MUNGSHIKHÜN 5:11 - AMÜSÜH HÜM CL Bible (BSI)

¹¹ Tüshe nü kheak tsoyukrü alala asühachihshang, asühachihkhi thsungkheak arünü kamruhroro khün thsüshang; tüsho nünü arü tsungdojang, junangde nü mung muzhorü nü lung asühachihbah.

MUNGSHIKHÜN 5:11 Iomraidhean Croise

JOB HU H T ANYU 38:7

küyimki yapsu chiningbonü rukhüh khün thsücho, tüsho Thrünpuh tsührübo alalanü asühachihde zhicho?

MUNGSHIKHÜN 2:12

Ajanang tüsho api ki khukningang; jude yungsho nahde abukakhiukbah tüsho nüsa zukleangnü limro ching dükheakbah. Sherübo api kheak tsoyukchonü asühpü.

MUNGSHIKHÜN 35:27

I thiyuro-lungki lümjihrünü asühachihde zhishang; tüsho mutuklode arünü thashang, “Api yamlarü tsüde alakhi ching asühkhi Atungpuh shuhkihshang.”

MUNGSHIKHÜN 40:16

Nü yimrü alala nü lung asühachihshang tüsho asühshang; nü akhümkhit muzhorünü kamruhroro thashang, “Atungpuh shuhkihshang!”

MUNGSHIKHÜN 58:10

Thiyuro-lungkirünü royimkhi ngüchoki asühachihbah; apinü mihbukmuyuk thiyih ching ajing müsühbah.

MUNGSHIKHÜN 65:13

Rimlopungbo mihnu botonü lüpchim; jindükhünbo hibonü mithülam; arünü asühachihde zhichoh tüsho khün thsüchoh.

MUNGSHIKHÜN 68:3

Tüshe thiyuro-lungkirü asühshang; arübo Thrünpuh miki hodakde asühachihshang.

MUNGSHIKHÜN 69:36

api yamlarübo tsühsoniusobonü ju yamrüplurüp lubah, tüsho sherünü api mung muzhochonü ju ching labah.

ZEKARIA 9:9

Tode asühachihang, O Zion mihtsürübo! Achangnü zhiang, O Jirusalem mihtsürübo! Kheahang, nüsa kiulongthsüpuh nüsa kilim, thiyuro-lungki tüsho akhümkhit lade, azhihayih tüsho donki kheak, khorapung nunu kheak, donki nunu kheak binbah arüchoh.

ROMRÜ KILIM PAULNÜ ATHRÜTKHI KIHÜM HUHTANYU 8:28

Api lümkhi yande jia larü, apinü amuzhorü ki lüpdükhi ching Thrünpuhnü atsü thsungkheak rhimochoh de isanü mükheahlah.

1 KORINT 2:9

Tüshe ha thrüta lah, “Tümü she müknü müngükhea, yungsho nükhünnü muso, yungsho mihtsürü mulongnü mülümkhea, juju Thrünpuhnü api muzhorü khilim thsakhamkheah.”

JAKOB 1:12

Mihtsürü shepünü rükaki arümchonü müngühmühi, tümüde küyimki apinü rükaki arümkhukbanü api muzhorü ki Thrünpuhnü alokhikhi rhangdung kuthran ngübah.

JAKOB 2:5

Aniang, inü muzhokhi keoniorübo. Akin ching alarü thsüpü tüsho apinü amuzhorü ki alokhikhi kiulongthsü yamrüplurüp lupü Thrünpuhnü zhochihrü mokhitkhi yung de?

AMIKHEAKAKHIUKKHI 18:20

Anihbe kurungkheak asühachihang, O yinmi, O amüsührübo, amüsüh-thsangyurübo tüsho wukihrübo, tümüde Thrünpuhnü nüsa dünkheak anihbe azhihde mahkhapdo!

MAHKHAPRÜ 5:31

Jumonü nü riri alala dükheakshang, O Atungpuh ! Tüshe nü muzhorü a ani müzhakde akhiukchoki nangde lashang. Judüki lomi ju kam yirü thsungkheak mungtsü la.