MUNGSHIKHÜN 50:1 - AMÜSÜH HÜM CL Bible (BSI)

¹ Wuto Atungpuh , Thrünpuhnü asukchoh; apinü alomi athrünkhi aniakhiuklimnü aniyüzahlim khiungde jichoh.

MUNGSHIKHÜN 50:1 Iomraidhean Croise

THRÜNTAN 17:1

Küyimki Abram kam 99 azorü lakheanü, Atungpuh api ki akhiuk tüsho tha, “I Wuto Thrünpuh ah; I miki tsahang tüsho lungkide laang.

1 KIULONG THSÜRÜ 18:21

Judüki Elijanü mihtsürübo alala thüninde arü tüsho tha, “Nüsa külokhüh lümkhi mahne dükeak leamba le? Mürangkhüh Atungpuh ju Thrünpuh a sho api yanang; tüshe Baal thsüa lasho, api yanang.” Mihtsürübonü api ki thiyu bümkhüh she malo.

1 KIUTHSÜYUKHEAN 15:17

Jumonü Levirünü Joel tsührü Heman yüzahshih; tüsho api buhtsührü Berekia tsührü Asaph; tüsho Merari tsührübo, arü buhtsührü, Kushaia tsührü Ethan;

1 KIUTHSÜYUKHEAN 16:37

Davidnü Asaph tüsho api buhtsührübo Atungpuh tangzüng sangdan miki nimung aban sangdan miki yihnüpü lakhi mutukzhakde tankihpü zojih,

1 KIUTHSÜYUKHEAN 25:2

Asaph tsührübo: Zakkur, Josep, Nethania, tüsho Asarela; Asaph tsührübo Asaphnü khuhlangahuhkhi khüp le arü kiulongthsüpuhnü khuhlangahuhkhi khüp müchitde la.

1 KIUTHSÜYUKHEAN 25:6

Arü alala larüp, bingshang, tüsho bingkhungbo shuhbah Atungpuh yam ching khün khungde, Thrünpuh yam ching mukhungmüdan thsungkheaknü arü abuhnü khuhlangahuhkhi khüp lakheah. Asaph, Jeduthun, tüsho Heman arü kiulongthsüpuh yukhüm khüp lakheah.

1 KIUTHSÜYUKHEAN 6:24

atsührü Tahath, atsührü Uriel, atsührü Uzzia, tüsho atsührü Shaul.

2 KIUTHSÜYUKHEAN 29:30

Kiulongthsüpuh Hezekia tüsho atorübonü, David tüsho angürü Asaph yubo bede Atungpuh kilim mungshi khün thsüshihpü Levirübo kilim thiyukhüm jih. Arünü asühde mungshi khün thsü, tüsho arünü khukning tüsho kingaün.

NEHEMIA 9:32

O Thrünpuh, isa Thrünpuh, nü küdükhüh ato! Küdükhüh atrebe, küdükhüh wu! Nünü tangzüngkhibo thiyuronü rhimodo. Asiria kiulongthsürünü isa junokhi chingnü, kheakü khiungde! Isa kiulongthsürübo, limberübo, amükeamrübo tüsho wukihrübo, jipürübo, tüsho mihtsürü alala kheak küpkhukkhi nü miki anikhüh nangde dükamshih!

NEHEMIA 9:6

Israelrünü hade tamkhüntamnü: Nü, Atungpuh , nü lang Atungpuh ah; nünü thüning, achangbe thüningbo tüsho chiningbo thrün. Nünü alo, keto tüsho ju ching mungjithürü bebah thrün; nünü alala kilim rhangdung jih. Thüningrü botonü khukningbah nü kingaün.

MUNGSHIKHÜN 113:3

Ani akhiuknü ayüzah khiungde Atungpuh mung shipü lah.

MUNGSHIKHÜN 73:1

Tsükjide Thrünpuh a Israel, mulong müsührü ki tsülah.

MUNGSHIKHÜN 74:1

O Thrünpuh, tümüde nünü isa lünnü bahyuka la? Tümüde nü mihtsürü azhihde bukakhiukcho?

