MUNGSHIKHÜN 5:10 - AMÜSÜH HÜM CL Bible (BSI)

¹⁰ Arü mülimkhi thakhitjang, O Atungpuh ; arü rük thsükhinü arü keamshang; arünü alakmihkhi ahihdo dünkheak arü yankhitang, tümüde arünü nü azhihdo.

MUNGSHIKHÜN 5:10 Iomraidhean Croise

2 SAMUEL 15:31

Ahithophel she aram-asukachihkhi lung belah de David ki tha. Tüsho Davidnü tha, “O Atungpuh , inü nü ki tamkhüntamnüchoh, Ahithophel athsunganahkhi ju makhashang.”

2 SAMUEL 17:14

Absalom tüsho Israel mihtsürü alalanü tha, “Arkrü Hushainü athsunganahkhi ju Ahithophel athsunganahkhi kheaknü atsübe ah.”

2 SAMUEL 17:23

Küyimki Ahithophelnü athsunganah mürhimokhi anihbuhnü angükhea, apinü nihbuh donki kheak hah mühahbah kiuto ching thüyam lim yüabah. Apinü nihbuh yam akhinashu thsüde zowu, tüsho azangrü sük; api sheabah tüsho abuh mibahpung ching kiuyukabah.

2 KIUTHSÜYUKHEAN 25:16

Tüshe api thade alachoki kiulongthsüpuhnü anihbuh ki tha, “Isanü nü kiulongthsü athsunganahrü thsüshihkhea de? Tukloang! Tümü thsüpü nü asheshihpü?” Jumonü wukihbuhnü tuklo, tüshe tha, “Thrünpuhnü nü thsümünimpü lümkihdo de inü mükheahlah, tümütüsho nünü ha rhimodo tüsho inü athsunganahkhi mani.”

ESTER 7:10

Junangde Haman ju anihbuhnü Mordekai sheshihpü süksahdung thsükhi kheak zhinde sheshih. Jushu kiulongthsüpuh bukakhiukkhi keamlo.

MUNGSHIKHÜN 10:15

Mihbukmuyuk tüsho amütsü mihtsürü bin yihshakjang; api mihbukmuyuk shahjungde mülayi khiungde nünü yimang.

MUNGSHIKHÜN 107:11

tümütüsho arünü Thrünpuh yubo azhih, tüsho Khide Achang lümthiyan bahyuk,

MUNGSHIKHÜN 17:13

Asürang, O Atungpuh , api shoruang, tüsho keamshang; nü nukshang hode mihbukmuyuk chingnü I bekhitang,

MUNGSHIKHÜN 31:18

Arünü kükheangde tüsho bahyukde thiyuro-lungkirü azhihde asukkhi dünkheak arü keangtha münküp zhikde kamshang.

MUNGSHIKHÜN 35:26

I thsümütsü kheak asühachihrü rukhühnü achih ngüshang tüsho yingyingshang; I kurungkheak arü küdah thsüde ashuhkihrü achih ngükhi tüsho wüntre mülakhinü lüpdoshang.

MUNGSHIKHÜN 55:15

Ashepünü arü tholoshang; arübo arhangnü Ashe-lomi ching yüshang, tümüde mihbukmuyuk arü lapungbo tüsho arü bolung ching lah.

MUNGSHIKHÜN 66:7

Apinü api wu hode lünnü yakzan shuhchoh; api müknü trükshihbo kheahyukchoh; azhihrübo arü küdah thsüde düshuhkihshih.

MUNGSHIKHÜN 71:13

I mulomülaprü achih ngüshang tüsho dükheakshang; I yuripü yimrü achih tüsho mungchih ngüshang.

MUNGSHIKHÜN 79:12

Atungpuh , arünü nü mükhemükimkhi dünkheak püpürü trükshihbo ki thüne ki athrihloang.

ISAIA 1:2

Aniang, O yinmibo, tüsho aniang O alomi; tümüde Atungpuhnü asukdo: Inü tsührübo mütrükhit tüsho arübo zübemusu, tüshe arünü I azhihdo.

ISAIA 1:20

tüshe nüsanü reanglosho tüsho azhihsho, nukshangnü nüsa muyubah; tümüde Atungpuh münnü asukdo.

ISAIA 63:10

Tüshe arünü azhih tüsho api memüsüh mulong rozhakshih; jumonü api ju arü riri kam; anihbuhnü arü azhihde keochih.

TÜZHOKHI 1:5

Anihbe riribo aputungrübo kamdo, anihbe riribo thsü-tsüde lah, tümütüsho anihbenü thsümünimkhi hihdakmonü Atungpuhnü anihbe thsünüshih; anihbe tsührübo tsoabahdo, thiri miki aramrübo ah.

DANIEL 9:5

isanü mihbukmuyuk rhimode tüsho azhihde nü yukhümbo tüsho yuzüngbo kheaknü rholobah tsode neak yihbeakdo tüsho amülim thsüdo.

DANIEL 9:9

Isanü api azhih-a lalashe Atungpuh isa Thrünpuh ju mihmüthsüm tüsho neak bahjihrü lah;

HOSEA 9:7

Thsümüchi nimungbo arüdo, royimpü nimungbo arüdo; Israelnü zhichoh, “ Wukihrü amülim ah, me lakhi mihtsürü makharü ah!” Tümütüsho nü mülimkhi tokhinü, nü mükthsü tode lah.

1 KORINT 3:19

Tümütüsho ha lomi lümlung ju Thrünpuh miki makhakhi lah, tümüde ha thrüta lah, “Apinü arü rükri chingnü lümlung tholochoh,”

YUZÜNGTHALO 2:30

“Tüshe Heshbon kiulongthsüpuh Sihonnü isa muhoshih, tümüde khihni ha nangde, api nüsa khah ching jihpü Atungpuh nüsa Thrünpuhnü api me tüsho mulong müküpshih.

1 SAMUEL 25:29

Khürünü nü müshampü asürüsho tüsho nü rhangdung yimsho, I tungpuh rhangdung ju Atungpuh nü Thrünpuhnü akümkhi rhangdung ching rhükdoa zobah; tüshe nü riribo rhangdung a lunghitliu chingnü hitkhita bahkhi nangde apinü hitkhita bahbah.

1 SAMUEL 25:39

Küyimki Nabal shekhi Davidnü asokhea, apinü tha, “Nabalnü I kheak mükhemürangkhi dünkheak mahkhapkhi tüsho api yamlarü amütsü rhimo chingnü atukloshihbuh Atungpuh shiang; Nabalnü amütsü rhimokhi Atungpuhnü aku kheak yihkihlojihdo.” Judüki Davidnü aniube thsüpü Abigail kilim thiyusheak yüshih.