü a I sühmüh Thrünpuh ah; tümüde nünü I bahyukkhea? Tümüde I ririnü junode I tüzhopü?

MUNGSHIKHÜN 71:18

Kheaküshe I küyimki ashinbuhrü tüsho kubuyukba, inü ha arüpü lakhi lün mihbüm aban ki nü wu tüsho sühmüh müthayikia, O Thrünpuh, I dübahyuk.

MUNGSHIKHÜN 71:9

I ashinkhi kim ching I yana dübah; I sühmüh mülade akamchoki I dübahyuk.

JEREMIA 7:15

Tüsho inü nüsa keoniorü yankhitkhi nangde Ephraim münü alala, nüsa I mikinü yankhita bahbah.

LUKNÜ ATHRÜTKHI THIYUSHEAK-ATSÜ HUHTANYU 11:13

Junangde nüsa amütsü thsüa lalashe, nüsa tsührübo kilim atsü jihpü mükheahsho, nüsa Abuhnü api ki kheangrü kilim Amüsüh Me küdükhüh she ajihba!”

JOHAN 14:26

Tüshe I mung chingnü I Buhnü athiyipü lakhi arungrü, Amüsüh Menü nüsa ki alala thsangyubah, tüsho inü nüsa ki thakhi alala lümkhitshihbah.

ROMRÜ KILIM PAULNÜ ATHRÜTKHI KIHÜM HUHTANYU 1:4

amüsühkhitkhi Me ayannü ashe chingnü arhang kamlode, wulade Thrünpuh tsührü de akhipkhitkhi,

ROMRÜ KILIM PAULNÜ ATHRÜTKHI KIHÜM HUHTANYU 8:9

Atsütsü Thrünpuh Me nüsa kheak lasho, nüsa shih ching müla tüshe me ching lah. Shepü Khrista Me mülanü api yo yung.

EFISIA 4:30

Arhokhitpü nimung thsungkheak nüsa yümkih-a lakhi Thrünpuh Amüsüh Me mulong dütukthsüshih.

2 TESALONIKA 1:9

Arübo athsümünim tüsho Thrünpuh miki tüsho api wu müretah chingnü chamkhia bahkhi thsünü labah,

MAHKHAPRÜ 13:25

Tüsho Zora le Eshtaol dükeak Mahane Dan ching A TUN GPU H menü api kheak thurumusupü tankih.

MAHKHAPRÜ 15:14

Küyimki api Lehi ching arükheanü, Filistiarünü api azhihde ahode arü. Judüki Atungpuh me api kheak tode arü; tüsho abin kheak liubo ju monü atakkhi hing nangde kam, tüsho akhahbo chingnü arhükkhi atreakabah.

MAHKHAPRÜ 16:20

Tüsho alibenü tha, “Samson! Filistiarü arüchoh.” Jumonü apinü ayapkhi chingnü asürü, tüsho tha, “Püpüki nangde inü awukhiukbah tüsho zuzu thsüde aphapbah!” Tüshe Atungpuh api kheaknü chamachihdo de apinü mümükheah.

1 SAMUEL 10:10

Küyimki arü ju chingnü Gibeath lim yüde alakhea, wukihrü boto khülangnü api shoru; tüsho Thrünpuh me api kheak la, tüsho api she arü bolung müchitmudude kam.

1 SAMUEL 16:14

Kheakü Atungpuh me Saul kheaknü chamachih, tüsho A TUN GPU H kilimnü amünean me arübah api thsurang.