MUNGSHIKHÜN 75:1

Isanü nü ki makshe jihchoh, O Thrünpuh, isanü makshe jihchoh! Isanü nü tokhi zhiyukchoh tüsho nünü amüyinsahbe rhimokhi dünkheak thachoh.

MUNGSHIKHÜN 76:1

Juda ching Thrünpuh mükheahlah; Israel ching api mung ato lah.

MUNGSHIKHÜN 77:1

Inü I düsheaknü Thrünpuh ki zhi; tüsho apinü I ki sojih.

MUNGSHIKHÜN 78:1

O I mihtsürü, I yakzan aniang; inü athakhi aniang.

MUNGSHIKHÜN 79:1

O Thrünpuh, trükshihbo nü yamrüplurüp ching azahdo; arünü nü amüsüh arüngyam thsümünimdo; arünü Jirusalem thsümünima mujungshihlah.

MUNGSHIKHÜN 80:1

Aniang, O Israel neakbuh, nü shepünü mihnu boto nangde Josep becho; nü shepü cherubim dükeak zhingzhingde la!

MUNGSHIKHÜN 81:1

Isa sühmüh Thrünpuh ki achangnü khün thsang; Jakob Thrünpuh ki asühkhi düsheak thsang.

MUNGSHIKHÜN 82:1

Amukhungrü ato ching Thrünpuh zhiplah; apinü thrünpuhbo lung mahkhapchoh.

MUNGSHIKHÜN 83:1

Malande düla, O Thrünpuh; nü mungtsü dütholo, tüsho zhikde düla, O Thrünpuh!

ISAIA 1:2

Aniang, O yinmibo, tüsho aniang O alomi; tümüde Atungpuhnü asukdo: Inü tsührübo mütrükhit tüsho arübo zübemusu, tüshe arünü I azhihdo.

ISAIA 37:20

Jumonü kheakü, O Atungpuh isa Thrünpuh, api khah chingnü isa khümkhitang, junangde alomi kiulongthsübo alalanü nü lang Thrünpuh ah de amükheahbah.”

ISAIA 54:5

Tümüde nü Thrünrü ju nü yamkhünbuh lah, Wuto Atungpuh ju api mung lah; Israel Amüsüh Thrünpuh ju nü Rhokhitrü, api alomi athrünkhi Thrünpuh de jichoh.

ISAIA 9:6

Tümüde isa thsungkheak tsührü khülang zübea lah, tsührü khülang isa kilim jih-a lah; kiulongthsü sühmüh api dubuh kheak kihlah tüsho api mung Amüyinsahbe Lümthiyan-jihrü, Wuto Thrünpuh, Akheam mülakhi Abuh, Mungtsü Kiulongthsürü de ajibah.

JEREMIA 10:6

Nü nangde she müla, O Atungpuh ; nü ato ah, tüsho wu-sühmüh ching nü mung tolah.

AMOS 3:8

Kekhüzünü arungchoki, shenü mütrepü? Atungpuh Thrünpuhnü asukchoki, shenü mümüchitpü?

MALAKI 1:11

Tümüde ani akhiuknü ayüzah khiungde trükshih bolung I mung ato lah, tüsho dangpung aban ching I mung chingnü rhümthüneabe tüsho atsangkhit kingaün jihchoh; tümüde I mung ju trükshih bolung ato lah, Wuto Atungpuhnü thachoh.

MATHI 25:32

Trükshih alala api miki mukhungbah, tüsho namfimihnu neakrünü nihbuh namfimihnubo chingnü mihnubo büthsükhi nangde apinü arü khülang chingnü khülang büthsübah.

JIHUSUA 22:22

“Atungpuh ju thrünpuhbo kurungkheak Thrünpuh! Atungpuh ju thrünpuhbo kurungkheak Thrünpuh! Apinü mükheahlah; tüsho Israelrünü she mükheahshihnelah! Ha Atungpuh azhihde api kheak akin mülaa lasho, khihni isa dülashih!