MUNGSHIKHÜN 5:4 - AMÜSÜH HÜM CL Bible (BSI)

⁴ Tümüde nü a mihbukmuyuk ching masühkhi Thrünpuh ah; amütsü-rhimo nü kheak müla.

MUNGSHIKHÜN 5:4 Iomraidhean Croise

1 KIUTHSÜYUKHEAN 29:17

I Thrünpuh, nünü mulong yimchoh tüsho thiyuro lungki ching reangkeamchoh de inü mükheahlah; I mulong alungki chingnü inü ha kukrukbo alala akeangnü jihdo, tüsho kheakü nü mihtsürübonü ha ching nü kilim akeangnü tüsho asühde ajihkhi inü ngüdo.

MUNGSHIKHÜN 101:7

Shepünü mülapmüjide rhimochonü I yam ching müla; shepünü akeangyu thachonü I miki mutuklode müla.

MUNGSHIKHÜN 11:5

Atungpuhnü thiyuro-lungkirü rükakichoh, tüshe mihbukmuyuk tüsho athsümünim muzhorü api menü thraneanchoh.

MUNGSHIKHÜN 140:13

Tsükjide thiyuro-lungkirünü nü mung ching makshe jihbah; alungkirü nü miki labah.

MUNGSHIKHÜN 50:21

Nünü harü rhimodo, tüsho inü zhikde la; I ju nü ruk ah de nünü lüm; tüshe inü nü thürühbah, tüsho jurübo nü miki akhin akhinnü azobah.

MUNGSHIKHÜN 63:2

Jumonü nü wu tüsho nü müretah ngüpü, inü arüngakopung ching nü kheahdo.

MUNGSHIKHÜN 88:14

Atungpuh , tümüde nünü I me bahyuka la? Tümüde nü miro I kheaknü jika la?

MUNGSHIKHÜN 92:15

Atungpuh ju alungki de akhipkhitpü labah; api I lungto, tüsho api kheak thiyuro-mülungkikhi tümü müla.

MUNGSHIKHÜN 94:20

Amülimkhi kiulongthsü-binkiu, küpünü yakzan hode amütsü asahchonü, nü lung arihako laba de?

HABAKKUK 1:13

Nü mükbo ju amütsü ngüpü khide tsangkhitlah, tüsho nünü amülim-rhimo kheak mükheahkhuk; tümüde nünü mülapmüji kheak kheahcho le, tüsho mihbukmuyuknü arü kheaknü thiyurolungkirü lakhi muyuchoki zhikde lacho le?

MALAKI 2:17

Nüsanü nüsa yubonü A TU N GPU H khishihdo. Tütüshe nüsanü, “ Küde thsah isanü api khishihkhi? Isanü amütsü rhimokhi alala Atungpuh miki atsü lah, tüsho apinü jurü ching asühchoh. Yungsho thiyuro Thrünpuh küching la?” de thachoh.

JOHAN 14:23

Jisunü api ki alo, “Khürünü I muzhosho, apinü I yu zobah; I Buhnü api muzhobah, tüsho ike api kilim arübah tüsho api lung ike yam thsübah.

IBRI 12:14

Mihtsürü alala kheak mungtsü tüsho amüsüh rhangdung lapü mürangang, tüsho ju mübedüa shenü she Atungpuh müngü.

2 PETER 3:13

Tüshe apinü alokhikhi zode isanü yinmi aso tüsho alomi aso, thiyurolungkirü lapung kheahchoh.

AMIKHEAKAKHIUKKHI 21:23

Tüsho kiuto yinpü ani yungsho khinu yihnüpü müla, tümüde Thrünpuh müretahkhi ju ayin, tüsho Namfimihnunu ju tsün ah.

AMIKHEAKAKHIUKKHI 21:27

Tüsho mümüsühkhi tümü she, yungsho athranean yungsho arükchih rhimorü ju ching müyüzah, tüshe Namfimihnunu rhangdung hüm ching thrüta larü lang ayüzahbah.