MUNGSHIKHÜN 51:1 - AMÜSÜH HÜM CL Bible (BSI)

¹ O Thrünpuh, nü muzho yande I kheak amüthsüm laang; nü amüthsüm hihdakkhi yande I amülimbo nankhita bahjang.

MUNGSHIKHÜN 51:1 Iomraidhean Croise

2 SAMUEL 11:2

Ha dünji, arelim küyimki David ayapkiu kheaknü asürübah kiulongthsürü yam kumung tsahde alakhea, apinü aliberü khülang kemüyihde thüyam kheaknü ngü; alibe ju khide akheahpü atsü lakheah.

NEHEMIA 4:5

Arü neak düyihdojih yungsho arü neak nü mikinü nana dübahjih, tümüde arünü chipi thsürü miki mükhemükimdo.”

MUNGSHIKHÜN 106:45

tüsho arü dünkheaknü apinü api tangzüng lümkhit, tüsho mükhebinkhi api amüthsümbo yande lümalo.

MUNGSHIKHÜN 106:7

Isa jipürübonü Ijip ching nü amüyinsahbebo manikhit; arünü mükhebinkhi nü amüthsümbo mülümkhit, tüshe Amürüm Keto yeannü Wutobuh azhih.

MUNGSHIKHÜN 109:21

Tüshe O Atungpuh T HRÜNPU H , nü mung chingnü nünü I ki tsüde rhimoang; tümütüsho nü amüthsüm tsülah, I bekhitang.

MUNGSHIKHÜN 119:124

Nü amüthsüm yande nü yamlarü ki rhimoang, tüsho I ki nü yakzan thsükhibo thsangyuang.

MUNGSHIKHÜN 145:9

Atungpuhnü alala ki tsülah, tüsho api rhimobo alala kurungkheak api amüthsüm lah.

MUNGSHIKHÜN 4:1

Küyimki inü ajibanü I ki alojang, O I alim Thrünpuh! I lümthsünü ching lachoki nünü I shukheamjih; I ki amüthsüm laang, tüsho I tamkhüntamnü sojang.

MUNGSHIKHÜN 40:11

O Atungpuh , nü amüthsüm I kheaknü dülulo; nü muzhodakkhi tüsho thiyuronü mutuklode I kümshang.

MUNGSHIKHÜN 5:7

Tüshe nü muzho ato hode I nü yam ching yüzahbah; nü wüntrekhi chingnü inü nü amüsüh arüngyam ching kingaünbah.

MUNGSHIKHÜN 51:9

I neakbo chingnü nü miro jikang tüsho I amülimkhibo alala nankhita bahjang.

MUNGSHIKHÜN 69:13

Tüshe I a, nünü amulongkhi kim ching I tamkhüntamnü nü kilim lah, O Atungpuh ; O Thrünpuh, nü amüthsüm todakkhi ching, nü thiyuro akhümkhit ching I ki anijang.

MUNGSHIKHÜN 69:16

I ki anijang, O Atungpuh , tümüde nü muzhodakkhi ju tsülah; nü amüthsüm todakkhi yande I kilim rholoang.

MUNGSHIKHÜN 77:9

Thrünpuhnü muzhomüyipü mihdü de? Api bukakhiukkhi ching api amüthsüm rihdü de?

ISAIA 43:25

I, I api shepünü I mung chingnü nünü alakmihkhibo nankhita bahjih, tüsho inü nü neakbo mülümkhit.

ISAIA 44:22

Nünü alakmihkhibo inü amo nangde wua bahdo tüsho nü neakbo shumuliu nangde bahjihdo; I kilim rholoang, tümüde inü nü rhokhitdo.

ISAIA 63:15

Yinmi chingnü, nü yo amüsüh tüsho müretahkhi lapung chingnü abinkhia kheahang. Nü künkhi tüsho nü wu-sühmüh küching la? Nü amuzho tüsho nü lümrhihkhi thsü küching la? Arübo isa kheaknü tukloa lah.

ISAIA 63:7

Inü Atungpuh mihmuzho rhimobo, mung shipü thülünkhi Atungpuh rhimobo, Atungpuhnü isa thsungkheak rhimokhi alala dünkheak, tüsho Israel yamkhün kilim tode tsüdakkhi, apinü anihbuh mihmüthsüm yande arü ki huhkhi, api muzhodakkhi muzhomopung yande athabah.

JEREMIA 18:23

Tütüshe O Atungpuh , arünü I laksahpü lümkhi nünü mükheahlah. Arü mülimkhi neak dübahjih, nü mikinü arü neak nankhita dübah. Arübo nü miki jipkhia bahang; nü bukakhiukchoki arü ki keoang.

TÜZHOKHI 3:32

Apinü mulong rozhak jihjih she anihbuh amuzho düküngkhi yande apinü mihmuzho labah;

DANIEL 9:18

O I Thrünpuh, nü nükhün muphoang tüsho aniang; nü mükbo khimshuhang tüsho isa thsümünimkhi tüsho nü mung tamde ajikhi kiuto kheahang, tümüde isa thiyuro-lungki dünkheaknü isanü nü miki mushukhi yung, tüshe nü mihmüthsüm ato dünkheaknü ah.

DANIEL 9:9

Isanü api azhih-a lalashe Atungpuh isa Thrünpuh ju mihmüthsüm tüsho neak bahjihrü lah;

YUNIRÜBO RHIMO 3:19

Jumonü mulong müthriang, tüsho rholoang, junangde nüsa neakbo nankhita bahbah Atungpuh kilimnü me düküngpü kimbo arübah,

KOLOSI 2:14

isa mayede, isa azhihde thrüta lakhi yuzüngbo apinü nankhita bahjih; apinü ju sangkim kheak yümkihde lubah tsoabah.