MUNGSHIKHÜN 5:7 - AMÜSÜH HÜM CL Bible (BSI)

⁷ Tüshe nü muzho ato hode I nü yam ching yüzahbah; nü wüntrekhi chingnü inü nü amüsüh arüngyam ching kingaünbah.

MUNGSHIKHÜN 5:7 Iomraidhean Croise

1 KIULONG THSÜRÜ 8:35

“Küyimki yinmi rihdoba tüsho arünü nü azhihde neak yihbeakmonü tsüng marübanü, tüsho arünü nü mung ching alokhide ha yam lim tamkhüntamnüba, tüsho nünü arü thsümüchikhi hode arü neak chingnü arholoba,

1 KIULONG THSÜRÜ 8:38

tümüpürü tamkhüntamnü, yungsho zhoshekhi langzü yungsho nü mihtsürü Israel alalanü arü mulong ching thsümüchi lakhi mükheahde ha yam lim arü khah chungkihbanü;

MUNGSHIKHÜN 101:7

Shepünü mülapmüjide rhimochonü I yam ching müla; shepünü akeangyu thachonü I miki mutuklode müla.

MUNGSHIKHÜN 130:4

Tüshe nü lung neak bahjihkhi lah, junangde nü trede alabah.

MUNGSHIKHÜN 132:7

Isanü api arüngkhimyam ching yüzahanü; isanü api jing dubopung ki kingaünanü.

MUNGSHIKHÜN 138:2

Inü nü amüsüh arüngyam lim kingaünbah, tüsho nü muzho tüsho nü thiyuro dünkheak nü mung shibah; tümüde nünü nü mung alala kurungkheak nü yu thushihdo.

MUNGSHIKHÜN 28:2

Inü arung thsungkheak nü ki zhide, nü amüsüh arüngyam lim I khah chungkihchoki, inü amushukhi düsheak sojang.

MUNGSHIKHÜN 34:17

Küyimki thiyuro-lungkirünü arung thsungkheak zhibanü Atungpuhnü alochoh, tüsho arü küpkhuk alala chingnü bekhitchoh.

MUNGSHIKHÜN 51:1

O Thrünpuh, nü muzho yande I kheak amüthsüm laang; nü amüthsüm hihdakkhi yande I amülimbo nankhita bahjang.

MUNGSHIKHÜN 52:8

Tüshe I a Thrünpuh yam ching oliv sangdung phüyak nangde lah; inü Thrünpuh mihmüthsüm ching lünnü lün kinchoh.

MUNGSHIKHÜN 55:16

I thsungkheak a, inü Thrünpuh ki jibah, tüsho Atungpuhnü I khümkhitbah.

MUNGSHIKHÜN 69:13

Tüshe I a, nünü amulongkhi kim ching I tamkhüntamnü nü kilim lah, O Atungpuh ; O Thrünpuh, nü amüthsüm todakkhi ching, nü thiyuro akhümkhit ching I ki anijang.

MUNGSHIKHÜN 69:16

I ki anijang, O Atungpuh , tümüde nü muzhodakkhi ju tsülah; nü amüthsüm todakkhi yande I kilim rholoang.

MÜCHITMUDU 6:16

Harü mungji thuruk Atungpuhnü thraneanlah, am, thüne apinü thranean lah:

MÜCHITMUDU 6:17

kükheangde akheahkhi, akeangyu thakhi mulo, amülim thiyih bukkhi khah,

ISAIA 55:7

mihbukmuyuknü arü limro tüsho thiyuro mülarünü arü lümkhi bahyukshang; arünü Atungpuh kilim rholoshang, junangde apinü arü kheak mihmüthsüm labah, tüsho isa Thrünpuh kilim rholoshang, tümüde apinü suhdahde neak bahjihbah.

ISAIA 64:11

Isa yo amüsüh tüsho akheahakham arüngyam, küpü ching isa jipürünü nü mung shikhea, ju monü takabahdo, tüsho isa lopung atsübo athsümünimkhibo kamdo.

DANIEL 6:10

Mütsan-hüm kheak ju dokihdo de Danielnü mükheahkheah she, apinü mutuklode api yam ching yü, küpü Jirusalem limpeang akube khiungshak ching ayinripitbo lakhea, tüsho apinü püpüki rhimokhi nangde api Thrünpuh ki tamkhüntamnüde api shijihpü nimung chingnü mahsam ki khukning.

HOSEA 3:5

Ju dunglim Israelrünü rholobah tüsho Atungpuh arü Thrünpuh, tüsho arü kiulongthsüpuh David yimbah; akheam nimungbo ching arünü Atungpuh trede api müngühmühi lim arübah.

YUNIRÜBO RHIMO 9:31

Junangde Judea, Galilee tüsho Samaria ching borü alala mungtsü lade tankih-a lakheah; tüsho Atungpuh trekhi ching tsahde tüsho Amüsüh Menü mulong shukheamkhi ching wüh bude kam.

IBRI 4:16

Jumonü isanü yihnüpü kim ching mihmüthsüm leangkhipü tüsho mihmuzho ngüpü thsüde amüthsüm kiulongthsü-binkiu thüninde isanü mulongram lade yüanü.

JIHUSUA 24:15

Kheakü nüsanü api mütankihnesho, nüsa lakhi lo ching nüsa jipürünü akingaünkhi kethripkhüh yungsho Amorrü thrünpuhbo tankihba shi shepü tankihbanü khihni mokhitang; tüshe I tüsho I yamkhün a Atungpuh tankihbah.”